កម្សាន្ត ៖ បទចម្រៀង BTS តែងតែមានភាពចម្រុះ និងមានអត្ថន័យ ដោយពួកគេតែងតែផ្តល់នូវការលួងលោមនៅពេលចាំបាច់ ។ ហើយប៉ុន្មានឆ្នាំមកនេះ BTS បានសាកល្បងស្ទើរតែគ្រប់ប្រភេទនៃបទចម្រៀង ដែលធ្វើឲ្យវាងាយស្រួលក្នុងការបញ្ចូលបទចម្រៀង របស់ពួកគេទៅក្នុងបញ្ជីចាក់ណាមួយ។
នៅថ្ងៃដែលអ្នកមានអារម្មណ៍ស្រស់ថ្លាបន្តិច មិនថាដោយសារតែហេតុផលអ្វីនោះទេ ចម្រៀងរបស់ពួកគេ នឹងនៅទីនេះដើម្បីលើកទឹកចិត្តអ្នក។ វាមិនអីទេ ប្រសិនបើអ្នកមិនចង់និយាយជាមួយនរណាម្នាក់ ហើយគ្រាន់តែចាក់នូវបទភ្លេងទាំងនោះស្ដាប់ម្នាក់ឯង។
នៅថ្ងៃបែបនេះ បទចម្រៀងដ៏ល្អៗ ដែលមានទំនុកច្រៀងដ៏រំជួលចិត្ត អាចជាជំនួយរបស់អ្នក។ យ៉ាងណាមិញតន្ត្រីគឺគ្មានភាសានោះទេ វាជារឿងដែល ARMY តែងតែនិយាយសម្រាប់ BTS ហើយវាជាការពិតក្នុងន័យថា អ្នកប្រហែលជាមិនចាំបាច់យល់អត្ថបទចម្រៀងនោះទេ ប៉ុន្តែក៏នៅតែអាចមានអារម្មណ៍ល្អជាមួយនឹងបទទាំងនេះ៕
ខាងក្រោមនេះ ជាបទសម្រាប់លើកទឹកចិត្តរបស់ BTS សម្រាប់អ្នកគាំទ្ររបស់ពួកគេ ក៏ដូចជាអ្នកស្តាប់ផងដែរ ៖
១. បទ Spring Day
បទនេះនិយាយពីការបាត់បង់នរណាម្នាក់ តែយ៉ាងណាមិញ វាក៏នៅតែមានក្តីសង្ឃឹមជានិច្ចនៅទីបញ្ចាប់ ដូច្នេះវាចង់ប្រាប់អ្នកស្តាប់ថា នឹងមានអ្វីមួយដែលមក ហើយនឹងនាំមកនូវស្នាមញញឹម មកឲ្យអ្នក។
២. A Supplementary Story បទ You Never Walk Alone
ដូចចំណងជើងដែរ វាជាការសន្យាថានៅលើផ្លូវដ៏លំបាក អ្នកនឹងមិនអាចដើរតែម្នាក់ឯងបានទេ ទោះផ្លូវលំបាកក៏យើង (BTS) នឹងទៅជាមួយគ្នាដែរ ដូច្នេះអ្វីនឹងកាន់តែងាយស្រួល ព្រោះអ្នកមិននៅតែម្នាក់ឯងឆ្លងកាត់ថ្ងៃដ៏លំបាក។
៣. បទ So What
ទំនុកច្រៀងរបស់បទនេះ គឺដូចជាចំណងជើង បង្ហាញថាទោះជាអ្នកមិនល្អឥតខ្ចោះ មិនដូចអ្នកដទៃ តើវានឹងយ៉ាងមិច អ្នកនៅតែជាអ្នក កុំខ្វល់ពីសម្តីអ្នកដទៃពេក។
៤. បទ I’m Fine
បទចម្រៀងបង្ហាញពីរបៀបដែល អ្នកអាចស្វែងរកភាពរីករាយ និងភាពស្ងប់ស្ងាត់នៅខាងក្នុង បើទោះបីជាជួបប្រទះបញ្ហាប្រឈមជាច្រើនក៏ដោយ។
៥. បទ Blue and Grey
ជាមួយនឹងបទដែលមាន ចង្វាក់យឺតៗ ស្រទន់ដែលស្រោបដោយសំឡេងស្រទន់របស់សមាជិក នឹងបញ្ជូនអ្នកទៅកាន់កន្លែងសម្រាកលំហែកាយមួយរយៈ អមជាមួយនឹង ទំនុកច្រៀងដែលមានភាពស្រស់ស្រាយ ។
៦. បទ Permission to Dance
បទដ៏រស់រវើក ជាមួយនឹងចង្វាក់មានភាពរីករាយ ខណៈពេលដែលវីដេអូតន្ត្រី ប្រាប់ពីរឿងនៃក្តីសង្ឃឹម ដែលថាយើងមិនបាច់ព្រួយបារម្ភទេ ព្រោះនៅពេលដែលយើងដួល យើងនឹងត្រូវងើបឡើងវិញ។
៧. បទ Yet To Come
វាគឺជាការសន្យាថា ពេលវេលាដ៏ល្អបំផុតមិនទាន់មកដល់នៅឡើយ បទចម្រៀង និង MV របស់វា គឺជាដំណើរឆ្លងកាត់អាជីព និងតន្ត្រីរបស់ BTS ខណៈពេលដែលវាមានអត្ថន័យកាន់តែស៊ីជម្រៅចំពោះ ARMY ហើយវានៅតែផ្តល់នូវការលួងលោម នៅថ្ងៃដ៏សោកសៅ ព្រោះវាធានាអ្នកនូវពេលវេលាដ៏ភ្លឺស្វាង និងប្រសើរជាងមុន៕
ប្រភព : Allkpop