ជាមិត្តស្និទ្ធស្នាល? ក្រោយ Jin ទៅមង្គលការ Jiyeon គ្រប់គ្នាចាប់ផ្តើមឆ្ងល់បែបនេះ!

កម្សាន្ត ៖ ជាការពិតដែលថា សិល្បករ​មាន​ភាព​ឯកជន​ខ្លាំង ​អំពី​ជីវិត​ផ្ទាល់ខ្លួន និង​មិត្តភាព​របស់ពួកគេ ជារៀងរាល់ឆ្នាំ អ្នកគាំទ្រមានការភ្ញាក់ផ្អើលជាខ្លាំង បន្ទាប់ពីតារាល្បីមួយរូបបានបង្ហើបថា Jin និងតារាល្បី Jiyeon គឺជាមិត្តចាស់នឹងគ្នា។

ជាក់ស្តែង កាលពីថ្ងៃទី ១០ ខែធ្នូ Jin ត្រូវបានគេប្រទះឃើញ នៅក្នុងពិធីមង្គលការរបស់ Jiyeon សមាជិកក្រុម T-ara និងកីឡាករបាល់បោះ Hwang Jae Gyun ធ្វើឲ្យអ្នកគាំទ្រកំពុងឆ្ងល់ថា តើ Jin និង Jiyeon គឺជាមិត្តជិតស្និទ្ធនឹងគ្នា តាំងពីពេលណា។

ដោយសារតែ Jin មិនត្រឹមតែអង្គុយក្បែរមិត្តភក្តិកូនក្រមុំប៉ុណ្ណោះទេ ថែមទាំងបោះផ្កាដាក់នាងទៀតផង ដែលមានតែសមាជិកក្រុម T-ara ក្រុមគ្រួសារ និងមិត្តភក្តិជិតស្និទ្ធពីរបីនាក់ប៉ុណ្ណោះ ដែលធ្វើដូច្នេះ។ ជាពិសេស Jin ញញឹមដោយក្តីស្រលាញ់ ខណៈពេលកំពុងបោះផ្កា ហើយ Jiyeon ក៏ញញឹមត្រលប់មកវិញ ពេលដើរនៅតាមផ្លូវ៕

សូមទស្សនារូបភាពខាងក្រោម ៖

ប្រភព : Allkpop