ឥទ្ធិពលណាស់! សូម្បីតួប្រុសរឿង Shang-Chi ក៏ទៅមើលការប្រគំតន្រ្តី BLACKPINK

អាមេរិក៖ ពិតណាស់ ឥទ្ធិពលរបស់ក្រុមចម្រៀង BLACKPINK បានហួសពី K-pop ទៅទៀតឥឡូវនេះ ពោលគឺបានក្លាយជាក្រុមលំដាប់ពិភពលោក ដែលមានអ្នកគាំទ្ររាប់លាននាក់ជុំវិញពិភពលោក។ មិន​ត្រឹម​តែ​អ្នក​គាំទ្រ​ធម្មតា​ប៉ុណ្ណោះ​ទេ ក្នុងនោះតារា​ល្បី​ៗ​ជា​ច្រើន​ក្នុង​លោក​ ក៏មានការចូលចិត្ត​ចំពោះ​តារា​ស្រី YG ទាំង​ ៤​ រូប​នេះ​ដែរ។

ជាពិសេសថ្មីៗនេះ តារាសម្តែងក្នុងរឿង Shang-Chi លោក Simu Liu បានបង្ហាញជាសាធារណៈនូវសេចក្តីស្រលាញ់របស់លោកចំពោះក្រុម BLACKPINK។ ដោយលោកក៏បានធ្វើឲ្យមហាជនភ្ញាក់ផ្អើលផងដែរ នៅពេលដែលតារាប្រុសរូបនេះ បង្ហាញពីទំនាក់ទំនងពិសេសរបស់ខ្លួនជាមួយក្រុមនេះ តាមរយៈមិត្តស្រីរបស់លោក។  

ក្នុងនោះ ត្រូវបានគេដឹងថា Simu Liu បានចូលរួមក្នុងរាត្រីនៃដំណើរទេសចរណ៍ Born Pink នៅទីក្រុង Los Angeles សហរដ្ឋអាមេរិកកាលពីថ្ងៃទី ១៩ ខែវិច្ឆិកាមកម្ល៉េះ។ ជាក់ស្តែង មិត្តស្រីរបស់តារាសម្តែងរូបនេះ គឺជានាយកទីផ្សារឌីជីថលរបស់ Interscope ដែលជាស្លាកកំណត់ត្រា BLACKPINK បានចុះកិច្ចសន្យានៅសហរដ្ឋអាមេរិកផងដែរ។

ប្រភព៖ kenh14