TXT ឆ្លើយតបបែបនេះ រឿងមតិរិះគន់ថា សព្វថ្ងៃបានល្បីហើយជោគជ័យដោយសារ BTS!

August 18, 2021

កូរ៉េខាងត្បូង ៖ កាលពីថ្ងៃទី១៧ ខែ សីហា ឆ្នាំ ២០២១ នេះក្រុមចម្រៀង TOMORROW x TOGETHER ដែលហ្វេនស្គាល់ថាជា TXT បានរៀបចំការធផ្សព្វផ្សាយអាល់ប៊ុមទី២ ឈ្មោះ The Chaos Chapter: Fight or Escape របស់ពួកគេតាមរយៈអ៊ីនធើណែត។

ជាក់ស្ដែង នៅថ្ងៃនេះដែរ TXTបានពិពណ៌នាជាលើកដំបូង នូវចំណងជើងចម្រៀងសម្រាប់ការ Come Backរបស់ពួកគេ តាមរយៈ Title Track បទ LO$ER=LO♡ER ដែលជាប្រភេទ emo-pop ដែលមានរៀបរាប់ពីបំណងប្រាថ្នារបស់ក្មេងប្រុសម្នាក់ ដែលចង់សង្រ្គោះ ដោយការផ្ដល់ក្តីស្រលាញ់នៅក្នុងពិភពលោក ដែលមនុស្សគ្រប់គ្នាមើលឃើញថាគេជាអ្នកចាញ់។

តាមរយៈការផ្សព្វផ្សាយនេះ សមាជិកក្រុម TXT ម្នាក់បានសង្កត់ធ្ងន់លើការប្រើប្រាស់និមិត្តសញ្ញា «$» នៅក្នុងបទចម្រៀង ដោយលើកឡើងថា ៖

មូលហេតុដែលមាននិមិត្តសញ្ញា ដុល្លារ នៅក្នុងចំណងជើងចម្រៀងគឺ ដោយសារតែលុយដើរតួយ៉ាងសំខាន់ អ្នកអាចយល់ថាលុយគឺជាអ្វីដែលចាំបាច់នៅក្នុងជីវិត ហើយដើម្បីធ្វើអ្វីដែលអ្នកចង់ធ្វើ អ្នកត្រូវការប្រាក់។
— សមាជិកក្រុម TXT

បន្ទាប់មក អ្នកសម្ភាសន៍ក៏បានផ្តល់យោបល់អំពីការរិះគន់ដែលតែងតែលើកឡើងចំពោះ TXT ថាជោគជ័យព្រោះតែ BTS។ ក្រោយស្ដាប់ការលើកឡើងនេះ Yeonjun ក៏ឆ្លើយតបភ្លាមៗថា ៖

ដូច្នេះហើយចំពោះពួកយើងផ្ទាល់តែងតែមានអារម្មណ៍ថា មានសម្ពាធយ៉ាងខ្លាំងពីទស្សនៈរបស់មនុស្សមួយចំនួន ដែលថាពួកយើង សព្វថ្ងៃទទួលបានភាពជោគជ័យហើយល្បីល្បាញ គឺដោយសារតែខាងក្រុមហ៊ុន និងដោយសារតែសិស្សច្បង BTS តែម្ដង។
— Yeonjun

លើសពីនេះទៀត Yeonjun ក៏បានបន្តថា ៖

វាជាការពិត ដែលយើងបានរកឃើញភាពជោគជ័យ នៅក្នុងដែនកំណត់ដែលជា ទីភ្នាក់ងាររបស់យើង ទោះយ៉ាងណាក៏ដោយ យើងកំពុងប្រឹងប្រែងឲ្យអស់ពីសមត្ថភាព ដើម្បីយកឈ្នះសម្ពាធទាំងនោះ។ យើងជឿជាក់ថា ប្រសិនបើយើងបន្តខិតខំប្រឹងប្រែង យើងនឹងអាចបង្ហាញដល់មនុស្សគ្រប់គ្នាឲ្យឃើញនូវរូបភាពពិតជាក់ស្ដែង និងតន្ត្រីល្អ បើទោះបីវាត្រូវចំណាយពេលយូរក៏ដោយ ប៉ុន្តែវិធីសាស្រ្តរបស់យើងគឺ ប្រយុទ្ធតាមល្បឿនរបស់យើងផ្ទាល់។
— Yeonjun

រឿងនេះហ្វេនៗពិតជាដឹងច្បាស់ហើយថា ភាពជោគជ័យដែល TXT មានសព្វថ្ងៃគឺបានមកដោយសារការខិតខំប្រឹងប្រែងរបស់ពួកគេផ្ទាល់ ម្នាក់ៗពិតជាមានជំនាញ និងទេពកោសល្យខ្ពស់ ហើយមិនមែនជារឿងចម្លែកទេ ដែលពួកគេសមនឹងទទួលបានប្រជាប្រិយភាព និងក្ដីស្រលាញ់ធំធេងពីអ្នកគាំទ្ររបស់ពួកគេ៕

ប្រភព ៖ Allkpop

អានបន្ថែម