មេរៀនសម្រាប់តារានិករនីមួយៗ មុននឹងឈានចូលឆ្នាំថ្មី

យល់ដឹង៖ ពេលខ្លះមនុស្សយើងម្នាក់ៗ ធ្វើឲ្យខ្លួនឯងធ្លាក់ចុះដោយមិនដឹងខ្លួន ដោយមិនបានដឹងពីអ្វី ដែលត្រូវបញ្ឈប់ក្នុងជីវិត ហើយនៅតែបន្តធ្វើឲ្យខ្លួនឈឺចាប់។

ខាងក្រោមនេះនឹងបង្ហាញពី  អ្វីដែលតារានិករនីមួយៗ គួរតែចងចាំក្នុងឆ្នាំនេះ ៖

♈️ Aries ៖ ប្រសិនបើនរណាម្នាក់ថាអ្នក មិនល្អគ្រប់គ្រាន់សម្រាប់ពួកគេ នោះពួកគេក៏មិនល្អគ្រប់គ្រាន់សម្រាប់អ្នកដែរ។ ដូច្នេះហើយមិនបាច់ឲ្យតម្លៃច្រើនទេ សម្រាប់មនុស្សដែលមិនបានឲ្យតម្លៃមកលើអ្នក។

♉️ Taurus ៖ ទាំងសុភមង្គល និងទុក្ខព្រួយ នឹងកន្លងផុតទៅនៅពេលក្រោយ ទោះបីជាមិនមែនពេលនេះក៏ដោយ។ រៀនឲ្យតម្លៃ និងទទួលយកអ្វីដែលនឹងចូលមកក្នុងជីវិតរបស់យើង ព្រោះនេះជាជីវិត។

♊️ Gemini ៖ ពេលខ្លះអ្នកអាចមានអារម្មណ៍ថាទទេ ប៉ុន្តែអ្នកពោរពេញដោយជីវិត ដ៏ស្រស់ស្អាតជាច្រើន ដែលអ្នកមិនទាន់ស្វែងយល់ពីខ្លួនឯង ទោះជាថ្ងៃនេះមិនមែនថ្ងៃល្អ ក៏មិនមែនមានន័យថា ស្អែកមិនល្អដែរ។

♋️ Cancer ៖ អ្នកមិនចាំបាច់បង្ហាញ ចំណុចសំខាន់របស់អ្នកចំពោះអ្នកដទៃទេ ប្រសិនបើមនុស្សម្នាក់នោះពិតជាជឿជាក់ និងឲ្យតម្លៃអ្នកពិតប្រាកដ គេប្រាកដជាមើលឃើញថា រាល់អ្វីដែលអ្នកធ្វើសុទ្ធតែសំខាន់។

♌️ Leo ៖ ការបង្ហាញអារម្មណ៍របស់អ្នកចេញមកក្រៅ មិនតែងតែធ្វើឲ្យអ្នកក្លាយជាមនុស្ស ដែលទន់ខ្សោយឡើយ។ ពេលខ្លះបើយើងទុកវាតែម្នាក់ឯងពេក វានឹងក្លាយទៅជាភាពតានតឹងដល់ខ្លួនឯង។

♍️ Virgo ៖ ពេលខ្លះវាមិនអីទេ ក្នុងការពិបាកចិត្ត ពីព្រោះមនុស្សម្នាក់ណាក៏មានទុក្ខដូចអ្នកដែរ។ ព្យាយាមរកមនុស្សដែលអ្នកអាចនិយាយជាមួយបាន និងរកពេលលំហែកាយខ្លះ នោះអ្នកនឹងមានអារម្មណ៍ល្អជាងនេះ។

♎️ Libra ៖ កុំឲ្យមនុស្សទាញយកផលប្រយោជន៍ ពីសេចក្ដីសប្បុរសរបស់អ្នក។ អ្នកគឺជាមនុស្សដែលមានចិត្តល្អ ប៉ុន្តែក៏ត្រូវមើលតាមកាលៈទេសៈដែរ ព្រោះមនុស្សមួយចំនួនចូលមក ដើម្បីចាំតែទទួលផលប្រយោជន៍ រួចក៏ចេញទៅវិញ។

♏️ Scorpio ៖ ត្រូវចងចាំថា របៀបដែលអ្នកធ្វើឲ្យអ្នកដទៃមានអារម្មណ៍ គឺជាអាកប្បកិរិយារបស់អ្នក ដូច្នេះសូមប្រយ័ត្នជាមួយនឹងពាក្យសម្ដី រាល់ពេលដែលអ្នកនិយាយ ព្រោះមនុស្សតែងចាំមើលជានិច្ច។

♐️ Sagittarius ៖ ចូរគិតពីមនុស្សដំបូង ដែលអ្នកចង់ប្រាប់ពីដំណឹងល្អដល់ពួកគេ និងមនុស្សដែលចូលមកក្នុងចិត្តអ្នកមុនគេនៅពេលគិតពីអ្វីមួយ។ សង្កត់លើពួកគេឲ្យតឹង ព្រោះមនុស្សម្នាក់នោះ ប្រហែលជាមនុស្សដែលយល់ពីអ្នកបំផុត។

♑️ Capricorn ៖ ឈប់ព្យាយាមស្វែងរកខ្លួនឯង ហើយផ្តោតលើអ្វីៗសំខាន់ ដែលខ្លួនឯងគួរតែធ្វើវិញទៅ។ អ្នកនឹងក្លាយជាមនុស្សម្នាក់ ដែលអ្នកតែងតែចង់បាន និងយល់ពីខ្លួនឯងបំផុត។

♒️ Aquarius ៖ កុំព្យាយាមប្រៀបធៀបខ្លួនឯង ជាមួយអ្នកដទៃ។ អ្នកបានផ្លាស់ប្តូរតាំងពីម្សិលមិញ ដូច្នេះបានន័យថា អ្នកនឹងផ្លាស់ប្តូរម្តងទៀតនៅថ្ងៃស្អែក ព្រោះមនុស្សម្នាក់ៗអាចកែប្រែបានជារៀងរាល់ថ្ងៃ ពីមេរៀនដែលបានជួបប្រទះ។

♓️ Pisces ៖ ការធ្វើឲ្យអ្នកដទៃសប្បាយចិត្ត នឹងមិនអាចដោះស្រាយ ភាពសោកសៅរបស់អ្នកបានទេ។ វាមិនអាក្រក់ទេនៅពេលដែលយើង ចង់ឲ្យមនុស្សនៅជុំវិញខ្លួនសប្បាយចិត្ត ប៉ុន្តែសូមកុំភ្លេចអំពីខ្លួនឯង គួរតែដាក់ខ្លួនឯងមុនអ្នកដ៏ទៃ។

អត្ថបទដោយ ៖ Yukvey