ENHYPEN បង្ហាញថាពីមុន ពួកគេពិបាកសម្របខ្លួនរស់នៅក្នុង Dorm ជាមួយគ្នា!

March 18, 2022

កូរ៉េខាងត្បូង៖ ENHYPEN ត្រូវបានជ្រើសរើសជាតារាបង្ហាញម៉ូដសម្រាប់ទស្សនាវដ្តីL'Officiel Philippines ដែលជាទស្សនាវដ្តីម៉ូដសកលរបស់ហ្វីលីពីនចេញផ្សាយខែមីនា សម្រាប់ខែ មីនា ឆ្នាំ ២០២២ ហើយនេះក៏ជាវត្តមានលើកដំបូងរបស់ក្រុមដែលមានមុខលើគម្របទស្សនាវដ្ដីរបស់ហ្វីលីពីនផងដែរ។

នៅក្នុងបទសម្ភាសន៍ជានេះENHYPEN បាននិយាយអំពីប្រធានបទផ្សេងៗដូចជាជីវិតរស់នៅក្នុង Dorm រួមគ្នា និង ENGENE ដែលជា Fandom របស់ពួកគេ ៖

មែនហើយ ពីមុនពិបាកសម្របខ្លួនរស់នៅក្នុង Dorm ជាមួយគ្នា ព្រោះវាត្រូវចំណាយពេលមួយរយៈដើម្បីអាចរស់នៅជាមួយគ្នាបាន ប៉ុន្តែឥឡូវនេះពួកយើងមានភាពរីករាយពេលជាមួយគ្នា យើងតែងតែសើចសប្បាយពេលនៅជុំគ្នាបែបនេះ។ ពួកយើងនៅតែបន្តព្យាយាមស្វែងយល់ និងយកចិត្តទុកដាក់គ្នាទៅវិញទៅមក។ គ្រប់យ៉ាងហាក់ដូចជាយើងរកឃើញអ្វីដែលគួរឲ្យចាប់អារម្មណ៍ដោយការចែករំលែកទិដ្ឋភាព វប្បធម៌នៅក្នុងជីវិតប្រចាំថ្ងៃរបស់យើង។
— ENHYPEN

ជាមួយគ្នានេះដែរ សមាជិកក្រុមក៏បានសម្តែងការសោកស្ដាយដែលមិនអាចជួបអ្នកគាំទ្រដោយផ្ទាល់ដោយសារជំងឺរាតត្បាតកូវីដ១៩ និងទំនាក់ទំនងរបស់ពួកគេជាមួយអ្នកគាំទ្រ។

ឈ្មោះក្រុម ENHYPEN មានអត្ថន័យនៃការតភ្ជាប់ ដែលបង្ហាញពីបំណងប្រាថ្នាចង់រីកចម្រើនជាមួយគ្នាព្រោះ ENHYPEN និង ENGENE តែងតែភ្ជាប់ទំនាក់ទំនងគ្នានោះ។ នេះជាអ្វីដែលយើងព្យាយាមប្រាស្រ័យទាក់ទងជាមួយមនុស្សកាន់តែច្រើន។
— ENHYPEN

គួរបញ្ជាក់ផងដែរថាក្នុងចំណោមក្រុម Kpop ជំនាន់ទី៤ENHYPENត្រូវបានគេចាត់ទុកជាក្រុមចម្រៀងមួយដែលសាងប្រជាប្រិយភាព និងទទួលបានការពេញនិយមបំផុតនាពេលបច្ចុប្បន្ននេះ៕

ប្រភព ៖ Allkpop

អានបន្ថែម