ចំណូលប្រចាំឆ្នាំរបស់ Chanyeol ក្រុម EXO ដែលហ្វេនៗនឹកស្មានមិនដល់!
កូរ៉េខាងត្បូង ៖ Park Chanyeol ទទួលបានភាពល្បីល្បាញបន្ទាប់ពីបានបង្ហាញខ្លួនជាលើកដំបូងក្នុងនាមជាMain Rapper, Sub-Vocalist និង Visual ប្រចាំក្រុមEXO ខណៈបង្ហាញខ្លួន កាលពីខែមេសា ឆ្នាំ ២០១២ ក្រោមទ្រនំក្រុមហ៊ុនSM Entertainment។
បន្ទាប់ពី Chanyeol បានបង្ហាញខ្លួនជាលើកដំបូងជាមួយក្រុម លោកបានក្លាយជាតារាដែលមានឥទ្ធិពលបំផុត នៅក្នុងឧស្សាហកម្មនេះនិងបានក្លាយជាសមាជិកសកម្មរបស់ EXO ខណៈពេលដែលបានចូលទៅក្នុងគម្រោងទោលផ្ទាល់ខ្លួនជាច្រើនផងដែរ។
ជាមួយនឹងការចូលប្រឡូកក្នុងវិស័យនេះអស់រយៈពេលជាច្រើនឆ្នាំតើបច្ចុប្បន្ននេះ Chanyeol រកចំណូលបានប៉ុន្មាន?
យោងតាមប្រព័ន្ធផ្សព្វផ្សាយ EXO មានទ្រព្យសម្បត្តិសរុបប្រមាណជា ១ពាន់លានដុល្លារ គិតក្នុងក្រុមទាំងមូល ខណៈទ្រព្យសម្បត្តិសុទ្ធរបស់Chanyeol ត្រូវបានប៉ាន់ប្រមាណថាមានចំនួនជាង ១៧ លានដុល្លារ នៅឆ្នាំ២០២២ នេះ។
តួលេខទ្រព្យសម្បត្តិសុទ្ធរបស់តារាវ័យ២៩ ឆ្នាំរូបនេះមិនមានអ្វីគួរឲ្យភ្ញាក់ផ្អើលនោះទេ ដោយគិតពីជោគជ័យដ៏ធំធេងរបស់លោកក្នុងនាមជាសិល្បករ៕
ប្រភព ៖ Kpopstarz