៥ យ៉ាងអំពីប្រុសស្អាត Lee Min Ho ស្ដាប់ទៅដូចកុហក ប៉ុន្តែសុទ្ធតែជាការពិត!
កូរ៉េខាងត្បូង ៖ ជាការពិតណាស់ ក្នុងនាមជាអ្នកគាំទ្ររបស់ LeeMin Ho ធានាថាហ្វេនៗប្រាកដជាបានដឹង រឿងរ៉ាវជាច្រើនពាក់ព័ន្ធនឹងតួឯកប្រុសកម្ពស់បានLee Min Ho ជាមួយនឹងប្រជាប្រិយភាពដ៏ល្បីល្បាញ ប្រចាំវិស័យកម្សាន្តK-Drama។
ទន្ទឹមនឹងប្រជាប្រិយភាពនិងទទួលបានជោគជ័យច្រើនគួរឲ្យកត់សម្គាល់បែបនេះ តួឯកប្រុសសង្ហារូបនេះ ក៏នៅមានរឿងរ៉ាវលាក់បាំងពីក្រោយខ្នងមួយចំនួនទៀត ដែលហ្វេនៗអាចនឹងមិនធ្លាប់បានដឹងពីមុន។
ខាងក្រោមនេះ ជារឿងរ៉ាវ ៥យ៉ាងរបស់ Lee Min Ho ស្ដាប់មើលទៅដូចជាកុហក ប៉ុន្តែសុទ្ធតែជាការពិត ៖
១. ឈ្មោះពិតរបស់ Lee Min Ho
តារាប្រុសរូបនេះ កើតនៅថ្ងៃទី ២២ ខែ មិថុនា ឆ្នាំ ១៩៨៧។ ឈ្មោះពិតរបស់លោកគឺ LeeMin Ho ប៉ុន្តែពេលចាប់ផ្ដើមអាជីពសិល្បៈដំបូង លោកធ្លាប់ប្រើឈ្មោះថា«Lee Min» ក្រោយមកក៏ប្ដូរមកប្រើ ឈ្មោះពិតវិញ។
មូលហេតុដែលប្ដូរ គឺព្រោះតែថាឈ្មោះ «Lee Min» ជាភាសាកូរ៉េមានន័យថា «អន្តោប្រវេសន៍» ដូច្នេះហើយវាអាចនឹងពិបាកសម្រាប់Fan ក្នុងការស្វែងរកឈ្មោះរបស់លោកលើអ៊ីនធើណែត។
២. ក្ដីស្រមៃរបស់ Lee Min Ho
កាលពីកុមារ Lee Min Ho មានក្ដីសុបិន គឺចង់ក្លាយជាកីឡាករបាល់ទាត់ម្នាក់ ប៉ុន្តែដោយសារបញ្ហារបួសកាលពីរៀននៅថ្នាក់ទី៥ ទើបលោកមិនអាចបន្តក្ដីស្រមៃនេះបាន។
ចំពោះកីឡាករបាល់ទាត់ដែលជា Idol ក្នុងដួងចិត្តរបស់លោកវិញ គឺកីឡាករសញ្ជាតិព័រទុយហ្គាល់ លោក Cristiano Ronaldo។
៣. កម្រិតនៃការអប់រំរបស់ Lee Min Ho
កាលរៀនថ្នាក់អនុវិទ្យាល័យ Lee Min Ho រៀននៅថ្នាក់ដែលមានសុទ្ធតែសិស្សប្រុស ដូចនេះលោកធ្លាប់និយាយថា មានភាពចុះសម្រុងគ្នាជាមួយនឹងប្រុសៗច្រើនជាង។
បន្ទាប់ពីដឹងថាខ្លួនមានទំនោរទៅខាងសម្ដែង តារាប្រុសរូបនេះក៏សម្រេចចិត្តចូលក្រុមហ៊ុន Starhaus Entertainment និងបានបញ្ចប់ថ្នាក់មហាវិទ្យាល័យ ជំនាញភាពយន្ត និងសិល្បៈ នៅ KonkukUniversity ដែលមាន Lee Jung Suk និង YooAh In ជាសិស្សរៀននៅសាកលវិទ្យាល័យនេះដែរ។
៤. Lee Min Ho ធ្លាប់បានទទួលសំណើរពី Hollywood
ក្នុងនាមជាតារាសម្ដែងប្រុស ដែលមានទេពកោសល្យនិងមានប្រជាប្រិយភាព Lee Min Ho ធ្លាប់ត្រូវខាង Hollywood ស្នើរសុំឲ្យរួមការងារជាមួយ ប៉ុន្តែនៅពេលនោះ លោកគិតថាខ្លួនឯងនៅមិនទាន់បានត្រៀមខ្លួនរួចរាល់ ទើបសម្រេចចិត្តបោះបង់សំណើរនេះ។
៥. ប្រជាប្រិយភាពរបស់ Lee Min Ho
ប្រជាប្រិយភាពរបស់ Lee Min Ho មិនមែនល្បីតែក្នុងប្រទេសកូរ៉េខាងត្បូងប៉ុណ្ណោះទេ សូម្បីកេរ្តិ៍ឈ្មោះរបស់លោកក៏បានផ្សាយភាយខ្លាំង ទាំងនៅប្រទេស ចិន ថៃ វៀតណាម ហ្វីលីពីននិងបណ្ដាប្រទេសទូទាំងពិភពលោកជាច្រើនទៀត។
ជាក់ស្ដែង ពេល Idol រូបនេះធ្វើកម្មវិធីជួបជុំជាមួយអ្នកគាំទ្រFan Meeting នៅក្នុងប្រទេសហ្វីលីពីន គឺមានចំនួនហ្វេនៗច្រើនខ្លាំង ច្រើនជាងអ្នកដែលទៅមើល Concert របស់ Mariah Carey និងBeyoncé ក្នុងប្រទេសនេះទៅទៀត៕
ប្រភព ៖ Koreaboo