Psycho ក្លាយជា MV របស់ Red Velvet ដែលរកបានអ្នកចូលទស្សនាលឿនបំផុតលើ YouTube!

កូរ៉េខាងត្បូង ៖នៅព្រឹកថ្ងៃទី៩ ខែ កញ្ញា ឆ្នាំ ២០២១ មុននេះបន្តិច វីដេអូចម្រៀងបទ Psycho របស់ក្រុមចម្រៀងស្រី Red Velvet ទទួលបានសមិទ្ធផលសំខាន់ថ្មីដោយមានចំនួនអ្នកចូលទស្សនាច្រើនលើសពី ៣០០ លានដងលឿនបំផុតលើ YouTube។

ជាក់ស្ដែង Music Video មួយបទនេះ បានចេញផ្សាយកាលពីថ្ងៃទី២៣ ខែ ធ្នូ ឆ្នាំ ២០១៩​ មានន័យថាបទ Psychoនេះបានចំណាយពេលប្រហែលជា ១ឆ្នាំ  ៨ខែ និង១៦ថ្ងៃ ដើម្បីឈានដល់ចំណុចជោគជ័យថ្មីនេះ។

តាមរយៈកំណត់ត្រាថ្មីរបស់វីដេអូចម្រៀងខាងលើនេះបានធ្វើឲ្យបទ Psycho ក្លាយជា MV របស់ក្រុម RedVelvet ដែលរកបានអ្នកចូលមើលច្រើន និងលឿនបំផុតលើសពី ៣០០ លានដងហើយក៏ជា MV ទី២ របស់ក្រុមដែលទទួលបានសមិទ្ធផលនេះ បន្ទាប់ពីបទBad Boy៕

ប្រភព ៖ Soompi