រូបសាក់ដ៏ប្លែករបស់ Chaeyoung កំពុងទទួលបានការចាប់អារម្មណ៍ខ្លាំង

កម្សាន្ត៖ កាលពីថ្ងៃទី៤ ខែកញ្ញា អត្ថបទមួយដែលមានចំណងជើងថា «ស្នាមសាក់ថ្មី ដែលទើបតែបានបង្ហាញរបស់ TWICE Chaeyoung» ត្រូវបានគេចុះផ្សាយ នៅលើសហគមន៍អនឡាញ ដែលអត្ថបទនេះរួមបញ្ចូលរូបថតរបស់ Chaeyoung ដែលកំពុងធ្វើដំណើរក្នុងឡាន ហើយបើកបង្អួចឡានរបស់នាង ដើម្បីស្វាគមន៍អ្នកគាំទ្រ។

ក្នុងនោះ គេអាចមើលឃើញថានៅផ្នែកខាងក្រោម នៃកំភួនដៃរបស់ Chaeyoung គឺមានរូបស្នាមសាក់មួយ ដែលមានរូបរាងនារីអា.ក្រា.តកាយសក់វែង ជាមួយនឹងខ្សែសជាមួយនឹងខ្សែច្រវ៉ាក់​ ចងដៃ ខណ:ដែលស្នាមសាក់នេះ មានលក្ខណៈប្លែកបន្តិចចំពោះរូបរាងរបស់វា ទើបធ្វើឲ្យមានការចាប់អារម្មណ៍ខ្លាំង ក៏ដូចជាទាក់ទាញភាពភ្ញាក់ផ្អើលពីមហាជនផងដែរ។

គួររំលឹកផងដែរថាក្តីស្រលាញ់របស់ Chaeyoung ចំពោះការចាក់សាក់ ត្រូវបានគេដឹងយ៉ាងច្បាស់ ក្នុងចំណោមអ្នកគាំទ្រ TWICE ហើយតារាស្រីរូបនេះ ក៏មានភាពល្បីល្បាញដោយសារមានស្នាមសាក់ពេញរាងកាយរបស់នាងផងដែរ រួមទាំងនៅលើដៃ ក្រោមត្រចៀក និងនៅលើពោះ ក៏ដូចជាចង្កេះជាដើម៕

ប្រភព : Allkpop