Jimin ជាប់ជា Best Male K-POP Idol Dancer ៣ឆ្នាំជាប់គ្នា!

កូរ៉េខាងត្បូង ៖ ជាមួយនឹងលទ្ធផលបោះឆ្នោតជ្រើសតារាប្រុដែលរាំបានល្អបំផុតរបស់KingChoice ដែលបានបង្ហាញ កាលពីពេលថ្មីៗនេះ បានប្រកាសឲ្យដឹងថា Jiminសមាជិកក្រុម BTS ជាប់ប្រជាប្រិយភាពលំដាប់លេខ១ ក្នុងនាមជាBest Male K-POP Idol Dancer អស់រយៈពេល ៣ឆ្នាំជាប់ៗគ្នា។

ជាក់ស្ដែង Jimin បានបង្កើតកំណត់ត្រាដែលមិនធ្លាប់មានពីមុនមកក្នុងចំណាត់ថ្នាក់លេខ១ ជាមួយនឹងការបោះឆ្នោតលើសពី ២៣លានសម្លេង នៅក្នុងការស្ទង់មតិរយៈពេលមួយខែ។ ការឈ្នះទទួលបានត្រូវបានអបអរសាទរដោយអ្នកគាំទ្រជាមួយនឹងនិន្នាការJIMIN DANCE KING, #JiminBestDancer3Years, និង #지민베스트댄서3년연속1위 ស្របពេលដែលហ្វេនៗពួកគេបានចែករំលែកវីដេអូនៃការសម្តែងដ៏គួរអោយចាប់អារម្មណ៍របស់លោកផងដែរ។

Jimin ត្រូវ​បាន​គេ​ទទួល​ស្គាល់​សម្រាប់​ការ​រាំ​ដ៏​ឆ្នើម​របស់​លោក​នៅ​ពេល​ដែល​​បាន​ទទួល​រង្វាន់​នៃ​ការ​កោតសរសើរ​ពី​សមាគមន៍សង្គម​អភិរក្ស​ក្បាច់​រាំ​របស់​អ្នក​គាំទ្រ​កូរ៉េ​បន្ទាប់​ពី​ការ​បង្ហាញ ​MMA ឆ្នាំ ២០១៨ របស់លោក លើសពីនេះលោកក៏បានឈ្នះការស្ទង់មតិក្នុងនាមជាDABEME Best Male Dancer រយៈពេល ៤ឆ្នាំជាប់ៗគ្នាផងដែរ។

នៅក្នុងខែមិថុនា ពាក់កណ្ដាលឆ្នាំ២០២២ នេះ Jimin បានបន្តពង្រីកប្រជាប្រិយភាព និងភាពជោគជ័យរបស់លោកដោយទទួលបានតំណែងកំពូលនៅក្នុងការស្ទង់មតិជាច្រើនគិតទៅឥទ្ធិពលរបស់លោកពិតជាមិនធម្មតាឡើយ សមនឹងឈ្មោះសមាជិក្រុម Kpop ល្បីលំដាប់ពិភពលោកពិតៗ៕

ប្រភព ៖ Allkpop