បើអាចទៅបាន Jungkook ថានឹងបង្កើតកន្លែងលាក់ខ្លួនមួយនេះសម្រាប់សមាជិក BTS!

May 12, 2022

កូរ៉េខាងត្បូង ៖ ពេលខ្លះ សមាជិក BTS ត្រូវការកន្លែងពិសេសផ្ទាល់ខ្លួនដើម្បីសម្រាកលំហែកាយ ខណៈពេលដែលពួកគេភាគច្រើនចូលចិត្តនៅផ្ទះដើម្បីសម្រាកលំហែកាយJungkook បានស្រមៃមើលថា តើកន្លែងលាក់ខ្លួនបែបណាដែលសមាជិកនឹងចូលចិត្ត។

ខ្ញុំចងឲ្យកន្លែងលាក់ខ្លួនរបស់យើង ដែលទំនើប។ ខ្ញុំមិនចង់ឲ្យវាមានពណ៌សទាល់តែសោះ។ វាគួរតែខ្មៅទាំងអស់។ ជាមួយនឹងពន្លឺដ៏ត្រជាក់នៅលើថ្មម៉ាបពណ៌ខ្មៅ... របារមួយនឹងល្អ ហើយបន្ទាប់មកស្ទូឌីយ៉ូផ្ទាល់ខ្លួនរបស់ខ្ញុំ ហើយតុ និងសាឡុងដ៏ស្រស់ស្អាតនៅកណ្តាលនឹងធ្វើឲ្យវាអស្ចារ្យ។
— Jungkook

ពន្លឺក៏សំខាន់សម្រាប់លោកដែរ គ្រប់ទីកន្លែងដែលទៅJungkookនាំយកចង្កៀងដែលបញ្ចេញពណ៌ និងលំនាំដ៏ស្រស់ស្អាតពេញបន្ទប់។

ខ្ញុំចង់ឲ្យវានៅក្នុងទីក្រុង។ ខ្ញុំចូលចិត្តទីក្រុងច្រើនជាងភ្នំ ឬតាមសមុទ្រ។ ហើយអ្វីដែលសំខាន់បំផុតសម្រាប់ខ្ញុំនៅកន្លែងលាក់ខ្លួនរបស់យើងគឺ… ពន្លឺ។ ខ្ញុំនឹងធ្វើឲ្យកន្លែងទាំងមូលខ្មៅ ដូច្នេះប្រសិនបើគ្មានភ្លើងបំភ្លឺទេ អ្នកនឹងមិនអាចមើលឃើញអ្វីបានឡើយ។ ពន្លឺគឺសំខាន់បំផុត។
— Jungkook

ដោយផ្តល់ឲ្យសមាជិកម្នាក់ៗនូវតួនាទីផ្ទាល់ខ្លួនរបស់ពួកគេនៅក្នុងកន្លែងលាក់ខ្លួនកូនពៅប្រចាំក្រុមបានជ្រើសរើសតាំងខ្លួនឯងជាអ្នកគ្រប់គ្រង... ប៉ុន្តែលោកនឹងមិនធ្វើការដោយឥតគិតថ្លៃទេ។

ខ្ញុំនឹងទទួលបន្ទុកគ្រប់គ្រងកន្លែងលាក់ខ្លួនរបស់យើង ហើយប្រហែលជាទទួលបានប្រាក់កំរៃពីសមាជិកបន្តិចបន្តួចព្រោះខ្ញុំជាអ្នកគ្រប់គ្រង។ ខ្ញុំជាអ្នកគ្រប់គ្រង ដូច្នេះខ្ញុំទទួលបានប្រាក់ឈ្នួលពីសមាជិកដើម្បីសម្អាត… ខ្ញុំនឹងទទួលបន្ទុក។ ខ្ញុំមានទំនុកចិត្តថាខ្ញុំនឹងធ្វើបានល្អ។
— Jungkook

លើសពីនេះទៀត Jungkook បានជ្រើសរើសតួនាទីសម្រាប់សមាជិកផ្សេងទៀតហើយប្រាដកចិត្តថាពួកគេនឹងធ្វើបានល្អបំផុតចំពោះមុខងាររៀងៗខ្លួន។

ខ្ញុំគិតថា Suga នឹងល្អឥតខ្ចោះសម្រាប់រឿងស្រាក្រឡុក។ គាត់ដឹងច្រើនអំពីគ្រឿងស្រវឹង ដូច្នេះខ្ញុំគិតថាគាត់នឹងធ្វើបានល្អ។ ខ្ញុំនឹងសុំឲ្យ J-Hope និង RM រៀបចំឧបករណ៍ ហើយសម្រាប់ Jin, Jimin និង V... តើពួកគេគួរធ្វើអ្វី? ខ្ញុំត្រូវការពេលវេលាបន្ថែមទៀតដើម្បីគិតអំពីអ្វីដែលពួកគេអាចធ្វើបាន។
— Jungkook

ទោះបីជាអ្វីដែលលោកនិយាយវាជារឿងដ៏គួរឲ្យអស់សំណើចតែប្រាកដណាស់ គំនិតរបស់ Jungkook ស្តាប់ទៅដូចជាកន្លែងល្អឥតខ្ចោះសម្រាប់សមាជិកBTS៕

ប្រភព ៖ Koreaboo

អានបន្ថែម