អ្នកគាំទ្រ ចំហរមាត់ពេលឃើញ Jungkook រ៉េបបទ Daechwita ក្នុងការប្រគុំតន្រ្តី BTS Muster ២០២១!

កូរ៉េខាងត្បូង ៖ Jungkook សមាជិកកូនពៅរបស់ក្រុម​ BTS បានធ្វើឲ្យអ្នកនិយមលេងបណ្តាញសង្គមអ៊ីនធើណែត និងអ្នកគាំទ្រភ្ញាក់ផ្អើលមិនតិច ជាមួយនឹងស្ទីលលេងខ្លួន ព្រមជាមួយនឹងការសម្តែងដ៏នឹកស្មានមិនដល់របស់លោក។

នៅលើវេទិកាសហគមន៍តាមអ៊ីនធើណែតថ្មីៗនេះអ្នកលេងអ៊ីនធើណែតបាននិយាយអំពី ការប្រគុំតន្រ្តីរបស់ក្រុម BTS សម្រាប់ការអបអរ Muster ២០២១ ក្នុងអំឡុងការប្រគុំតន្ត្រីឈ្មោះថា Sowoozoo សមាជិកទាំងអស់បានច្រៀងបទDaechwita ដែលជាបទចម្រៀងទោលរបស់ Suga ហើយទទួលបានចំណាប់អារម្មណ៍យ៉ាងខ្លាំងជាពិសេសពីអ្នកនិយមលេងអ៊ីនធើណែត ដោយសារតែការរ៉េបរបស់ Jungkook តែម្តង។

សម្រាប់កន្លែងដែល Jungkook បានរ៉េបវាពិតជាសមឥតខ្ចោះជាមួយនឹងលោក ដែលធ្វើឲ្យអ្នកគាំទ្រស្តាប់មិនចេះធុញទ្រាន់មិនតែប៉ុណ្ណោះ លោកក៏បានលេងស្ទីលសម្លៀកបំពាក់ប្លែកៗ ម៉ូតសក់ផ្សេងៗគ្នា ព្រមជាមួយនឹង ត្បូងបិតចិញ្ចើម ដែលលោកមិនធ្លាប់បានធ្វើពីមុនមកថែមទៀត៕

ប្រភព : Allkpop