អ្នកគាំទ្រ ផ្ទុះការវែកញែក Irene ស្អាតជាង Jang Won Young ឬយ៉ាងណា?
កម្សាន្ត ៖ នៅគ្រប់ជំនាន់ Idol នីមួយៗ តែងតែមាន Idol មួយរូប ដែលត្រូវបានជ្រើសរើសជាតារាដែលមានរូបរាងស្អាតបំផុតនិងទទួលបានការចាប់អារម្មណ៍យ៉ាងខ្លាំង សម្រាប់ការមើលឃើញរបស់ពួកគេ។
ជាក់ស្ដែង តារាទាំងនេះត្រូវបានផ្តល់ងារជា «Beauty Queen» ហើយរាជិនីសម្រស់ដែលល្បីជាងគេគឺ YoonA សមាជិកក្រុម Girls' Generation ជំនាន់ទី ២ ហើយ Ireneសមាជិកក្រុម Red Velvet ជំនាន់ទី ៣ និង JangWon Young សមាជិកក្រុម IVE ជំនាន់ទី ៤។
យ៉ាងណា ថ្មីៗនេះមានការពិភាក្សាគ្នា ក្នុងចំណោមអ្នកគាំទ្រk-pop ថា តើរាជនីសម្រស់ជំនាន់ទី ៣Irene ស្អាតជាងរាជិនីសម្រស់ជំនាន់ទី ៤ Jang Won Young ដែររឺទេ? ដែលការជជែកវែកញែកនេះ ត្រូវបានចាប់ផ្តើមនៅពេលដែលអ្នកលេងអ៊ីនធើណេតម្នាក់បានបង្ហោះថា «តើខ្ញុំជាមនុស្សតែម្នាក់ដែលគិតថា Irene ស្អាតជាងគេឬ?»។
ក្រោយមក ក៏មានអ្នកនិយមលេងអ៊ីនធើណេតជាច្រើននាក់ទៀត បានចូលរួមក្នុងការបង្ហោះនេះដើម្បីចែករំលែក មតិរបស់ពួកគេ ដែលភាគច្រើនគឺគេយល់ស្របថាIrene គឺជា រាជិនីសម្រស់ពិតៗនិងនៅតែមានសម្រស់ស្រស់ស្អាត ទោះជានេះជាជំនាន់ទី ៤ នៃ k-pop ហើយក៏ដោយ៕
សូមទស្សនារូបភាពខាងក្រោម ៖
ប្រភព : Allkpop