ផ្ទះរបស់ RM ពោរពេញដោយស្នាដៃសិល្បៈដ៏គួរឲ្យចាប់អារម្មណ៍!

January 13, 2022

កូរ៉េខាងត្បូង៖ សមាជិក BTS កំពុងទទួលបានចាប់អារម្មណ៍លើវេទិកាប្រព័ន្ធផ្សព្វផ្សាយសង្គមInstagram ខណៈពេលដែលពួកគេបានបើកគណនីផ្ទាល់រៀងៗខ្លួន ដោយចែករំលែករូបថត ក៏ដូចជាសកម្មភាពនានាឲ្យអ្នកគាំទ្រទូទាំងពិភលោកបានឃើញនិងរីករាយជាមួយគ្នា។

ជាក់ស្ដែង RM បាននឹងកំពុងទទួលបានការចាប់អារម្មណ៍ពីអ្នកគាំទ្រនិងអ្នកនិយមលេងអ៊ីនធើណែត ខណៈដែលលោកបានបង្ហាញពីចំណាប់អារម្មណ៍ចំពោះការបង្ហោះស្នាដៃសិល្បៈគំនូរដែលសាងឡើងដោយវិចិត្រករល្បីៗតាមរយៈគណនីInstagram ផ្ទាល់ខ្លួន។

ក្នុងនោះរូបជាច្រើនសន្លឹកនៃស្នាដៃសិល្បៈដែលជាកម្មសិទ្ធិរបស់លោកក៏កំពុងចាប់អារម្មណ៍ពេញបណ្តាញសង្គមជាមួយគ្នានេះអ្នកលេងអ៊ីនធើណែតបានចែករំលែករូបថតនៃបណ្តុំសិល្បៈដែល RM មានដាក់តាំងនៅក្នុងផ្ទះរបស់លោកផ្ទាល់ ជាមួយការលើកឡើងថា៖

RM ជាម្ចាស់ការងារជាច្រើនរបស់សិល្បករកូរ៉េខាងត្បូង។ នៅក្នុងផ្ទះរបស់លោកមានរូបថតដែលបានបង្ហោះនៅលើ Instagram ធ្វើឲ្យខ្ញុំច្រណែននឹងសមត្ថភាព និងទ្រព្យសម្បត្តិដែលអនុញ្ញាតឲ្យលោកបានតុបតែងផ្ទះ ជាមួយស្នាដៃសិល្បៈដែលលោកចូលចិត្ត។
— អ្នកលេងអ៊ីនធើណែត

អ្នកនិយមលេងអ៊ីនធើណែតផ្សេងទៀតក៏បានចូលរួមសហគមន៍អនឡាញហើយបានបញ្ចេញមតិដូចខាងក្រោម ៖

ខ្ញុំពិតជាចង់ដឹងថា RM នឹងទៅជាយ៉ាងណា ប្រសិនបើលោកមិនក្លាយជា Idol។ នោះជាផ្ទះរបស់លោកមែនទេ? ខ្ញុំគិតថារូបថតទាំងនោះមកពីការតាំងពិពណ៌សិល្បៈ។ Wow! លោកបានប្រឹងប្រែងធ្វើការ ប៉ុន្តែខ្ញុំច្រណែនលោកដែលអាចទិញវត្ថុសិល្បៈទាំងនោះនៅអាយុ ២៩ឆ្នាំ។ RM ជាមនុស្សមានរសនិយមចាប់អារម្មណ៍លើស្នាដៃសិល្បៈ។ លោកពិតជាអស្ចារ្យណាស់ និងគួរឲ្យសរសើរ។ លោកក៏ជាមនុស្សចូលអានដែរ ក្នុងបន្ទប់មានធ្នើរដាក់សៀវភៅគួរឲ្យច្បាប់អារម្មណ៍ជាច្រើនក្បាល។ល៕
— អ្នកលេងអ៊ីនធើណែត

ទស្សនារូបភាពស្នាដៃសិល្បៈក្នុងផ្ទះរបស់RM ខាងក្រោម ៖

ប្រភព ៖ Allkpop

អានបន្ថែម