Sandara ពិតញ៉ាំចេកតែ ១ផ្លែ ក្នុងមួយថ្ងៃ?

July 29, 2022

កូរ៉េខាងត្បូង ៖ នៅក្នុងភាគមួយនៃកម្មវិធី 'Song Eun Yiand Kim Sook's Secret Security' តារាស្រី Sandara អតីតសមាជិកក្រុម 2NE1 បានបើកបង្ហាញអំពីរបបអាហារ និងទម្លាប់អាហាររបស់នាង។

Sandara ចែករំលែកថាពេលមួយដែលនាងមានទម្ងន់ ៤៧ គីឡូក្រាមដោយនិយាយបានថា ៖

ខ្ញុំមិនចង់ត្រឡប់ទៅពេលនោះទេ វានឹងមិនធ្វើទេ។ ខ្ញុំដឹងថា ទម្ងន់មិនសមនឹងទំហំខ្លួនរបស់ខ្ញុំទេ។ ខ្ញុំរាងទាប ដូច្នេះទម្ងន់វាច្រើនពេកសម្រាប់ខ្ញុំ។ សូម្បីតែអ្នករចនាម៉ូដរបស់ខ្ញុំក៏ពិបាកចិត្តដែរ ហើយនិយាយថា អ្នកមិនអាចសម្រកទម្ងន់បានបន្តិចទេ? នៅពេលខ្ញុំទៅទីភ្នាក់ងារថ្មី អនុប្រធានបានប្រាប់ខ្ញុំថា ខ្ញុំមានទម្ងន់ច្រើននៅពេលយើងធ្វើបច្ចុប្បន្នភាពប្រវត្តិរូបរបស់ខ្ញុំ។
— Sandara

ជាក់ស្ដែង Sandara បានចែករំលែកថាពេលនាងមានទម្ងន់៣៨ គីឡូក្រាម ភ្លាមនោះពិធីករបានសួរនាំថា តើនាងសម្រក់ទម្ងន់ដោយរបៀបណា?

មិនបង្អង់យូរ Sandara បាននិយាយថា ៖

មានពេលខ្លះដែលអ្នកតានតឹងខ្លាំងមែនទេ? ចំណង់អាហាររបស់ខ្ញុំបានបាត់។ វាក៏ដោយសារខ្ញុំចង់ចេញដោយខ្លួនឯង។ ៣-៤ ខែអាចស្រកបានខ្ញុំរំភើបណាស់ ប៉ុន្តែខ្ញុំនឹកអាហារធ្វើនៅផ្ទះ។ ខ្ញុំមិនមានចំណង់អាហារទេ ដូច្នេះខ្ញុំអាចញ៉ាំផ្លែចេក ១ ផ្លែ ក្នុងមួយថ្ងៃបាន។
— Sandara

ពេលដឹងបែបនេះ ហ្វេនៗពិតជាប្រារម្ភពីសុខភាពរបស់នាងខ្លាំងណាស់ក្នុងនាមជាអ្នកគាំទ្រពួកគេពិតជាមិនចង់ឲ្យ Idol របស់ខ្លួនពិបាកនោះទេទោះជា Sandara មានរូបរាងបែបណាក៏ហ្វេនៗនៅតែនៅជាមួយនាងជានិច្ចហើយសង្ឃឹមថានាងនឹងមានសុខភាពល្អ៕

ប្រភព ៖ Allkpop

អានបន្ថែម