ឃើញអ្វីមុនគេក្នុងរូបនេះ? បង្ហាញពីអ្វីដែលអ្នកដទៃ ចាប់អារម្មណ៍អ្នកពេលជួបដំបូង
កម្សាន្ត៖ ជារៀងរាល់ថ្ងៃ មនុស្សមានឱកាសជួបមនុស្សចម្លែកជាច្រើន ដែលពួកគេមិនដែលជួបពីមុនមក។ តើអ្នកធ្លាប់ឆ្ងល់ទេថា អ្វីជារឿងដែលមនុស្សដទៃចាប់អារម្មណ៍មកលើអ្នកពេលជួបដំបូង? ហើយតើអ្វីជាចំណាប់អារម្មណ៍ដំបូងរវាងពួកគេនិងអ្នក? ប្រសិនបើអ្នកមិនទាន់ដឹង ការធ្វើតេស្តបុគ្គលិកលក្ខណៈនៃការបំភាន់បែបអុបទិកខាងក្រោមនេះ នឹងជួយអ្នកឲ្យដឹងពីអ្វីដែលអ្នកត្រូវដឹង។ វានឹងជួយអ្នកឲ្យដឹងពីអ្វីដែលអ្នកដទៃគិតចំពោះអ្នក។ និងរបៀបដែលអ្នកអភិវឌ្ឍខ្លួនឯង ហើយអ្នកមិនចាំបាច់កែប្រែខ្លួនឯងដើម្បីឲ្យមនុស្សចូលចិត្តអ្នកឡើយ។
ដូច្នេះ ចូរចំណាំខ្លួនឯងថា តើរូបដំបូងដែលអ្នកដាក់ភ្នែកមើលឃើញក្នុងរយៈពេល ៥ វិនាទី វានឹងបង្ហាញពីអ្វីដែលអ្នកដទៃឃើញអ្នកដំបូង គេមានអារម្មណ៍បែបណា?
១.បើអ្នកឃើញរូបសេះ
រឿងដំបូងដែលមនុស្សនឹងបានកត់សម្គាល់លើអ្នកគឺ ទំនាក់ទំនងរវាងភ្នែកនិងភ្នែក។ នេះអាចធ្វើឲ្យពួកគេមានអារម្មណ៍ភ័យខ្លាចបន្តិចនៅពេលដំបូង។ ប៉ុន្តែបន្ទាប់ពីនិយាយជាមួយអ្នក ពួកគេនឹងកត់សម្គាល់ពីភាពទាក់ទាញរបស់អ្នក រួមបញ្ចូលទាំងសមត្ថភាពរបស់អ្នកក្នុងការរក្សាទំនាក់ទំនងប្រកបដោយនិរន្តរភាព។ ដូច្នេះអ្នកអាចមានអារម្មណ៍ថាពួកគេមិនចង់រាប់អានអ្នកពីដំបូងឡើយ។ នោះមកពីគេមិនយល់ថាអ្នកជានរណា។ តែគួរទុកពេលឲ្យពួកគេបន្តិច ហើយពួកគេនឹងត្រលប់មកវិញ។
២.បើអ្នកឃើញរូបតន្រ្តីករ
ប្រសិនបើអ្នកបានឃើញតន្រ្តីករអាថ៌កំបាំងមុនគេ វាមានន័យថា ការជួបគ្នាលើកដំបូងរបស់អ្នកជាមួយមនុស្សម្នាក់ទៀត ពួកគេនឹងកត់សម្គាល់អារម្មណ៍កំប្លែងរបស់អ្នក។ មានន័យថាអ្នកមានវិធីស្វាគមន៍យ៉ាងកក់ក្ដៅ ហើយប្រាប់គេថា អ្នកជាមនុស្សដែលតែងតែលេងសើច។ វាហាក់បីដូចជាគ្រាន់តែការស្វាគមន៍សាមញ្ញដូចជា «ជំរាបសួរ» អ្នកអាចធ្វើឲ្យមនុស្សញញឹមបាន។ ដូច្នេះហើយ អ្នកតែងតែទាក់ទាញអ្នកគ្រប់គ្នាដែលជួបអ្នក។ ប៉ុន្តែអ្នកមិនត្រូវការអ្នកគ្រប់គ្នានៅក្នុងក្រុមរបស់អ្នកទេ។
៣.បើអ្នកឃើញរូបមនុស្សក្បាលធំ
សម្រាប់មនុស្សដែលបានជួបអ្នកជាលើកដំបូង ពួកគេបានកត់សម្គាល់ពីសមត្ថភាពរបស់អ្នកក្នុងការធ្វើឲ្យអ្នកដទៃមានអារម្មណ៍សុខស្រួល។ ហើយអ្នកចង់ឲ្យពួកគេឃើញ និងឮការលួងលោម ដែលអ្នកកំពុងផ្តល់ឲ្យពួកគេ។ នេះជាអ្វីដែលទាក់ទាញមនុស្សមករកអ្នក។ ពួកគេដឹងថាកាយវិការរាក់ទាក់របស់អ្នកនឹងអាចលួងលោមពួកគេ។ ចាប់តាំងពីអ្នកមានទំនោរទៅជាមនុស្សដែលតែងតែធ្វើឲ្យមនុស្សមានអារម្មណ៍សុខស្រួលបាន អ្នកក៏គួរតែហ៊ុំព័ទ្ធខ្លួនអ្នកជាមួយមិត្តភក្តិដែលនឹងមើលថែអ្នក តាមរបៀបដែលអ្នកមើលថែអ្នកដែលនៅជុំវិញអ្នកខ្លះផង។
ប្រភព៖ sanook