Taehyun ក្រុម TXT លើកឡើងអំពីទង្វើល្អរបស់សិស្សច្បង Jungkook ធ្វើចំពោះខ្លួន!

July 2, 2021

កូរ៉េខាងត្បូង ៖ ថ្មីៗនេះ Taehyun សមាជិកក្រុម TXT បានធ្វើការ Live ផ្ទាល់ជជែកលេងជាមួយ MOA ដែលជាអ្នកគាំទ្រលោកដោយបានចែករំលែកអំពីបទពិសោធន៍របស់លោក ព្រមទាំងបានបង្ហើបពី ទង្វើល្អរបស់សិស្សច្បង Jungkook សមាជិកក្រុមBTS ខណៈពេលដែលពួកគេបានហាត់ប្រាណជាមួយគ្នា។

ថ្មីៗនេះ ខ្ញុំបានហាត់ប្រាណជាមួយបង Jungkook ប៉ុន្តែយើងហាត់ប្រាណដោយខ្លួនឯង។ ហើយយើងក៏បានបញ្ចប់វាក្នុងពេលតែមួយជាមួយគ្នា។ បន្ទាប់មកពួកយើងបានជិះជណ្តើរយន្តជាមួយគ្នា ដើម្បីទៅកន្លែងចតរថយន្ត។ ខ្ញុំមិនមានស្រោមដៃទេ ដូច្នេះខ្ញុំបានសួរគាត់ថា «Hyung តើបងមានស្រោមដៃទំនេរទេ?» ហើយគាត់បាននិយាយថា គាត់នឹងទុកវានៅកន្លែងហាត់ប្រាណសម្រាប់ខ្ញុំ នៅថ្ងៃស្អែក។
— Taehyun

ជាមួយគ្នានេះដែរ Taehyun បានបន្ដនៅថ្ងៃបន្ទាប់លោកចូលទៅហាត់ប្រាណ ហើយពិតជាមានអារម្មណ៍រំភើបណាស់ ចំពោះអ្វីដែលលោកបានឃើញ។

នៅថ្ងៃបន្ទាប់ Hyung បានទុកស្រោមដៃចំនួន ៣ ឲ្យខ្ញុំហើយបានសរសេរថា «Jungkook» នៅលើវា ហើយទុកវានៅទីនោះ។ គាត់ពិតជាចិត្តល្អណាស់។ គាត់បានចងចាំវា នៅថ្ងៃបន្ទាប់ ហើយដាក់វានៅទីនោះសម្រាប់ខ្ញុំមែន។ ដូច្នេះខ្ញុំបានខិតខំហាត់ប្រាណយ៉ាងខ្លាំង។ ពួកយើងបានជួបគ្នាម្តងទៀត បន្ទាប់មកខ្ញុំបានប្រាប់គាត់ថា ខ្ញុំកំពុងប្រើស្រោមដៃនោះ និងរក្សាវាបានយ៉ាងល្អ ហើយក៏មិនភ្លេចនិយាយពាក្យអរគុណទៅកាន់គាត់ដែរ។
— Taehyun

ក្រោយបានស្ដាប់ Taehyun លើឡើងបែបនេះ MOAs និង ARMYs បានយកទៅចែករំលែកពេញ Twitter ដោយលើកសរសើរពីទំនាក់ទងសិស្សច្បងសិស្សប្អូនល្អ១គូនេះ។

ចំពោះសកម្មភាពដ៏ផ្អែមល្ហែមរបស់ Jungkook នេះមិនបានធ្វើឲ្យមានការភ្ញាក់ផ្អើលនោះទេ ព្រោះជារឿយៗតារាប្រុសរូបនេះតែងតែបង្ហាញសកម្មភាពនិងទឹកចិត្តល្អបែបនេះដាក់មនុស្សគ្រប់គ្នានៅជុំវិញខ្លួនលោក៕

ប្រភព ៖ Koreaboo

អានបន្ថែម