ទាំងនេះជាប្រជ្រុយមិនខ្វះលុយចាយ ទោះមានអ្នកទី៣ ក៏ជីវិតរស់នៅមានសុភមង្គល!
កម្សាន្ត ៖ អាចជាជំនឿដែលគេជឿថា ទីតាំងប្រជ្រុយនីមួយៗ នឹងនាំមកនូវប្រផ្នូលខុសៗគ្នា ក្នុងនោះប្រសិនបើអ្នកជាម្ចាស់ប្រជ្រុយនៅក្នុងលក្ខណៈទាំង ៣នេះ ត្រូវបានគេព្យាករណ៍ថា ជីវិតរបស់នឹងពោរពេញដោយភាពរីករាយនិងជាប្រជ្រុយដែលមិនខ្វល់រឿងខ្វះលុយ ទោះទោះមានស្នេហា ឬអ្នកទី៣មកជ្រៀតជ្រែក ក៏ធានាថាជីវិតរស់នៅមានសុភមង្គលដែរ។
១.ប្រជ្រុយនៅកណ្ដាលចិញ្ចើម
ប្រសិនបើអ្នកមានប្រជ្រុយដែលដុះនៅកណ្តាលរោមចិញ្ចើមរបស់អ្នកហើយត្រូវបានគ្របដោយរោមចិញ្ចើមរបស់អ្នក សូមអបអរសាទរ បុគ្គលដែលមានប្រជ្រុយក្នុងលក្ខណៈនេះរមែងមិនខ្វល់ខ្វាយនឹងការខ្វះលុយកាក់ឡើយ ម្ចាស់ប្រជ្រុយមួយនេះមានជីវិតសម្បូរហូរហៀរតែមានសុភមង្គលគ្រប់គ្រាន់។ លើសពីនេះ មនុស្សដែលមានប្រជ្រុយនៅចិញ្ចើមរបស់ពួកគេតែងតែមានភាពវៃឆ្លាត និងមានទេពកោសល្យលេចធ្លោក្នុងគ្រួសារ។
មិនថាអ្នកទៅទីណាទេអ្នកត្រូវបានគាំទ្រដោយមនុស្សថ្លៃថ្នូរ ដូច្នេះអ្នកអាចជំនះរាល់ឧបសគ្គក្នុងជីវិតបានយ៉ាងងាយមានឆន្ទៈខ្ពស់ក្នុងការការពារ បុគ្គលនេះ ច្រើនតែមានទំនោរទៅរកសិល្បៈ ឬវិទ្យាសាស្ត្តហើយប្រសិនបើអ្នកធ្វើការក្នុងវិជ្ជាជីវៈ ដែលទាក់ទងនឹងមុខជំនាញទាំងពីរនេះអ្នកអាចទទួលបានជោគជ័យយ៉ាងខ្លាំង ជីវិតតែងតែមានសុភមង្គល មានទ្រព្យសម្បត្តិហូរហៀរនិងលុយកាក់ហូរចូលជានិច្ច។
២. ប្រជ្រុយនៅត្រង់ចង្កា
បើចង្កាមានប្រជ្រុយនោះជាប្រផ្នូលដែលបញ្ជាក់ថា គុណសម្បត្តិរបស់ម្ចាស់ គឺមហាលាភ សំណាង និងការចម្រើនលូតលាស់ក្នុងការងារ ហើយប្រសិនបើប្រជ្រុយក្រោមចង្កានេះបានបង្ហាញខ្លួនជាយូរមកហើយ លើសពីនេះ បើអ្នកនៅតែមិនទាន់បានជួបនូវឱកាសក្នុងការអភិវឌ្ឍន៍ទ្រព្យសម្បត្តិ កុំប្រញាប់ឬបារម្ភ មូលហេតុគឺដោយសារប្រជ្រុយនេះ បង្ហាញពីទ្រព្យសម្បត្តិក្នុងជីវិតក្រោយ ចំណុចពិសេសបើមានសក់នៅលើប្រជ្រុយ វាមានន័យថាសំណាងនឹងកើតនៅក្នុងដៃរបស់អ្នកយ៉ាងឆាប់រហ័ស។
៣. នៅកណ្តាលជើង
ប្រជ្រុយនៅលើជើងក៏មានអត្ថន័យជាច្រើនផងដែរ មនុស្សដែលមានប្រជ្រុយនៅកណ្តាលជើងច្រើនតែរីករាយនឹងជីវិតអ្នកមាន ទោះជាយ៉ាងណាក៏ដោយពរជ័យនេះកើតឡើងបន្តិចម្ដងៗហើយត្រូវតែពឹងផ្អែកលើនរណាម្នាក់ ដូច្នេះហើយអ្នកអាចជ្រើសរើសគូស្រករដែលមានលក្ខខណ្ឌសេដ្ឋកិច្ចល្អ បើនៅកន្លែងធ្វើការ គួរតែជ្រើសរើសចៅហ្វាយនាយនិងអ្នកដឹកនាំដែលមានទេពកោសល្យ ដើម្បីណែនាំអ្នកឈានទៅរកការកែលម្អខ្លួនឯងកាន់តែប្រសើរ៕
ប្រភព ៖ Phunutoday