Butter ត្រលប់ទៅកាន់តំណែងលេខ១ ជាថ្មីម្ដងទៀត លើតារាង Billboard Hot 100!

កូរ៉េខាងត្បូង ៖ សម្រាប់សប្ដាហ៍នេះ បទ Butter របស់ BTS បានបំបែកកំណត់ត្រាផ្ទាល់ខ្លួនសាជាថ្មីម្ដងទៀតដោយបានបង្ហាញមុខនៅចំណាត់ថ្នាក់កំពូលលេខ១ ប្រចាំនៅលើតារាង Billboard Hot 100។

បទ Butter បានឈរនៅក្នុងតារាងBillboard Hot 100 នេះចំនួន១៤សប្តាហ៍មកហើយ ថែមទាំងបានគ្រងតំណែងកំពូលលេខ១ ជាលើកទី ១០ ផងដែរបើគិតទាំងសប្ដាហ៍ថ្មីនេះ បទនេះបានក្លាយជាចម្រៀងទោលទី៤០ ប្រចាំប្រវត្តិសាស្ត្ររបស់តារាងដែលឈរនៅលើចំណាត់ថ្នាក់លេខ១បាន ១០ សប្តាហ៍។

គួរបញ្ជាក់ផងដែរថា ចម្រៀង១បទនេះរបស់ BTS ក៏ជាប់ចំណាត់ថ្នាក់កំពូល លើតារាង Billboard’s Digital Song SalesChart រយៈពេល ១៤ សប្ដាហ៍ ជាពិសេស Butter ក៏ទើបនឹងបំបែកកំណត់ត្រាថ្មីបន្ថែម ដោយជាប់លេខ១ លើតារាង Billboard’s Songsof the Summer Chart ទៀតផង៕

សូមអបអរសាទរ BTS ចំពោះកំណត់ត្រាទាំងនេះ!    

ប្រភព ៖ Soompi