Jin សមនឹងងារ Worldwide Handsome មែន មើលតែរូបមុន Debut នេះទៅដឹងហើយ!

កូរ៉េខាងត្បូង ៖ Jin សមាជិក BTSត្រូវ​បាន​គេ​ដឹង​ថា​មាន​ភាព​ល្បី​ល្បាញជាមួយមុខមាត់ស្រស់សង្ហារបស់លោក​តាំង​ពី​វ័យ​ជំទង់មកម៉្លេះ។ បន្ទាប់ពីបង្ហាញខ្លួនដំបូងក្នុងក្រុមលោកក៏បានក្លាយជា"Visual King" ហើយទទួលបានឈ្មោះថ្មីៗជាហូរហែក្នុងនោះក៏មានងារជា Worldwide Handsome ផងដែរ។

ជាក់ស្ដែងថ្មីៗនេះអ្នកប្រើប្រាស់TheQoo បានបោះពុម្ពរូបថតPre-debut ដំបូងពីរបីសន្លឹក​របស់ Jin ដែលអាចនឹងគ្មាននរណាម្នាក់ធ្លាប់បានឃើញពីមុនមក។ សូមក្រឡេកមកមើលរូបភាពទាំងនេះ ប្រាកដជាយល់ហើយថាហេតុអ្វីបានជាមហាជនឈប់មើល Jin តាមដងផ្លូវដើម្បីថតរូបបុរសដ៏ស្រស់សង្ហាបែបនេះ។

លើសពីនេះ Jin ត្រូវបាន SM Entertainment បបួលចូលប៉ុន្មានដងដែរ តែដូចដែលអ្នកបានដឹងហើយថាលោកបានសម្រេចចិត្តចូលរួមជាមួយBigHit ទោះបីជាឆ្លងកាត់ការAudition នៅ SM មុនក៏ដោយ។ ក្នុងនោះបុគ្គលិក​ដែល​ដើរ​មើល​​បាន​និយាយ​ថាJin ជា​មនុស្ស​ស្អាត​បំផុត​ដែល​ខ្លួន​មិន​ធ្លាប់​ឃើញពីមុនមក។

ពេលនោះ Jin គឺជាតារាបង្ហាញម៉ូតរបស់ Etude House Korea ហើយលោកក៏បានឆ្លៀតធ្វើជាតារាបង្ហាញម៉ូតសម្រាប់ការថតរូបនោះហើយអ្នកថតរូបបានចែករំលែកថា រូបថតទាំងនោះគឺជាស្នាដៃដំបូងរបស់ពួកគេនៅក្នុងវិស័យនេះ។

ជាង​នេះ​ទៅ​ទៀត អ្នក​ថត​រូប​បាន​លើក​ឡើង​ថារូបថត​ទាំង​នោះ​មិន​ត្រូវ​បាន​គេ​ថត​វិញ​ទាល់​តែ​សោះ។ អ្នកកែសម្រួលរូបម្នាក់មកពី Dispatch បានរៀបរាប់ពីមុនថា Jin គឺមានឈ្មោះជា "Face Genius"ពិតប្រាកដដែលមិនត្រូវការសូម្បីតែការកែសម្រួលអ្វីឡើយ នេះក៏ព្រោះសម្រស់ធម្មជាតិដ៏មានឥទ្ធិពលរបស់លោក៕

ទស្សនារូបភាពខាងក្រោម ៖

ប្រភព ៖ Allkpop