ហ្វេនអបអរសាទរខួប ៨ឆ្នាំ ដែល V ត្រូវបានណែនាំជាក្រុម​ BTS!

កូរ៉េខាងត្បូង​ ៖នៅថ្ងៃទី ២ ខែ មិថុនា កាលពីម្សិលមិញនេះ អ្នកគាំទ្ររបស់ក្រុម BTS មកពីទូទាំងពិភពលោក បានឆ្លៀតពេលប្រារព្ធខួប៨ ឆ្នាំ នៃថ្ងៃដែល V ត្រូវបានណែនាំដល់ពិភពលោក ជាផ្នែកមួយរបស់សមាជិកក្រុម BTS។

នៅថ្ងៃទី ២ ខែ មិថុនា ឆ្នាំ ២០១៣ V បានបង្ហាញខ្លួនដល់ពិភពលោកដំបូងតាមរយៈការបង្ហោះរូបថតរបស់លោក នៅលើគណនី Twitter ផ្លូវការរបស់ក្រុម BTS នៅលើការបង្ហោះនោះ ពាក់កណ្តាលនៃមុខរបស់លោក ត្រូវគ្របដណ្តប់ដោយមួក ហើយលោកបានសរសេរចំណងជើងសាមញ្ញៗដែលនិយាយថា V។ 

បន្ទាប់ពីចូលធ្វើជាអ្នកហ្វឹកហាត់នៅ Big Hit Entertainment ក្នុងឆ្នាំ ២០១១ V នៅតែជាសមាជិកលាក់ខ្លួន សម្រាប់រយៈពេលនៃសិក្ខាកាម ហើយនៅទីបំផុតលោកត្រូវបានគេបង្ហាញថា ជាសមាជិកក្រុម BTS នៅថ្ងៃទី ២ ខែ មិថុនា ឆ្នាំ ២០១៣ ពោលគឺ ១១ ថ្ងៃ មុនពេលដែល BTS បង្ហាញខ្លួនជាផ្លូវការ។ 

ក្នុងនោះអ្នកគាំទ្រ នៅជុំវិញពិភពលោកបាន ធ្វើការ Trending នៅ Hashtags មួយចំនួនដើម្បីអបអរសាទរផងដែរ រួមមាន #8YearsWithTaehyung និង 'OUR HAPPINESS TAEHYUNG' ជាដើម៕

ប្រភព : Allkpop