យល់ដឹង៖ មនុស្សខ្លះបង្ហាញភាពស្និទ្ធស្នាល ការស្រលាញ់ និងយកចិត្តទុកដាក់ ហើយខ្លះទៀតមិនងាយឡើយ។ មនុស្សខ្លះមានទំនោរបង្ហាញថា ពួកគេយកចិត្តទុកដាក់ ចំពោះអ្នកតាមវិធីផ្សេងៗទៀត។
យ៉ាងណាមិញ នៅពេលដែលអ្នកបានស្គាល់ពួកគេច្បាស់អ្នកនឹងឃើញថាពួកគេបង្ហាញពីក្តីស្រលាញ់ និងការគាំទ្រខុសៗគ្នា។
ខាងក្រោមនេះជាតារានិករប៉ុន្មានដួង ដែលពូកែជួយមិត្តភក្ដិពេលបែកបាកបំផុត ៖
១. Pisces ♓️
Pisces នឹងបង្ហាញខ្លួន នៅពេលណាដែលអ្នកត្រូវការ។ វាមិនសំខាន់ទេ ប្រសិនបើអ្នកផ្ញើសារនៅពាក់កណ្តាលយប់ ឬខណៈពេលដែលពួកគេរវល់ ជាមួយដៃគូរបស់ពួកគេ ពីព្រោះពួកគេនឹងរៀបចំពេលវេលា ដើម្បីជួយអ្នកឆ្លងកាត់ការឈឺចាប់នោះឲ្យបាន។ តារានិករនេះនឹងអនុញ្ញាតឲ្យអ្នក យំនៅលើស្មារបស់ពួកគេជានិច្ច។ ពួកគេនឹងលួងចិត្តអ្នក តាមគ្រប់មធ្យោបាយដែលអ្នកត្រូវការមិនថាស្តាប់អ្នកនិយាយ ឬត្រូវការអ្វីនោះទេ Pisces នឹងនៅទីនោះដើម្បីជួយអ្នក។
២. Leo ♌️
នៅពេលអ្នកមានអារម្មណ៍អន់ចិត្តចំពោះខ្លួនឯង Leo នឹងផ្តល់ឲ្យអ្នកនូវសុន្ទរកថា ដ៏ល្អបំផុតនៃជីវិតរបស់អ្នក។ ពួកគេនឹងចង្អុលបង្ហាញពីហេតុផលទាំងអស់ថា ហេតុអ្វីអ្នកជាដៃគូដ៏ល្អឥតខ្ចោះ និងមូលហេតុដែល Ex របស់អ្នកនឹងសោកស្តាយ ចំពោះការសម្រេចចិត្តរបស់ពួកគេ ក្នុងពេលឆាប់ៗ។ Leo នឹងរីករាយក្នុងការស្តាប់អ្នកនិយាយស្តី ឬយំអំពីអតីតរបស់អ្នក ប៉ុន្តែពួកគេនឹងមិនអនុញ្ញាត ឲ្យអ្នកនិយាយអាក្រក់អំពីខ្លួនឯងនោះទេ។ ពួកគេនឹងដើរតួជាអ្នកផ្គូផ្គង នៅពេលដែលអ្នកត្រៀមខ្លួន ដើម្បីចេញទៅជួបមនុស្សថ្មី។ តារានិករនេះ នឹងរំលឹកដល់អ្នកថា ទោះបីជាអ្នកប្រហែលជាមិនមានស្នេហា ក្នុងជីវិតក៏ដោយ ក៏អ្នកមានការស្រលាញ់ពីពួកគេដែរ។
៣. Scorpio ♏️
គ្មាននរណាម្នាក់ នឹងស្អប់ Ex របស់អ្នកជាងមិត្ត Scorpio របស់អ្នកទេ។ ពួកគេនឹងខឹងនឹងការបែកគ្នាជាងអ្នកទៅទៀត ព្រោះពួកគេដឹងថា អ្នកសមនឹងទទួលបានពិភពលោកនេះ ហើយគ្មានអ្នកណា អាចធ្វើបាបមិត្តសម្លាញ់របស់ពួកគេឡើយ។ ប្រសិនបើអ្នកចាប់ផ្តើមយំ ពួកគេនឹងរំឮកអ្នកថា អ្នកនឹងត្រូវបញ្ចប់ជាមួយនឹងនរណាម្នាក់ ដែលធ្វើចំពោះអ្នកត្រឹមត្រូវ មនុស្សដែលនឹងមិនធ្វើឱ្យអ្នកខកចិត្តបែបនេះទៀតឡើយ។ ពួកគេនឹងការពារអ្នក តាមគ្រប់មធ្យោបាយដែលអាចធ្វើទៅបាន។
៤. Gemini ♊️
នៅពេលដែលអ្នកកំពុងឆ្លងកាត់ការបែកបាក់ ពួកគេនឹងនាំអ្នកឲ្យនៅក្រោមស្លាបរបស់ពួកគេ។ ពួកគេនឹងរៀបចំផែនការ ដែលនឹងមានភាពសប្បាយរីករាយ ជាងការណាត់ជួបជាមួយ Ex ដែលអ្នកធ្លាប់មាន។ តារានិករនេះគឺជាមេអំបៅសង្គម ដូច្នេះពួកគេនឹងជួយអ្នកឲ្យចេញពីទីនោះម្តងទៀត។ ទោះបីជាអ្នកមិនទាន់ត្រៀមខ្លួន ដើម្បីណាត់ជួបម្តងទៀតក៏ដោយ ពួកគេនឹងធ្វើឲ្យអ្នកមានភាពសប្បាយរីករាយ ដោយនាំអ្នកទៅការប្រគំតន្ត្រី និងនាំអ្នកធ្វើដំណើរ ដែលនឹងធ្វើឲ្យបំភ្លេចអតីតកាលរបស់អ្នក។ ពួកគេនឹងជួយអ្នកឲ្យឃើញថា អនាគតរបស់អ្នកនឹងកាន់តែភ្លឺស្វាង។
ប្រភព: thoughtcatalog