Jimin បង្ហោះសារអរគុណ Megan Thee Stallion ក្រោយសហការគ្នាចេញបទ «Butter» Remix!

កូរ៉េខាងត្បូង ៖ កាលពីសប្តាហ៍មុន បណ្ដាញសង្គមបានផ្ទុះឡើងភ្លាមៗបន្ទាប់ពីBTS បានទម្លាក់បទ «Butter» Remix ដែលរួមសហការជាមួយ Megan Thee Stallionដោយទទួលបានការគាំទ្រខ្លាំង និងការសរសើរជាហូរហែផងដែរ។

ស្របនឹងនេះដែរ BTS បានចែករំលែកលើ TikTokដោយថតចេញពីជណ្តើរយន្ត រួមបញ្ចូលផ្នែករ៉េបរបស់តារាស្រីជនជាតិអាមេរិករូបនេះហើយ Megan Thee Stallion ក៏បានយកទៅបង្ហោះបន្តលើ Twitterហើយប្រាប់ថាចង់ថត TikTok ដូចជា BTS ទៀតផង។

ជាក់ស្ដែង ថ្មីៗនេះ Jimin បានចូលទៅចែករំលែកបន្តពី Megan Thee Stallion ដោយបានអរគុណដែលនាងបានផ្តល់សម្លេងដ៏ល្អមកដល់ក្រុមរបស់ពួកគេហើយនេះក៏បង្ហាញឲ្យឃើញថាមិត្តភាពរបស់តារាបរទេសរូបនេះ និង BTS ពិតជាសាកសមជាដៃគូសហការគ្នាដ៏ល្អពិតៗ៕

ប្រភព ៖ Soompi