ដឹងតែផ្ទុះទៀតហើយ! Coldplay ប្រកាសចេញបទថ្មីសហការជាមួយ BTS

កូរ៉េខាងត្បូង ៖ ត្រលប់ទៅខែ កក្កដាមានពាក្យចចាមអារ៉ាមថា BTS នឹងសហការក្នុងបទចម្រៀងថ្មីរបស់ Coldplayប៉ុន្តែខាង Warner Music Korea និងBig Hit Music មិនបានបញ្ជាក់អំពីព័ត៌មាននោះឲ្យច្បាស់ជាផ្លូវការនោះទេ។

ជាក់ស្ដែង នាពេលថ្មីៗនេះ Coldplay បានទម្លាក់រូបភាព Teaser សម្រាប់ការត្រលប់មកវិញរបស់ពួកគេតាមរយៈបទចម្រៀង «My Universe» ដោយបញ្ជាក់ឲ្យដឹងផងដែរថា នឹងមានការសហការជាមួយក្រុមBTS ហើយចម្រៀងនេះ នឹងទម្លាក់ផ្សាយជាផ្លូវការ នៅថ្ងៃទី២៤ ខែ កញ្ញា ឆ្នាំ ២០២១ខាងមុខនេះ។

យោងតាមព័ត៌មានលម្អិតនៃការទិញ «My Universe» នឹងអាចរកទិញបានជាប្រភេទ CD single ដែលមានចម្រៀង ២បទ ហើយចំពោះCover ខាងក្នុងនឹងរួមបញ្ចូលនូវការបកប្រែអត្ថបទសរសេរដោយដៃទាំងColdplay និង BTS៕

ប្រភព ៖ Soompi