អាណិតណាស់! ក្រោយមានរឿងអាស្រូវ Kim Sae Ron ធ្លាក់ខ្លួន ធ្វើការជា...

កូរ៉េខាងត្បូង ៖ យោងតាមសារព័ត៌មាន តារាសម្ដែង Kim SaeRon ដែលបានលាឈប់ពីវិស័យសិល្បៈជាបណ្ដោះអាសន្នបន្ទាប់ពីជួបគ្រោះថ្នាក់ចរាចរណ៍ ពេលកំពុងបើកបរក្រោមឥទ្ធិពលស្រវឹងនោះបានធ្វើការក្រៅម៉ោង នៅហាងកាហ្វេមួយកន្លែង ដោយសារបញ្ហាហិរញ្ញវត្ថុ។

ប្រភពជិតស្និទ្ធនឹងតារាស្រីរូបនេះ បាននិយាយ ជាមួយសារព័ត៌មានStar Today របស់ Maeil Kyungjae នៅក្នុងបទសម្ភាសន៍មួយដែលពួកគេបានបញ្ជាក់ថា Kim Sae Ron ពិតជាបានធ្វើការនៅហាងកាហ្វេមួយ ដោយសារតែបញ្ហាហិរញ្ញវត្ថុពិតមែន។

ក្នុងនោះ ការចោទប្រកាន់ថានាងធ្វើការនៅហាងកាហ្វេមួយត្រូវបានលើកឡើងជាលើកដំបូងដោយ YouTuber និងអ្នកកាសែត Lee Jin Ho គឺក្នុង​វីដេអូ​ដែល​បាន​បង្ហោះ​កាល​ពី​ថ្ងៃ​ទី ៣ ខែ​វិច្ឆិកា Lee Jin Ho បាន​និយាយ​ថា​ លោក​បាន​ទទួល​ព័ត៌មាន​ថា ​តារា​ស្រី​រូប​នេះ​កំពុង​ធ្វើ​ការ​នៅ​ហាង​កាហ្វេ។ ដែល YouTuber នឹងបន្តអះអាងថា KimSae Ron បានប្រើប្រាស់លុយរបស់នាងទាំងអស់ ដើម្បីសង អាជីវកម្មនិងអ្នកឧបត្ថម្ភដែលរងផលប៉ះពាល់ដោយគ្រោះថ្នាក់។

គួររំលឹកផងដែរថា Kim Sae Ron បានជួបឧបទ្ទវហេតុ DUI នៅព្រឹកថ្ងៃទី ១៨ ឧសភា ២០២២។ នៅពេលនោះ មានសេចក្តីរាយការណ៍ថា តារាស្រីរូបនេះបាន បុកម៉ាស៊ីនបំលែងអគ្គិសនីកាត់ផ្តាច់ចរន្តអគ្គិសនីដល់ផ្លូវបំបែក Gangnam និងអាជីវកម្មជិតខាងទាំងព្រឹក។ ដោយយោងតាមរបាយការណ៍ វាមានពាក្យចចាមអារ៉ាមថា តម្លៃនៃម៉ាស៊ីនបំលែងអគ្គិសនីគឺប្រហែល ១៤,០០០ ដុល្លារ៕

សូមទស្សនារូបភាពខាងក្រោម ៖

ប្រភព : Koreaboo