អ្វីដែលតារានិករប្រុសៗ តែងតែចង់ស្វែងរក ពីនារីៗ?

យល់ដឹង៖ ហោរាសាស្ដ្រអាចនាំមកនូវ ការប្រកួតប្រជែងដ៏អស្ចារ្យ ដែលនឹងមិនធ្វើឲ្យអ្នកសោកស្តាយ អំពីទំនាក់ទំនងរបស់អ្នកឡើយ។

ជាការពិត មានកត្តាជាច្រើនទៀត ដែលអាចឲ្យយើងស្វែងរកស្នេហាបាន ប៉ុន្តែការប្រើហោរាសាស្ដ្រ ដើម្បីស្វែងរកបុរស ឬស្ត្រីនៃក្តីសុបិន្តរបស់អ្នក គឺជាវិធីដ៏ល្អមួយ ដើម្បីចាប់ផ្តើមទំនាក់ទំនង ឲ្យមានស្ថិរភាព។

ខាងក្រោមនេះ អាចឲ្យអ្នកដឹងថា តារានិករបុរសៗ តែងតែចង់ស្វែងរកអ្វីអំពីនារីៗ ៖

១. ស្ត្រីដែលមានការប្រកួតប្រជែង សម្រាប់បុរស Aries

បុរស Aries ចូលចិត្តការប្រកួតប្រជែង។ គាត់មិនចូលចិត្តស្ត្រីដែលនឹងរារាំងគាត់ ពីការសម្រេចគោលដៅរបស់គាត់ទេ។ នាងក៏មិនគួរឱ្យគាត់ទទួលបានអ្វី ដែលគាត់ចង់បានយ៉ាងងាយស្រួលដែរ។ ធ្វើឲ្យអ្វីៗទាំងអស់ជា​ ការប្រកួតប្រជែងសម្រាប់បុរស Aries ហើយគាត់នឹងចូលចិត្តវា។ 

អ្នកត្រូវធ្វើអ្វីដើម្បីទទួលបាន អ្វីដែលអ្នកចង់បាន ហើយបង្ហាញបុរស Aries ថាអ្នកពិតជាមានតម្លៃ។

២. ស្ត្រីដែលងាយចុះសម្រុង សម្រាប់បុរស Taurus

មនុស្សដែលចិត្តល្អ និងសប្បុរស ដូចជាបុរស Taurus ចង់បានស្ត្រីណា ដែលធម្មតា និងងាយចុះសម្រុងបំផុត។ នាងគួរតែមានចិត្តល្អ ហើយមិនត្រូវការថែទាំខ្ពស់ទេ។ ទោះបីជារឿងតូចតាច តែវាសំខាន់ចំពោះនាង ហើយអាចធ្វើឲ្យនាងទាក់ទាញបុរស Taurus បាន។

បើនាងមានចិត្តល្អ និងស្ងប់ស្ងាត់ ហើយភាពស្ងប់ស្ងាត់របស់នាង ធ្វើឲ្យនាងក្លាយជាមនុស្សល្អបំផុត ក្នុងការសន្ទនាជាមួយបុរស Taurus។

៣. ស្ត្រីដែលមានបញ្ញាសម្រាប់បុរស Gemini

អ្នកត្រូវតែអាចនិយាយអំពី អ្វីៗដែលសំខាន់បំផុត ប្រសិនបើអ្នកចង់បានបុរស Gemini។ បញ្ញា និងភាពឆ្លាត ពិតជាសំខាន់ណាស់ ព្រោះគ្មានអ្វីអាចទាញបុរស Gemini មករកអ្នកបានទេ លើកលែងតែការសន្ទនាល្អ ដែលបន្ថែមការលូតលាស់ផ្លូវចិត្តរបស់ពួកគេ។ រក្សាការយកចិត្តទុកដាក់របស់ពួកគេ ដោយការមានភាពកំប្លុកកំប្លែង ការពិភាក្សាប្រកបដោយភាពច្នៃប្រឌិត និងភាពវៃឆ្លាត អាចធ្វើឲ្យបុរស Gemini ស្រឡាំងកាំងលើអ្នកបាន។

៤. ស្ត្រីដែលប្រៀបដូចជាម្តាយ សម្រាប់បុរស Cancer

អារម្មណ៍មនោសញ្ចេតនា គឺគ្រប់គ្រងបុរស Cancer គាត់ត្រូវការនរណាម្នាក់ដែលអាចមើលថែគាត់បាន។ គាត់ត្រូវការមនុស្សស្រីដែលដូចជាម្តាយ គឺអ្នកដែលអាចបង្ហាញផ្លូវត្រឹមត្រូវដល់គាត់ និងផ្តល់ដំបូន្មានដល់ជីវិតរបស់គាត់។ គាត់ត្រូវការការស្ថាបនា ហើយប្រសិនបើអ្នកអាចបង្ហាញផ្លូវដល់គាត់ នោះគាត់នឹងស្រលាញ់អ្នកដោយគ្មានទីបញ្ចប់។

៥. ស្ត្រីដែលតែងតែគាំទ្រ សម្រាប់បុរស Leo

Leo តែងតែត្រូវការ ការយកចិត្តទុកដាក់ ហើយគ្មានអ្វីគួរឱ្យភ្ញាក់ផ្អើលទេ ដែលគាត់ត្រូវការស្ត្រីរបស់គាត់ ឲ្យដូចគ្នាដែរ។ អ្នកគួរតែមានភាពស្រស់ស្អាត ទាំងក្នុងនិងក្រៅ ហើយនិងភាពសប្បាយរីករាយ។ នាងគួរតែគាំទ្រគាត់ ហើយកុំឲ្យពន្លឺរបស់គាត់ស្រអាប់ នៅក្នុងវត្តមានរបស់អ្នក។ ទោះយ៉ាងណាក៏ដោយ អ្នកមិនគួរព្យាយាមគ្របដណ្តប់សត្វតោ នៅក្នុង Leo ឡើយ ធ្វើជាដៃគូ មិនមែនជាគ្រូទេ។

៦. ស្ត្រីដែលហ្មត់ចត់សម្រាប់បុរស Virgo

Virgo គឺពិតជាដឹងច្បាស់ ពីអ្វីដែលពួកគេចង់បានពីមនុស្សស្រី។ ស្តង់ដាររបស់ពួកគេ ត្រូវបានកំណត់រួចហើយ នៅក្នុងគំនិតរបស់ពួកគេ គឺឯករាជ្យ អាចថែរក្សាខ្លួនឯង និងឆ្លាតវៃ។ មានទាំងបីនេះហើយ អ្នកអាចយកឈ្នះបុរស Virgo បានហើយ។ ត្រូវប្រាកដថាអ្នកមានទំនុកចិត្ត និងដឹងពីតម្លៃខ្លួនឯងច្បាស់។ សូម្បីតែនៅពេលដែលបុរស Virgo មានភាពរឹងចចេសជាមួយអ្នក អ្នកអាចគ្រប់គ្រងខ្លួនឯង ហើយដោះស្រាយបញ្ហារបស់គាត់បាន។

នោះគឺជាអ្វីដែលគាត់ចង់បាន ពីអ្នក។

៧. ស្ត្រីដែលមានតុល្យភាព និងភាពនឹងធឹង សម្រាប់បុរស Libra

Libra សំដៅទៅរកតុល្យភាពល្អ ហើយពួកគេយល់ឃើញថាខ្លួន កំពុងដោះស្រាយអ្វីៗគ្រប់យ៉ាង។ អ្នកគួរជាមនុស្សដែលមានភាពរួសរាយរាក់ទាក់ និងមានភាពយុត្តិធម៌ក្នុងសង្គម នៅពេលធ្វើការវិនិច្ឆ័យ។

សម្រាប់បុរស Libra ស្ត្រីគួរតែមានភាពទាក់ទាញ តាមវិធីផ្ទាល់ខ្លួនរបស់នាង។ នាងគួរតែមានការគ្រប់គ្រងខ្លួនឯងបានល្អ ហើយកុំឈ្លានពានពេក។ កុំណែនាំភាគីណាមួយដោយលំអៀង ហើយអ្នកនឹងធ្វើឲ្យបុរស Libra ចាប់អារម្មណ៍មកលើអ្នក។

៨. ស្ត្រីដែលពឹងផ្អែកលើខ្លួនឯង សម្រាប់បុរស Scorpio

Scorpio មានចំណង់ចំណូលចិត្តខ្ពស់។ ពួកគេតែងតែឆាបឆេះជាមួយវា ហើយពួកគេមិនចូលចិត្តស្ត្រីដែលចង់បំបាត់វាចោលទេ។ បុរស Scorpio ចង់បានស្ត្រីម្នាក់ ដែលនឹងរក្សាចំណង់ចំណូលចិត្តរបស់នាង ឲ្យនៅល្អ ហើយនៅតែគាំទ្រគាត់ ឲ្យអស់ពីលទ្ធភាព ដើម្បីទទួលបានអ្វីដែលគាត់ចង់បាន។

នាងនឹងក្លាយជាឥន្ធនៈ សម្រាប់អណ្តាតភ្លើងដ៏ងប់ងល់របស់គាត់។ គាត់ចង់បានស្ត្រីឯករាជ្យ ដែលស្គាល់អ្វីច្បាស់អំពីខ្លួននាង ហើយអាចជួយគាត់ផងដែរ។ នាងគួរតែមានសមត្ថភាពគ្រប់គ្រាន់ ដើម្បីឆាបឆេះជាមួយគ្នា។

៩.​ ស្ត្រីដែលមានការចាប់អារម្មណ៍ខ្លាំងចំពោះអ្វីៗក្នុងជីវិត សម្រាប់បុរស Sagittarius

ដំណើរផ្សងព្រេងធ្វើឲ្យ Sagittarius មានភាពរីករាយបំផុតនៅក្នុងជីវិត។ ពួកគេត្រូវបានទាក់ទាញដោយកន្លែងថ្មី មនុស្សថ្មី សូម្បីតែគំនិតថ្មី។

ភាពរីករាយរបស់ពួកគេ ចំពោះជីវិត គឺតែងតែខ្ពស់ជានិច្ច។ ដើម្បីចាប់ដៃគូជាមួយបុរស Sagittarius អ្នកត្រូវការថាមពលដូចគ្នា ដែលពួកគេនាំយក ចូលមកក្នុងជីវិត។

រក្សាភាពខ្នះខ្នែងរបស់ពួកគេ សម្រាប់ជីវិត ហើយអ្នកនឹងក្លាយជាមនុស្សដ៏អស្ចារ្យម្នាក់ នៃភ្នែករបស់ពួកគេ។

១០.​​ ស្ត្រីដែលមានភាពរួសរាយរាក់ទាក់ សម្រាប់បុរស Capricorn

Capricorn ដែលជាមនុស្សគិតច្រើន ចូលចិត្តការនៅស្ងៀម។ ការគិតច្រើន តែងតែវិលនៅក្នុងគំនិតរបស់គាត់ជានិច្ច។ ប៉ុន្តែគាត់មិនចង់បាននរណាម្នាក់ ដែលដូចជាខ្លួនឯងទេ។ បុរស Capricorn ត្រូវការនរណាម្នាក់ ដែលអាចបំបែកគាត់ ចេញពីផ្នែកនោះ របស់គាត់បាន ហើយបង្ហាញពីភាពសប្បាយរីករាយ ដែលលាក់នៅក្នុងខ្លួនគាត់។

ភាពជឿជាក់ នឹងក្លាយជាភាពស័ក្តិសម សម្រាប់ដៃគូរបស់គាត់ ប៉ុន្តែពួកគេគួរតែមានភាពរួសរាយរាក់ទាក់​ និងងាយចុះសម្រុងផងដែរ។ 

១១. ស្ត្រីដែលមិនប្រកាន់ពូជសាសន៍ សម្រាប់បុរស Aquarius

បុរស Aquarius ជាធម្មតាមិនពេញចិត្តនឹងរឿងធម្មតាទេ។ ពួកគេត្រូវការស្ត្រីម្នាក់ ដែលមានភាពខុសគ្នាបន្តិច។ នាងគួរតែមានយោបល់​ និងចំណាប់អារម្មណ៍ ប៉ុន្តែពួកគេមិនគួរប្រកាន់ជាមួយហ្វូងមនុស្សទូទៅ ដែលមានភាពខុសប្លែកពីគ្នាទេ។ នាងគួរតែមានចំនេះដឹងគ្រប់គ្រាន់ ក្នុងការគាំទ្រ នូវមនុស្សគ្រប់ប្រភេទ មិនថាពួកគេជាមនុស្សបែបណាឡើយ ។ 

១២. ស្ត្រីដែលពេញទៅដោយក្ដីស្រលាញ់ សម្រាប់បុរស Pisces

បុរស Pisces ចូលចិត្តហោះហើរក្នុងក្តីសុបិន្តផ្ទាល់ខ្លួន។ ភាពច្នៃប្រឌិតធ្វើឲ្យពួកគេនៅឆ្ងាយពី ការចូលចិត្តធ្វើស្វែងយល់ ប៉ុន្តែនោះមិនមែនជាអ្វីដែលពួកគេចង់បាន ពីស្ត្រីឡើយ។ គាត់ចង់បានដៃគូដែលមានក្តីសុបិន្ត​ ដែលអាចមានក្ដីសុបិន្តដូចគ្នានឹងគាត់ដែរ។ គាត់ចង់បានការយកចិត្តទុកដាក់ និងស្នេហា ហើយស្ត្រីរបស់គាត់គួរតែប្រាកដថា​ គាត់ត្រូវបានរុំព័ទ្ធដោយក្ដីស្រលាញ់។ 

ប្រភព: themindsjournal