កូនពីរមែន តែបងស្រី Jisoo មកធ្វើតារាបង្ហាញម៉ូត ជះសម្រស់ស្អាតញាក់!
កម្សាន្ត ៖ យោងតាមរបាយការណ៍បានឲ្យដឹងថា Kim Jiyoon ដែលជាបងស្រីរបស់ Jisoo សមាជិកក្រុម BLACKPINK បច្ចុប្បន្នកំពុងសកម្ម ជាតារាម៉ូដែលឯករាជ្យ។
ក្នុងនោះ Kim Jiyoon ដែលកើតក្នុងឆ្នាំ ១៩៩០ បានរៀបការ និងមានកូនពីរនាក់រួចទៅហើយ។ ថ្វីដ្បិតតែជីវិតមមាញឹកក្នុងការធ្វើជាម្ដាយក៏ដោយ ក៏គេបង្ហើបថានាងក៏ធ្វើជាតារាបង្ហាញម៉ូតឯករាជ្យមួយរូបផងដែរ។
ដែលនៅក្នុងវគ្គមួយកន្លងមកនៃកម្មវិធីពិតរបស់ KBS «A Country for Children» Kim Jiyoon បានបង្ហាញខ្លួន និងចែករំលែកជីវិតរបស់នាង ក្នុងនាមជាប្រពន្ធ និងម្តាយដែលមានកូនពីរនាក់ ដែលនាងបានបង្ហើបថានាងបានឈប់ពីការងារ បន្ទាប់ពីសម្រាលបានកូនប្រុសដំបូងរបស់នាង ។
យ៉ាងណាមិញ បន្ទាប់ពីនាងទទួលស្វាគមន៍កូនទី ២ នាងបានចាប់អាជីពជាតារាបង្ហាញម៉ូតឯករាជ្យវិញ ហើយ Kim Jiyoon ក៏ជាញឹកញាប់បានចែករំលែករូបថត នៃការគាំទ្ររបស់នាងសម្រាប់ម៉ាកផ្សេងៗនៅលើ Instagram របស់នាង៕
សូមទស្សនារូបភាពខាងក្រោម ៖
ប្រភព: GStarLive