មានសក់ខ្លីជូនទៅអត់? សួនផ្កានៅកំពង់ស្ពឺនេះ ដល់រដូវរីកទៀតហេីយ ស្អាតខ្លាំង
កម្សាន្ត៖ ចម្ការផ្កាពណ៌លឿងដែលគេល្បីតៗគ្នាជាច្រើនឆ្នាំមកហើយនេះ នៅតែជាទីពេញនិយមសម្រាប់អ្នកដែលចូលចិត្តផ្កា ក៏ព្រោះនៅទីនេះ មានទេសភាពស្អាត វាលផ្កាពណ៌លឿងរាប់សិបហិចតា ពពកហោះកាត់ព័ទ្ធជុំវិញភ្នំ បង្កើតបានជាទីកន្លែងដ៏មនោរម្យមួយគួរឲ្យចង់ទៅកម្សាន្ត។
ជាមួយគ្នានេះដែរ ក្រោយមិនសូវមានផ្ការីកមួយរយៈធំមកនេះ ឥលូវដល់ពេល ដល់ខែផ្កាពណ៌លឿងនេះរីកសាជាថ្មីហើយ។ ហើយវាថែមទាំងស្អាតខ្លាំងថែមទៀតផង។ ដូច្នេះសម្រាប់អ្នកដែលមិនទាន់បានទៅលេង អាចប្រញាប់ទៅលេងឲ្យហើយ ព្រោះមិនយូរនោះទេ ផ្កាទាំងនេះនឹងរោយអស់ផ្កា ឬម្ចាស់ចម្ការគេឈូសឆាយចោលក៏ថាបាន។
គួរបន្ថែមថា សួនផ្កាលឿងនេះ មានទីតាំងស្ថិតនៅឃុំអមលាំង ស្រុកថ្ពង ខេត្តកំពង់ស្ពឺ ចម្ងាយជាង ១០ គីឡូម៉ែត្រ ចូលតាមផ្លូវទៅតំបន់រមណីយដ្ឋានទេសចរណ៍ទឹកធ្លាក់ជ្រាវ គឺចេញពីចំណុចបំបែកត្រង់ផ្សារអមលាំង ក្រោយពីចេញដំណើរពីផ្សារឧដុង្គចម្ងាយ ៥២ គីឡូម៉ែត្រនោះ៕
ទស្សនារូបភាពខាងក្រោម៖
រូបភាពពី៖ RS Gallery
