Jungkook បង្ហើបថាចង់ឲ្យ RM ធ្វើបែបនេះដាក់ខ្លួន ដូចធ្វើចំពោះ BTS ដែរ!

កូរ៉េខាងត្បូង ៖ នៅក្នុងបទសម្ភាសន៍ពិសេស​ នៃកម្មវីធីLet’s BTS របស់ស្ថានីយ៍ទូរទស្សន៍ KBSខាងកម្មវិធីបានស្នើឲ្យសមាជិក BTS និយាយអ្វីដែលល្អៗ ទៅកាន់សមាជិកដែលនៅក្បែរពួកគេ។

ជាមួយគ្នានេះដែរ Jungkook ក៏ចាប់ផ្ដើមនិយាយទៅកាន់សមាជិក ដែលនៅក្បែរលោក គឺ RMដោយបានលើកឡើងថា លោកមកកាន់ក្រុមហ៊ុន Big Hit Entertainment ព្រោះតែប្រធានក្រុម BTSរូបនេះឯង។

លើសពីនេះទៀតសមាជិកកូនពៅប្រចាំក្រុមរូបនេះ បានបន្តថា លោកពិតជាជឿជាក់ថា RM គឺជាអ្នកដឹកនាំល្អបំផុតសម្រាប់ក្រុម ព្រោះរយៈពេលប៉ុន្មានឆ្នាំមកនេះJungkook បានរៀនសូត្រច្រើនពី RM ហើយចង់បន្តរៀនសូត្រពីប្រធានក្រុមរបស់លោកបន្ថែមទៀតព្រមទាំងចង់ឲ្យ RM ធ្វើជាអ្នកដឹកនាំ ក្នុងជីវិតផ្ទាល់របស់លោកទៀតផង៕