បទ Yours របស់ Jin ក្លាយជា OST កូរ៉េតែមួយគត់ក្នុងប្រវត្តិសាស្ត្រ បង្ហាញខ្លួនលើតារាង Spotify Global

កូរ៉េខាងត្បូង៖ បទ Yours របស់ Jinដែលជា OST ក្នុងរឿង Jirisan ទើបតែចេញផ្សាយកាលពីថ្ងៃទី៧ ខែ វិច្ឆិកា ឆ្នាំ ២០២១ បានបំបែកកំណត់ត្រាសំខាន់ៗក្នុងរយៈពេលតិចជាង២៤ ម៉ោងចាប់តាំងពីការចេញផ្សាយ និងឈានដល់បំបែកកំណត់ត្រាទូទាំងពិភពលោកជាច្រើន។

មួយក្នុងចំណោមសមិទ្ធផលជាច្រើនដែលបទYours ទទួលបាននោះគឺកំពុងបង្ហាញខ្លួនលេខរៀងទី៤៥ ប្រចាំតារាង Global Spotify Chart  ជាមួយនឹងចំនួន Streamsលើសពី ១.៤ លានដង ទោះបីជាមានម៉ោងតាមដានត្រឹមតែ ១៥ម៉ោងនៅចុងសប្តាហ៍ក៏ដោយ។

លើសពីនេះ ចម្រៀង១បទនេះបានក្លាយជា OST របស់កូរ៉េតែមួយគត់ដែលមិនធ្លាប់មាននៅក្នុងប្រវត្តិសាស្រ្តប្រចាំតារាង GlobalSpotify Chart  ថែមទាំងមានការចាក់ផ្សាយយកបានចំនួនStreams ដំបូងខ្ពស់បំផុតសម្រាប់ OST តែមួយនិងអ្វីៗទាំងអស់ត្រូវបានសម្រេចដោយគ្មានការផ្សព្វផ្សាយ និងមិនមាននៅក្នុងប្រទេសជប៉ុនឡើយ។

Jin ក៏​បាន​ក្លាយ​តារា​កូរ៉េ​មួយរូបក្នុងចំណោមដោយ​សិល្បករ​ប្រុស ៣នាក់ ​បង្ហាញ​ខ្លួន​ក្នុងចំណាត់ថ្នាក់លំដាប់​ Top50 របស់ Spotify Globalនិង​ជា​សិល្បករ​កូរ៉េ​លំដាប់ទី២ ​ដែល​មាន​អ្នក​តាម​ដាន​ច្រើន​ជាង​គេ​នៅ​លើ Spotifyសម្រាប់​ថ្ងៃដែលចេញបទ ​Yours ព្រមទាំងទទួលបានមតិវិជ្ជមានរាប់លានពីអ្នកគាំទ្រនិងមហាជនទូទៅ ដែលស្ងើចសរសើរពីជំនាញវិជ្ជាជីវៈរបស់លោកនៅក្នុងបទចម្រៀងនេះ៕

សូមអបអរសាទរJin ចំពោះកំណត់ត្រាសំខាន់ៗទាំងនេះ!

ប្រភព ៖ Allkpop