សង្ហាហើយចិត្តល្អ Lee Jong Suk បរិច្ចាគប្រាក់ថ្ងៃឆ្លងឆ្នាំថ្មីដល់កុមារខ្វះខាត!

December 31, 2021

កូរ៉េខាងត្បូង ៖ យោងតាមមូលនិធិ Green Umbrella Children's Foundation បញ្ជាក់ឲ្យដឹងថានៅថ្ងៃទី៣០ ខែធ្នូ ម្សិលមិញនេះតារាសម្តែងប្រុស Lee Jong Suk ដែលបានចូលរួមក្នុងអំពើល្អជាប់លាប់នោះ ថ្មីៗនេះបានបរិច្ចាគ ១០០ លានវ៉ុន ប្រហែល ៨៤,១១៩ ដុល្លារ ដោយអំណោយរបស់លោកនឹងត្រូវបានប្រើដើម្បីជួយដល់យុវជនដែលត្រៀមចាកចេញពីកន្លែងថែទាំកុមារនៅអាយុ ១៨ឆ្នាំ ហើយចេញទៅរស់នៅដោយខ្លួន។

ទាក់ទងនឹងការបរិច្ចាគនេះ Lee Jong Suk បានបង្ហាញចំណាប់អារម្មណ៍ថា ៖

ខ្ញុំដឹងថា យុវជនដែលរៀបចំខ្លួនដើម្បីភាពឯករាជ្យ ដែលត្រូវឈរដោយខ្លួនឯង ប្រឈមមុខនឹងការលំបាកយ៉ាងខ្លាំង ជាពិសេសក្នុងស្ថានភាពជំងឺកូវីដ-១៩ ដែលអូសបន្លាយពេលនេះ។ ខ្ញុំមិនគិតថាភាពឯករាជ្យអាចសម្រេចបាន។ ខ្ញុំសង្ឃឹមថា កុមារដែលរស់នៅក្នុងស្ថាបនថែទាំកុមារនឹងធំឡើងមានសុខភាពល្អ និងរីករាយនឹងឱកាសជាច្រើន ដោយគ្មានការរឹតត្បិតក្នុងការអប់រំ និងអាជីពរបស់ពួកគេ។
— Lee Jong Suk

លើសពីនេះlលោក Lee Je Hoon ដែលជាប្រធានមូលនិធិ Green Umbrella Children's Foundation បានមានប្រសាសន៍ថា ៖

ខ្ញុំសូមថ្លែងអំណរគុណយ៉ាងស្មោះស្ម័គ្រចំពោះតារាសម្តែង Lee Jong Suk សម្រាប់ការបរិច្ចាគដល់កុមារដែលខ្វះខាតនៅចុងឆ្នាំ។ យុវជនដែលបានបោះជំហានដំបូងរបស់ពួកគេចូលក្នុងសង្គម កំពុងជួបការលំបាកកាន់តែខ្លាំងក្នុងភាពឯករាជ្យ ដោយសារជំងឺរាតត្បាតដ៏រ៉ាំរ៉ៃ។ មូលនិធិ Green Umbrella Children's Foundation នឹងខិតខំប្រឹងប្រែងឲ្យអស់ពីសមត្ថភាពដើម្បីជួយពួកគេឲ្យក្លាយជាមនុស្សដែលពឹងផ្អែកលើខ្លួនឯងប្រកបដោយសុខភាពល្អ។
— Lee Je Hoon

បច្ចុប្បន្ន Lee Jong Suk កំពុងធ្វើការលើរឿងភាគថ្មី "Big Mouth" រួមសម្តែងជាមួយ YoonA សមាជិកក្រុម Girls' Generation ដោយរឿងនេះគ្រោងនឹងចាក់ផ្សាយជាផ្លូវការនៅឆ្នាំ ២០២២៕

ប្រភព ៖ Soompi

អានបន្ថែម