ចំណុចល្អនៃការ Date តារានិករនីមួយៗ

យល់ដឹង៖ ចង់ដឹងទេថា តើតារានិករនីមួយៗមានចំណុចល្អរៀងខ្លួនអ្វីខ្លះ ដែលអ្នកមិនបានដឹងពីមុនមក? យើងនឹងស្រាយចម្ងល់ឲ្យអ្នកបានដឹងអំពីចំណុចល្អក្នុងការ Date តារានិករនីមួយៗខាងក្រោមនេះ ៖

១. Aries ♈️ 

ពួកគេជាមនុស្សដែល ឯករាជ្យ ហើយក្លាហាន ហ៊ានពុះពរកគ្រប់ឧបសគ្គជាច្រើន ហើយថែមទាំងមាន ការប្ដេជ្ញាចិត្តខ្ពស់ ចង់ធ្វើអ្វីមួយ គឺត្រូវតែយកឲ្យបាន។ គេក៏ជាមនុស្សពូកែនិយាយ ដែលនិយាយត្រង់ទៅត្រង់មក ហើយក៏ជាបុគ្គលដែលលេចធ្លោផងដែរ។

២. Taurus ♉️ 

ចំណុចពិសេសជាងគេបំផុត របស់តារានិករទីពីរនេះគឺ ស្មោះត្រង់ខ្លាំង ព្រោះពួកគេជាមនុស្សមិនងាយបែកចិត្តនោះទេ បើគេដាក់ចិត្តស្រលាញ់អ្វីមួយ ឬនរណាម្នាក់ គេនឹងផ្ដល់ក្ដីស្រលាញ់ទាំងអស់ដែលគេមាន ហើយច្បាស់លាស់ណាស់។ ចំពោះរឿងស្នេហា និងការរាប់អាន តារានិករនេះគឺចិត្តល្អហើយអាចពឹងពាក់បាន និងជាមិត្តភក្តិម្នាក់ដែលអាចទុកចិត្តបាន។

៣. Gemini ♊️ 

ពួកគេជាមនុស្សដែល ងាយនឹងចុះសម្រុង ហើយចេះបត់បែនទាំងជាមួយមនុស្ស និងស្ថានការណ៍ មិនថាស្ថានការណ៍បែបណា គេនឹងមិនធ្វើឲ្យអ្នកខកចិត្តនោះទេ។ មើលពីសំបកក្រៅអ្នកដទៃគិតថា គេសោះកក្រោះ តែតាមពិតបេះដូងរបស់ពួកគេបរិសុទ្ធណាស់ គ្រាន់តែគេមិនចេះបង្ហាញចេញ។ រីឯរឿងស្នេហា គឺគេចូលចិត្តឲ្យដៃគូស្វែងយល់ពីខ្លួនច្រើនជាង។

៤. Cancer ♋️ 

គ្រួសារគឺជាអ្វីៗគ្រប់យ៉ាងរបស់ពួកគេ។ គេបារម្ភ និងយកចិត្តទុកដាក់ពីគ្រួសារ និងមនុស្សស្និទស្នាល និយាយទៅមនុស្សដែលនៅជុំវិញខ្លួន តែងទទួលបាននូវសេចក្ដីស្រលាញ់ពីគេជានិច្ច និងក្លាយខ្លួនជាម្ដាយរបស់មិត្តគ្រប់គ្នា។ អ្នកណាដែលបានតារានិករនេះជាគូជីវិត គឺពិតជាសំណាងធំណាស់ ព្រោះក្រោមឈ្មោះជាអ្នកការពារ គេនឹងការពារហើយយកចិត្តទុកដាក់នឹងអ្នកគ្រប់វេលា។

៥. Leo ♌️ 

ពួកគេជាមនុស្សដែល មានភាពជាអ្នកដឹកនាំ និងចូលចិត្តឲ្យដំបូន្មានមនុស្សដែលនៅជុំវិញខ្លួន ល្អៗជានិច្ច។ ម៉្យាងវិញទៀតគេជាមនុស្សដែល ស្មោះត្រង់ និយាយត្រង់ទៅត្រង់មកមិនចេះលាក់ពុត ឃើញអ្វីគឺថានឹង ហើយជាមនុស្សដែលអ្នកអាចទុកចិត្តបានជានិច្ច។ បើមើលពីសំបកក្រៅ ហាក់ដូចជាសម្បូរស្នេហ៍ តែតាមពិតក្នុងចិត្តរកស្មោះតែមួយក៏ពិបាករកដែរ។

៦. Virgo ♍️ 

ពួកគេងាយស្រួលក្នុងការធ្វើការប្រាស្រ័យទាក់ទង ហើយមានភាពស្មោះត្រង់ហើយចូលចិត្តជួយអ្នកដទៃ ដោយមិនព្រមបើកភ្នែកមើលគេវេទនាទេ។ ម៉្យាងទៀត ពួកគេមានភាពវ័យឆ្លាត និងខិតខំតស៊ូ ប្រឹងប្រែងខ្លាំង មិនថាមានឧបសគ្គយ៉ាងណាទេ គឺថាត្រូវតែធ្វើឲ្យបាន។ ជាពិសេស គឺពួកគេ ចូលចិត្តដោះស្រាយរាល់បញ្ហា និងផ្ដល់ដំបូន្មានល្អៗផងដែរ។

៧. Libra ♎️ 

ពួកគេចូលចិត្តសន្តិភាព ហើយមានទំនាក់ទំនងល្អ ព្រមទាំងចិត្តក៏ល្អផងដែរ។ ប៉ុន្តែពួកគេជាមនុស្សរារែកច្រើន ហើយឆាប់ជឿគេណាស់ធ្វើឲ្យពួកគេ រងគ្រោះជាច្រើនដងដោយសារមនុស្សក្បែរខ្លួន។ ចំពោះរឿងស្នេហាពួកគេហាក់ដូចជាសាវ៉ា តែតាមពិតគេស្មោះណាស់ គ្រាន់តែគេចូលចិត្តបើកចិត្តទូលាយសម្រាប់មនុស្សទូទៅ ធ្វើឲ្យដៃគូច្រើនយល់ច្រលំលើគេ។

៨. Scorpio ♏️ 

Scorpio ជាមនុស្សដែលទាក់ទាញបំផុត ក្នុងរឿងទំនាក់ទំនងជាមួយមនុស្សជុំវិញខ្លួន និងស្នេហា។ បើសិនជាអ្នកបានជួបតារានិករមួយនេះ ជាដំបូងអ្នកនឹងធ្លាក់ក្នុងមន្តស្នេហ៍កែវភ្នែករបស់ពួកគេ។ បើនិយាយពីអត្តចរិតវិញ ពួកគេឆ្លាត សកម្ម ទាក់ទាញ ឧស្សាហ៍ព្យាយាម រ៉ូមែនទិក ហើយនិយាយច្រើនបន្តិចផង។ ទំនាក់ទំនងវិញ គឺមានសារៈសំខាន់ចំពោះពួកគេ ព្រោះពួកគេត្រូវការភាពស្មោះត្រង់បំផុត។

៩. Sagittarius ♐️ 

ពួកគេជាមនុស្ស មានភាពឈ្លាសវៃ ក្លាហាន សម្រស់ស្រស់ស្អាត គួរឲ្យស្រលាញ់ និងចូលចិត្តធ្វើអ្វីប្លែកៗ។ ពួកគេចូលចិត្តមានមិត្តភក្តិច្រើន ដោយសារតែភាពកំប្លែងគួរឲ្យចូលចិត្តហើយ រួសរាយខ្លាំងណាស់។ បារម្ភពីមនុស្សជុំវិញខ្លួនតែមិនដែលឲ្យគេដឹងសុខចិត្តធ្វើអ្វីគ្រប់យ៉ាងឲ្យតែគេសប្បាយចិត្ត ដូច្នេះសូមយកចិត្តទុកដាក់ចំពោះគេផង។

១០. Capricorn ♑️ 

ពួកគេមានមហិច្ចតាខ្ពស់ ហើយចូលចិត្តភាពស្រស់ស្អាត កំប្លែង និងប៉ិនប្រសប់។ ពួកគេស្មោះត្រង់ណាស់ ទៀងត្រង់មិនប្រែប្រួលដែលអាចឲ្យអ្នកទុកចិត្តបានជានិច្ច និងមានទំនួលខុសត្រូវខ្ពស់ នូវអ្វីដែលគេបានធ្វើ។ ចំពោះស្នេហាគឺស្រលាញ់ស្មោះ តែខ្លាចរអាច្រើន ចូលចិត្តយកចិត្តដៃគូ ជាគូជីវិតដ៏ល្អម្នាក់។

១១. Aquarius ♒️ 

Aquarius ឯករាជ្យណាស់ ឆ្លាត ពូកែបង្កើតថ្មី ហើយស្មោះត្រង់នឹងមិត្តភក្តិ។ ពួកគេមានចិត្ត និងការគិតទូលាយ មិនវាយតម្លៃទេ គឺធ្វើអ្វីដែលមានតែសន្តិភាព និងមានចិត្តជ្រះថ្លា ចូលចិត្តជួយមនុស្ស ដែលនៅជុំវិញខ្លួនជានិច្ច។ បើគេមានដៃគូជីវិត គឺមិនងាយ និងរាងពិបាកក្នុងការចងសម្ព័ន្ធបន្តិច ហើយដៃគូម្ខាងទៀតត្រូវតែស្មោះត្រង់ ហើយមានភាពអត់ធ្មត់ខ្ពស់ ព្រោះពួកគេខ្លាចភាពឈឺចាប់បំផុត។

១២. Pisces ♓️ 

Pisces ជាតារានិករដែលចិត្តល្អ ហើយជានិច្ចជាកាលមានការពិចារណាខ្ពស់។ មិនចូលចិត្តអ្វីដែលខុសពីការពិត មានក្តីមេត្តា។ ពួកគេចិត្តល្អ មិនអាត្មានិយម ចូលចិត្តគិតពីអ្នកដទៃច្រើនជាងខ្លួន ទោះបីគេធ្វើមិនល្អដាក់ក៍ដោយ គឺតែងតែ peace ជានិច្ច។ ពួកគេស្មោះណាស់ តែក៏ត្រូវការឲ្យភាគីម្ខាងទៀតស្មោះវិញដែរ តែងាយប៉ះទង្គិចចិត្តណាស់ រឿងបន្តិចបន្តួចក៏ទន់ជ្រាយទៅហើយ។

ប្រភព: timesofindia