មនុស្សទៅបាត់មែន តែមហាជននៅតែអាឡោះអាល័យ​ ពេលឃើញរូបថត​ មួយនេះ​របស់ ​Sulli

កម្សាន្ត៖ ដោយសារតែ គម្រប់ខួបនៃការចាកចេញរបស់ តារាចម្រៀងស្រីល្បីឈ្មោះ Sulli កាន់តែខិតជិតមកដល់ហើយនោះ រូបថតមួយចំនួនរបស់នាងក៏ ត្រូវបានអ្នកនិយមលេងអ៊ីនធើណេត ស្រាវជ្រាវត្រលប់មកវិញផងដែរ។

ស្របគ្នានេះ មួយក្នុងចំណោមនោះគឺ ​រូបថត​របស់ Sulli ពី​សាលា​មធ្យម​សិក្សារបស់នាង ដែលនៅលើវេទិកាសហគមន៍អនឡាញថ្មីៗនេះ មានអ្នកនិយមលេងអ៊ីនធើណេតម្នាក់ បានបង្ហោះរូបថតដ៏ល្បីល្បាញមួយ របស់សមាជិក f(x) គឺជារូបថតយកចេញពីសៀវភៅ បញ្ចប់ការសិក្សាថ្នាក់មធ្យមសិក្សារបស់ Sulli។

ក្នុងនោះ រូបថតនេះគឺបានពាំនាំអារម្មណ៍មួយ ទៅអ្នកគាំទ្រ ក៏ដូចជាមហាជន នៅពេលដែលវាបានបង្ហាញខ្លួនជាលើកដំបូង ចាប់តាំងពីនាងបានចែកឋានទៅ ដែលរូបនេះមើលទៅ Sulli ពិតជាស្រស់ស្អាត ជាមួយនឹងស្នាមញញឹម ដ៏រីករាយគ្មានទុក្ខសោក ធ្វើឲ្យគ្រប់គ្នាដែលឃើញរូបនេះ កាន់តែនឹករលឹក Sulli កាន់តែខ្លាំង៕

សូមទស្សនារូបភាពខាងក្រោម៖

ប្រភព : Allkpop