Whee In ផ្ញើសារយ៉ាងរំជួលចិត្តទៅហ្វេន ក្រោយសម្រេចចិត្តចាកចេញពីផលិតកម្ម RBW!

June 13, 2021

កូរ៉េខាងត្បូង ៖ កាលពីថ្ងៃទី ១១ ខែ មិថុនា ឆ្នាំ ២០២១ខាងក្រុមហ៊ុន RBW Entertainment បានប្រកាសថាកិច្ចសន្យារបស់ WheeIn ជាមួយក្រុមហ៊ុនបានបញ្ចប់ជា ប៉ុន្តែនាងនឹងបន្តធ្វើជាសមាជិកMAMAMOO ដដែល។

ស្របនឹងនេះដែរ មួយថ្ងៃក្រោយមក Whee In បានសរសេរសំបុត្រដោយដៃ ដើម្បីផ្ញើសារទៅកាន់អ្នកគាំទ្ររបស់នាងយ៉ាងដូចច្នេះថា ៖

សួស្តី! ខ្ញុំគឺ Whee In សមាជិកក្រុម MAMAMOO ។ ខ្ញុំជឿជាក់ថា Moomoos របស់ពួកយើង និងប្រិយមិត្តដែលគាំទ្រពួកយើងប្រាកដជាបានដឹងព័ត៌មានរួចហើយ។ ខ្ញុំនឹងត្រៀមចាកចេញពី RBW Entertainment ដើម្បីបរិយាកាសថ្មី។ RBW Entertainment ដូចជាទីកន្លែងកំណើតសម្រាប់ខ្ញុំ ខណៈពេលដែលខ្ញុំបានចំណាយពេល ១០ឆ្នាំនៅទីនោះ ចាប់តាំងពីខ្ញុំនៅជាអ្នកហ្វឹកហាត់ ទាំងសើច ទាំងយំជាមួយគ្នា ហើយក្រុមហ៊ុនធ្វើឲ្យខ្ញុំមានថ្ងៃនេះ។ នៅពេលដែលខ្ញុំដឹកនាំជីវិតផ្ទាល់ខ្លួនរបស់ខ្ញុំនេះគឺជាអ្វីដែលខ្ញុំបានទទួលជាលើកដំបូង ហើយខ្ញុំក៏មានអារម្មណ៍ប្លែកៗដែរ។ ទាំងអស់នេះខ្ញុំមិនធ្លាប់ឆ្លងកាត់ទេ វាពិបាកសម្រាប់ខ្ញុំ។ ដោយសារតែពេលវេលាដ៏យូរដែលគ្រួសារ RBW បានចំណាយជាមួយខ្ញុំ ធ្វើឲ្យខ្ញុំអាចទទួលបានក្តីស្រលាញ់ច្រើន។ ខ្ញុំសូមផ្ញើការដឹងគុណដោយស្មោះ។ ចំពោះ Moomoos របស់ពួកយើងដែលខ្ញុំបានចំណាយពេល ៧ ឆ្នាំ។ វាគឺជាពេលវេលាដ៏មានន័យបំផុតក្នុងជីវិតយុវវ័យរបស់ខ្ញុំ។ ខ្ញុំសូមអរគុណ។ ខ្ញុំនឹងខិតខំបន្ថែមទៀតនៅពេលអនាគតតាមរយៈការផ្សព្វផ្សាយ និងតបស្នងសងអ្នកវិញ។ សមាជិកទាំង ៤នាក់ របស់ MAMAMOO នឹងនៅក្បែរអ្នកជានិច្ច។ ខ្ញុំនឹងចងចាំទុកអំពីការព្រួយបារម្ភ ការយកចិត្តទុកដាក់ និងការអបអរសាទររបស់អ្នកទាំងអស់គ្នានៅក្នុងចិត្តខ្ញុំ ហើយខ្ញុំនឹងបន្តរស់នៅយ៉ាងរឹងមាំ។
— Whee In

គួរបញ្ជាក់ផងដែរថា នៅក្នុងសេចក្ដីប្រកាសរបស់ក្រុមហ៊ុន RBWEntertainment ក៏បានបញ្ជាក់បន្ថែមពីលើព័ត៌មាននេះថា បើទោះបីជា Whee In បានសម្រេចចិត្តចាកចេញពីក្រុមហ៊ុន តែនាងបានយល់ព្រមបន្តការផ្សព្វផ្សាយជាមួយMAMAMOO រហូតដល់ខែ ធ្នូ ឆ្នាំ ២០២៣៕

ប្រភព ៖ Allkpop

អានបន្ថែម