អារម្មណ៍ដែលតារានិករនីមួយៗ ពិបាកនឹងបញ្ចេញបំផុត
យល់ដឹង៖ ការបង្ហាញអារម្មណ៍មនោសញ្ចេតនានីមួយៗ មិនពិបាកឡើយ តែក៏មិនងាយស្រួលដែរ ចំពោះមនុស្សមួយចំនួន ពីព្រោះចរិតមនុស្សមិនដូចគ្នាទេ ហើយភាពភ័យខ្លាចតែងកើតឡើងគ្រប់វិនាទីចំពោះពួកគេ។
ខាងក្រោមនេះនឹងបង្ហាញពី អារម្មណ៍ដែលតារានិករនីមួយៗ ពិបាកក្នុងការបញ្ចេញអារម្មណ៍បំផុត ៖
១. Aries ♈️
អ្នកពិបាកបង្ហាញពីភាពសោកសៅ ពីព្រោះអ្នកមិនដែលចង់ឲ្យនរណាម្នាក់ ច្រឡំរវាងភាពងាយរងគ្រោះរបស់អ្នកចំពោះភាពទន់ខ្សោយនោះទេ ដូច្នេះអ្នកតែងតែយំនៅពីក្រោយទ្វារ ដែលបិទជិត។
២. Taurus ♉️
អ្នកពិបាកបង្ហាញសេចក្តីប្រាថ្នា ពីព្រោះអ្នកមិនចង់ធ្វើឲ្យអ្នកដទៃ មានអារម្មណ៍មិនស្រួល ឬសម្ពាធ ទោះបីជាពួកគេបានបង្ហាញចំណាប់អារម្មណ៍ដូចគ្នា ចំពោះអ្នក ហើយអ្នកមិនមានអ្វីត្រូវព្រួយបារម្ភក៏ដោយ។
៣. Gemini ♊️
អ្នកពិបាកការបង្ហាញពីភាពហត់នឿយ ពីព្រោះអ្នកចំណាយពេលច្រើន ក្នុងការរត់ពីកន្លែងមួយទៅកន្លែងមួយហើយមិនចង់បន្ថយល្បឿន សូម្បីតែនៅពេលដែល វាធ្វើឲ្យប៉ះពាល់ដល់ចិត្ត និងរាងកាយរបស់អ្នកក៏ដោយ។
៤. Cancer ♋️
អ្នកពិបាកបង្ហាញពីមោទនភាព ដោយសារតែអ្នកមិនចង់ ឲ្យគេមើលឃើញថាអ្នកកំពុងអួត ទោះបីជាអ្នកមានសិទ្ធិគ្រប់យ៉ាង ដើម្បីរំភើបចំពោះអ្វីដែលអ្នកបានសម្រេចក៏ដោយ។
៥. Leo ♌️
អ្នកពិបាកបង្ហាញពីការច្រណែន ព្រោះអ្នកមិនចង់ជួបប្រទះនឹងការប្រកាន់ខ្ជាប់ ឬអារម្មណ៍ហួសហេតុពេក និងបញ្ចប់ដោយការបិទខ្ជប់ អារម្មណ៍របស់អ្នកនៅខាងក្នុង។
៦. Virgo ♍️
អ្នកពិបាកបង្ហាញពីការភ័យខ្លាច ព្រោះអ្នកមិនចង់ឲ្យអ្នកណា ដឹងពីចំណុចខ្សោយរបស់អ្នក ហើយប្រើវាប្រឆាំងនឹងអ្នកបើគេឈប់ធ្វើជាមិត្តនឹងអ្នកក៏ដោយ។
៧. Libra ♎️
អ្នកពិបាកបង្ហាញពីការមិនពេញចិត្ត ដោយសារតែអ្នកមិនដែលចង់បំផ្លាញអារម្មណ៍ ឬត្អូញត្អែរនៅពេលដែលអ្នកដឹងថា មានមនុស្សជាច្រើនផ្សេងទៀតនៅទីនោះ ដែលឆ្លងកាត់ផ្លូវអាក្រក់ជាងអ្នក។
៨. Scorpio ♏️
អ្នកពិបាកបញ្ចេញអារម្មណ៍ពីភាពរំភើប ព្រោះអ្នកតែងតែភ័យខ្លាចថា អ្នកនឹងទទួលបានក្តីសង្ឃឹមខ្ពស់ពេក ហើយបន្ទាប់មកនឹងបញ្ចប់ ដោយការខកចិត្តនៅទីបញ្ចប់។
៩. Sagittarius ♐️
អ្នកពិបាកបង្ហាញពីភាពច្របូកច្របល់ ពីព្រោះអ្នកចង់ឲ្យមនុស្សគ្រប់គ្នា គិតថាអ្នកជាមនុស្សឆ្លាតវៃ ដឹងនូវអ្វីដែលល្អបំផុត។
១០. Capricorn ♑️
អ្នកពិបាកក្នុងការបង្ហាញពីសុភមង្គល ព្រោះអ្នកបារម្ភថារឿងល្អពេក មិនអាចក្លាយជាការពិត ហើយនឹងត្រូវរលត់ទៅវិញនៅពេលណាមួយ។
១១. Aquarius ♒️
អ្នកពិបាកបង្ហាញពីសេចក្តីស្រលាញ់ ពីព្រោះអ្នកមិនដែលស្គាល់ពាក្យត្រឹមត្រូវ ក្នុងការនិយាយដើម្បីបង្ហាញ នូវអ្វីដែលអ្នកកំពុងមានអារម្មណ៍នៅខាងក្នុងទេ ដូច្នេះពេលខ្លះអ្នក មិននិយាយអ្វីទាំងអស់។
១២. Pisces ♓️
អ្នកពិបាកនឹងការបញ្ចេញកំហឹង ដោយសារអ្នកមិនចង់បង្ករឿង ឬរំខានដល់សន្តិភាព ដូច្នេះអ្នកធ្វើពុតជាថាអ្វីៗ គឺល្អឥតខ្ចោះទាំងអស់។
ប្រភព: thoughtcatalog