តើតារានិកររបស់សមាជិក BLACKPINK រូបណា ត្រូវគ្នាបំផុតជាមួយអ្នក?

យល់ដឹង៖ ថ្ងៃនេះយើងនឹងនិយាយអំពីក្រុមចម្រៀងនារី ដែលជាក្រុមដ៏មានទេពកោសល្យ BLACKPINK មានសមាជិក ៤ នាក់គឺ Jennie Rosé Jisoo និង Lisa ។

សម្រាប់អ្នកដែលមិនទាន់ស្គាល់គឺ ពួកគេបានបង្ហាញខ្លួនជាលើកដំបូងនៅក្នុងឆ្នាំ ២០១៦ ហើយបានយកឈ្នះបេះដូងរបស់ហ្វេន រាប់លាននាក់ ចាប់តាំងពីពេលនោះមក។ 

ក្រុមដែលមានទេពកោសល្យមួយនេះ បានធ្វើឱ្យមានការកត់សម្គាល់ទូទាំងពិភពលោក និងបានបំបែកកំណត់ត្រាជាច្រើន។ ពួកគេជាតារាស្រី K-pop ដំបូងគេដែលមាននៅលើតារាង Billboard 200 និង Hot 100 ។​ ពួកគេមានអ្នក subscribe ជាង ៣៥,១ លាននាក់នៅលើ YouTube ។ ក្រៅពីមានភាពប៉ិនប្រសប់ សមាជិកម្នាក់ៗពិតជាមានភាពកំប្លុកកំប្លែង មានបុគ្គលិកលក្ខណៈដ៏ល្អអស្ចារ្យ បទចម្រៀងដ៏គួរឱ្យចាប់អារម្មណ៍ ហើយពោរពេញទៅដោយថាមពល ហើយវាគឺជាហេតុផលមួយចំនួន ដែលអ្នកគាំទ្រស្រលាញ់ពួកគេខ្លាំង។ ប្រសិនបើអ្នកកំពុងឆ្ងល់ពីអ្នកដែលត្រូវគ្នាបំផុតរបស់តារានិកររបស់ពួកគេ ចម្លើយគឺនៅទីនេះហើយ នៅមិនឆ្ងាយទេ!

នេះគឺជាតារានិកររបស់សមាជិក Blackpink នីមួយៗ ហើយខាងក្រោមនេះនឹងបង្ហាញថា តើអ្នកត្រូវជាមួយសមាជិករូបណា​ ដោយយោងទៅតាមតារានិកររបស់អ្នក ៖

១. Jisoo និង Jennie ដែលកើតក្នុងតារានិករ Capriocorn

Jisoo និង Jennie អ្នកទាំងពីរស្ថិតក្នុងដូចគ្នា Capricorn ។Jisoo បានកើតនៅថ្ងៃទី ៣ ខែមករា ឆ្នាំ ១៩៩៥ និង Jennie កើតក្នុងខែតែមួយ នៅថ្ងៃទី ១៦ ខែមករា ឆ្នាំ ១៩៩៦។ 

Capricorn មានមហិច្ឆតាខ្លាំង និងមានស្មារតីទទួលខុសត្រូវខ្ពស់ក្នុងសង្គម។ ពេលខ្លះពួកគេអាចមានលក្ខណៈងាយនឹងរងបញ្ហាផ្លូវចិត្តបន្តិច ហើយពេលខ្លះពួកគេអាចដាក់សម្ពាធដោយឡែក និងគ្រប់គ្រងខ្លួនឯងបានល្អបំផុត។ ទោះយ៉ាងណាក៏ដោយ ពួកគេអាចគ្រប់គ្រងបានពេលខ្លះ ប៉ុន្តែពួកគេគ្រប់គ្រងអ្វីៗគ្រប់យ៉ាង ដោយយកចិត្តទុកដាក់។

តារានិករដែលត្រូវគ្នាជាមួយ Capricorns បំផុតគឺ Taurus, Virgo, Scorpio និង Pisces ។ ចំណែកឯតារានិករដែលត្រូវគ្នាតិចតួចគឺ Aries និង Libra ។ ទោះយ៉ាងណាក៏ដោយ ករណីលើកលែង តែងតែមានជានិច្ចដូចជា Lisa ដែលកើតក្នុង Aries ក៏ដោយ។

២. Rosé ដែលកើតក្នុងតារានិករ Aquarius

នាងកើតនៅថ្ងៃទី ១១ ខែកុម្ភះ ឆ្នាំ ១៩៩៧ ដែលធ្វើឱ្យនាងស្ថិតក្នុងតារានិករ Aquarius ។ Aquarians គឺបះបោរ ឯករាជ្យ និងមានទំនុកចិត្តខ្លាំង ហើយក៏លាក់អារម្មណ៍ដែរ។ ប៉ុន្តែពួកគេចំណាយពេលរបស់ពួកគេយូរបន្តិច ដើម្បីបើកចំហ និងចែករំលែក នូវអារម្មណ៍របស់ពួកគេ ហើយនៅពេលពួកគេមានអារម្មណ៍ថា កក់ក្ដៅជាមួយអ្នកហើយ គឺពួកគេនឹងដើរលេងជាមួយអ្នក។ ពួកគេក៏ជាមនុស្សដែលពូកែវិភាគ តែងាយស្រួលនឹងសម្រប និងអាចសម្របខ្លួនជាមួយអ្នកជុំវិញ បានយ៉ាងងាយស្រួល។ ពួកគេក៏មានមនុស្សធម៌ដោយធម្មជាតិ ដែលចូលចិត្តថែរក្សា និងយកចិត្តទុកដាក់ចំពោះមនុស្សដែលនៅជុំវិញពួកគេ។

តារានិករដែលត្រូវគ្នាតិចតួចបំផុត ជាមួយ Aquarius គឺ Taurus និង Scorpio ។ចំណែកឯតារានិករដែលត្រូវគ្នាជាមួយ​ Aquarius បំផុត គឺ Gemini Libra និង Sagittarius។ ប៉ុន្តែគ្មាននរណាម្នាក់នៅ Blackpink បានកើតមក ក្នុងតារានិករទាំងនេះទេ។ ប្រហែលជាតារានិករមិនត្រឹមត្រូវទេដឹង!

៣.​ Lisa ដែលកើតក្នុងតារានិករ Aries 

នាងកើតនៅថ្ងៃទី ២៧ ខែមីនា ឆ្នាំ ១៩៩៧ នៅក្នុងតារានិករធាតុភ្លើង Aries ។ មនុស្សដែលកើតនៅក្រោមតារានិករនេះ គឺស្វាហាប់ និងងាយស្រួលសម្របជាមួយនឹងមជ្ឈដ្ឋានខាងក្រៅ។ ពួកគេពូកែធ្វើអ្វីៗបានសម្រេច ហើយពូកែអៀនច្រើន។Aries ងប់ងល់ និងយកចិត្តទុកដាក់បំផុត ចំពោះអ្វីដែលពួកគេធ្វើ និងស្រលាញ់។ ពួកគេមានវិន័យដោយខ្លួនឯងផ្ទាល់ខ្លួន ហើយពួកគេមានតម្រូវការបំផុតសម្រាប់ស្នេហា​ និងការស្រលាញ់។

ដោយយោងទៅតាមហោរាសាស្ដ្រ តារានិករដែលត្រូវគ្នាបំផុតជាមួយ Aries គឺ Gemini, Leo, Sagittarius និង Aquarius (Rosé) ។ ចំណែកឯតារានិករដែលត្រូវគ្នាតិចតួចបំផុតជាមួយ Aries គឺ Cancer និង Capricorn ប៉ុន្តែមិត្តភាពពិតប្រាកដ គឺអាចយកឈ្នះភាព ខុសគ្នានៃបុគ្គលិកលក្ខណៈរបស់តារានិករបាន។ ដូចជាមិត្តភាពរបស់ Lisa ជាមួយ Jisoo និង Jennie គឺជាភស្តុតាង!

ប្រភព: PINKVILLA