ឃើញអ្វីមុនគេក្នុងរូបនេះ? បង្ហាញថា តើអ្នកគួរផ្លាស់ប្តូរអ្វី? ចាប់ពីថ្ងៃនេះតទៅ
កម្សាន្ត៖ ឆ្នាំថ្មី ២០២៣ បានចូលមកដល់មានរយៈពេលជិតមួយខែហើយ។ យើងជឿថានៅតែមានមនុស្សជាច្រើនដែលមិនទាន់ចាប់ផ្តើមអ្វីថ្មី នៅក្នុងជីវិតរបស់ពួកគេ ឬប្រហែលជាមិនដឹងថាពួកគេគួរចាប់ផ្តើមផ្លាស់ប្តូរអ្វីទាល់តែសោះ។
ដូច្នេះ រូបភាពដែលយើងនាំមកជូនប្រិយមិត្តនៅក្នុងថ្ងៃនេះ វាអាចជួយអ្នកឲ្យចេះកំណត់ថា តើអ្វីដែលអ្នកគួរតែចាប់ផ្តើមផ្លាស់ប្តូរចាប់ពីថ្ងៃនេះទៅ? ដើម្បីឲ្យជីវិតកាន់តែភ្លឺស្វាង និងត្រៀមខ្លួនប្រយុទ្ធគ្រប់ឧបសគ្គដែលនឹងកើតឡើងក្នុងឆ្នាំ ២០២៣ នេះ។
សូមព្យាយាមផ្តោតអារម្មណ៍ ហើយមើលរូបភាពខាងក្រោម តើរូបភាពដំបូងដែលអ្នកបានឃើញគឺជាអ្វី?
១.បើអ្នកមើលឃើញដើមឈើ
ប្រសិនបើអ្នកឃើញដើមឈើដំបូងគេ វាមានន័យថា ឥឡូវនេះ អ្នកមានអារម្មណ៍សប្បាយរីករាយ។ វាគឺជាអារម្មណ៍នៃស្ថិរភាព និងសុវត្ថិភាពក្នុងជីវិតក្នុងអំឡុងពេលនេះ។ ប៉ុន្តែហេតុអ្វីបានជាអ្នកនៅតែចង់ផ្លាស់ប្តូរ? វាដោយសារតែ ទោះបីជាអ្នកមានអារម្មណ៍សប្បាយចិត្តយ៉ាងជ្រាលជ្រៅយ៉ាងណា តែក្នុងចិត្តអ្នកក៏មានអារម្មណ៍មិនស្រួលដែរ។ ប្រហែលជាដោយសារតែវាដូចជា កន្លែងសុវត្ថិភាពច្រើន ដែលអ្នកខ្លាចថាអ្នកនឹងភ្ជាប់ទៅនឹងអ្វីមួយ ហើយមិនព្រមអភិវឌ្ឍខ្លួនឯង ដូច្នេះ អ្វីដែលអ្នកគួរផ្លាស់ប្តូរពេលនេះគឺឈប់នៅស្ងៀម។ ការព្យាយាមស្វែងរកអ្វីថ្មីដើម្បីធ្វើ ឬធ្វើដំណើរកម្សាន្ត អាចជួយអ្នកឲ្យមានអារម្មណ៍ប្រសើរឡើង។
២.បើអ្នកមើលឃើញរាងមនុស្សស្រី
ប្រសិនបើរូបភាពស្ត្រីជាអ្វីដែលអ្នកឃើញមុនគេ នោះ រឿងដែលអ្នកត្រូវផ្លាស់ប្តូរនៅពេលនេះ គឺឈប់ខ្វល់ពីអ្នកដទៃច្រើនជាងខ្លួនអ្នក។ ក្នុងអំឡុងពេលនេះ នៅក្នុងចិត្តអ្នកត្រូវតែតស៊ូ។ វាមានន័យថា ការយកចិត្តទុកដាក់លើតម្រូវការផ្ទាល់ខ្លួនរបស់អ្នក និងតម្រូវការរបស់អ្នកដទៃ។ អ្នកខ្វល់ខ្វាយពីអ្នកដទៃខ្លាំងណាស់ ដែលពេលខ្លះ អ្នកភ្លេចខ្លួនឯង។ ឬប្រហែលជាអ្នកកំពុងធ្វើរឿងច្រើនពេកសម្រាប់អ្នកដទៃ រហូតដល់អ្នកមានអារម្មណ៍អស់កម្លាំង ប៉ុន្តែគ្មានសូម្បីតែពាក្យអរគុណជាការតបស្នងមកវិញ។ ដូច្នេះអ្នកត្រូវតែបញ្ឈប់អាកប្បកិរិយានោះ ហើយចាប់ផ្តើមមានចិត្តល្អចំពោះខ្លួនឯង ថែរក្សាខ្លួនអ្នកឲ្យបានច្រើន ហើយឈប់ខ្វល់ពីអ្វីដែលអ្នកដទៃគិតទៀត។
៣.បើអ្នកមើលឃើញឫសឈើ
ប្រសិនបើអ្នកមើលឃើញឫសឈើមុនគេ នោះអ្វីដែលអ្នកត្រូវផ្លាស់ប្តូរពេលនេះគឺ ឈប់ប្រកាន់ភ្ជាប់នឹងអ្វីមួយ។ អ្នកនឹងជាប់គាំងម្តងហើយម្តងទៀត ជាមួយនឹងអ្វីមួយដែលធ្វើឲ្យប៉ះពាល់ដល់អារម្មណ៍របស់អ្នក។ ប៉ុន្តែអ្នកនឹងមិនកាត់វាចេញទេ ហើយបានដើរចេញពីវា។ វាអាចជាទំនាក់ទំនងមិនល្អ បរិយាកាសការិយាល័យពុលបំផុត ឬសូម្បីតែអាកប្បកិរិយាមួយចំនួនដែលអ្នកដឹងថាមិនល្អ ប៉ុន្តែអ្នកនឹងនៅតែធ្វើ។ ដូច្នេះ ដល់ពេលត្រូវឈប់ហើយ! ហើយដើរចេញពីអ្វីដែលរារាំងអ្នកទៅរកភាពជោគជ័យ។ យើងជឿថា អ្នកអាចធ្វើបាន!
ប្រភព៖ sanook