Stylist តារាល្បីលំដាប់ BTS និង BLACKPINK រៀបរាប់ពីជំហានដំបូង ពេលប្រឡូកវិស័យនេះ!
កូរ៉េខាងត្បូង៖ នៅក្នុងបទសម្ភាសន៍ជាមួយ W Korea អ្នករចនាម៉ូដល្បីឈ្មោះគឺLee Ha Jeong និង Park Min Hee បានចូលមកផ្ដល់បទពិសោធន៍ឆ្លើយសួរសំណួរអំពីអាជីពការងារការបំផុសគំនិត និងប្រធានបទជាច្រើនទៀតពាក់ព័ន្ធនឹងវិស័យនេះ។
គួរបញ្ជាក់ផងដែរថាLee Ha Jeong គឺជា Stylist របស់ BTS តាំងពីឆ្នាំ២០១៣ ប៉ុន្តែអាជីពរបស់នាងបានចាប់ផ្តើមជាច្រើនឆ្នាំមុននោះទៀត នាងធ្លាប់ធ្វើការជាមួយអតីតក្រុម2NE1 កាលពីឆ្នាំ២០០៩ចំណែកឯ Park Min Heeត្រូវបានស្គាល់ជា Stylist ឆ្នើមប្រចាំក្រុម BLACKPINK ជាង៥ឆ្នាំមកហើយ។
ក្នុងនាមជា អ្នករចនាម៉ូដប្រចាំវិស័យKpopថែមទាំងជាអ្នករួមការងារជាមួយក្រុមតារចម្រៀង Kpop ល្បីដូចជាគឺ BTS និង BLACKPINKទៀត តើពួកគេចាប់ផ្ដើមដោយរបៀបណា?
ក្នុងបទសម្ភាសន៍នេះ LeeHa Jeong មិនបានតាំងខ្លួនជាអ្នករចនាម៉ូដម្នាក់នោះទេ នាងបានប្រាប់W Korea ថាអាចជាធម្មជាតិមាននិស្ស័យស្រលាញ់ផ្នែក Fashion នេះតាំងពីដើមមកទើបចាប់យកអាជីពនេះតែម្ដងទៅ។
ងាកមកស្ដាប់ខាងPark Min Hee ដែលជាអ្នករចនាម៉ូដរបស់BLACKPINK វិញនាងមានសុបិនចង់ក្លាយជាអ្នករចនាម៉ូដដោយរៀបរាប់ថាបានផ្តើមធ្វើការឆ្ពោះទៅរកក្តីសុបិនរបស់នាងដោយជំនាញផ្នែករចនាម៉ូដ និងដោយពិនិត្យមើលការងាររបស់អ្នករចនាម៉ូដផ្សេងទៀតតាំងពីធ្វើជាជំនួយការ រហូតទីបំផុតនាងបានទទួលការងារធ្វើជាអ្នកចេញម៉ូដឲ្យ BLACKPINK។
ប្រភព ៖ Koreaboo