ផ្លែស្រកានាគ ផ្ដល់អត្ថប្រយោជន៍ច្រើនយ៉ាងដល់សុខភាព!

យល់ដឹង ៖ អ្នកប្រហែលជាធ្លាប់បានភ្លក់រសជាតិ ផ្លែស្រកានាគទាំងសាច់ពណ៌ស និងពណ៌ផ្កាឈូក ឬពណ៌ស្វាយ ក្នុងនោះ ក្រៅពីរសជាតិឆ្ងាញ់មិនថាផ្លែស្រកានាគពណ៌អ្វីក៏ដោយពួកវាសុទ្ធតែមានអត្ថប្រយោជន៍ច្រើនយ៉ាងដល់សុខភា​ព ដែលអ្នកនឹកស្មានមិនដល់ផងដែរ។

តោះ​មើល​ថា​តើ​ផ្លែ​ស្រកានាគ​មាន​អត្ថប្រយោជន៍​អ្វី​ខ្លះ?

១.សម្រាលកម្ដៅ

ផ្លែស្រកានាគ ជាផ្លែឈើដែលជួយបំបាត់ការស្រេកទឹកនិងជួយសម្រាលកំដៅផងដែរ ព្រោះ​គ្រាប់​ស្រកានាគ​សម្បូរ​ទៅ​ដោយសារធាតុ​ម៉្យាង ដូច្នេះវាអាចទប់ទល់នឹងអុកស៊ីតកម្មបានយ៉ាងល្អជាលទ្ធផលវាមានប្រសិទ្ធភាពបំបាត់កម្ដៅក្នុងខ្លួន។

២.ជួយសម្រកទម្ងន់

សម្រាប់អ្នកដែលមានបំណងចង់សម្រកទម្ងន់គឺត្រូវបានណែនាំឲ្យញ៉ាំផ្លែស្រកានាគ ព្រោះផ្លែស្រកានាគជាផ្លែឈើដែលមានកាឡូរីទាប និងផ្តល់តម្លៃអាហារូបត្ថម្ភខ្ពស់ណាស់សំខាន់វាក៏មានជាតិសរសៃខ្ពស់ផងដែរ ដូច្នេះហើយ អាចជួយឲ្យរាងកាយមានអារម្មណ៍ឆ្អែតបានយូរនិងមិនធ្វើឲ្យអ្នកឃ្លានញឹកញាប់។

៣.បំបាត់ការទល់លាមក

ព្រោះផ្លែស្រកានាគមានជាតិសរសៃខ្ពស់ដូច្នេះ​ហើយ​វា​ជួយ​ជំរុញ​ប្រព័ន្ធ​រំលាយ​អាហារ​ឲ្យដំណើរការ​បាន​ស្រួល និងជួយសម្រួលប្រព័ន្ធរាងកាយពេលមានការទល់លាមកផងដែរ។

៤.ស្រូបជាតិពុលក្នុងរាងកាយ

ផ្លែស្រកានាគមានលក្ខណៈសម្បត្តិជួយស្រូបយកជាតិពុលចេញពីរាងកាយ ជាពិសេសវាកាន់តែមានប្រសិទ្ធភាពទាញយកសំណល់ នាំពីការស្រូបផ្សែងចេញពីបំពង់ផ្សែងរថយន្តឬសារធាតុពុលផ្សេងទៀត។

៥.គ្រប់គ្រងកម្រិតជាតិស្ករក្នុងឈាម

ផ្លែស្រកានាគត្រូវបានបង្ហាញថាអាចជួយគ្រប់គ្រងកម្រិតជាតិស្ករក្នុងឈាមចំពោះអ្នកដែលមានជំងឺទឹកនោមផ្អែមដែលមិនពឹងផ្អែកលើអាំងស៊ុយលីននិងជួយបន្ថយភាពស្លេកស្លាំង ក៏ដូចជាការបន្ថែមជាតិដែកដល់រាងកាយ វាក៏ជួយការពារការស្ទះសរសៃឈាមបេះដូងផងដែរ។

៦.ធ្វើអោយស្បែកភ្លឺថ្លា

ផ្លែស្រកានាគសម្បូរទៅដោយសារធាតុរ៉ែជាច្រើនដូចជាប្រូតេអ៊ីន វីតាមីន C កាល់ស្យូមក្លរ៉ូហ្វីល និងផូស្វ័រ ដែលសុទ្ធតែមានសារៈប្រយោជន៍សម្រាប់ស្បែកព្រោះ​វា​ជួយ​ចិញ្ចឹម​ស្បែក​ឲ្យមើល​ទៅ​ភ្លឺ​ថ្លា​ស្រស់​ថ្លា សំខាន់​វា​ក៏​ជួយ​ពន្យារ​ភាព​ជ្រីវជ្រួញបានយ៉ាងល្អ។

៧.ការពារជំងឺមហារីក

ផ្លែស្រកានាគមានលក្ខណៈសម្បត្តិជួយការពារជំងឺមហារីកជាពិសេសផ្លែស្រកានាគសាច់ក្រហម ដោយសារតែពូជនេះមានផ្ទុកសារធាតុ Lycopene ច្រើន ដែលសារធាតុប្រភេទនេះជួយប្រឆាំងរ៉ាឌីកាល់សេរីដែលជាមូលហេតុនៃជំងឺមហារីក៕

ប្រភព ៖ Sanook