RM បង្ហើបប្រាប់ពី ២០១៥ ដល់ ២០១៧ ជាឆ្នាំដែលពិបាកបំផុត សម្រាប់ BTS និង ARMY!

June 14, 2021

កូរ៉េខាងត្បូង ៖សម្រាប់កម្មវិធី FESTA របស់ក្រុម BTS ក្នុងឆ្នាំ ២០២១ នេះ ពួកគេបានចេញវីដេអូ ARMY Corner Store គឺនៅពេលដែលពួកគេ ក្រឡេកទៅមើលអនុស្សាវរីយ៍ទាំងអស់កាលពី ៨ ឆ្នាំមុន ចំពោះប្រធានបទ នៃសៀវភៅដំបូងគេដែលពួកគេបានមើលគឺ Our Story។

សម្រាប់ពាក្យគន្លឹះគឺ “២! ៣!” សមាជិកទាំងអស់បានរំលឹក អំពីរបៀបដែលឃ្លានេះ និងបទចម្រៀងនេះ កាន់តែពិសេសសម្រាប់ពួកគេ និងអ្នកគាំទ្រ របស់ខ្លួន។

ក្នុងពេលនោះ Suga បានបង្ហើបថា រាល់ការលំបាកដែលពួកគេបានឆ្លងកាត់ពួកគេមិនមែនជួបប្រទះតែម្នាក់ឯងនោះទេ ប៉ុន្តែផ្ទុយទៅវិញ គឺពួកគេឆ្លងកាត់វា រួមគ្នាជាមួយនឹងARMY។

យើងបានឆ្លងកាត់ការលំបាក ប៉ុន្តែ ARMY ក៏ឈឺចាប់ខ្លាំងដែរ យើងត្រូវបានគេសន្មត់ថា ជាខែលការពារមួយ ប៉ុន្តែ ARMY បានស៊ូទ្រាំ ធ្វើជាខែលជាមួយនឹងពួកយើង តាមរយៈបទចម្រៀងនេះ ខ្ញុំមានអារម្មណ៍ថា វាបានក្លាយជាលេខកូដសម្ងាត់សម្រាប់ ARMY និង ពួកយើង។
— Suga

ស្របគ្នានោះ RM ក៏បានបង្ហើបប្រាប់នៃឆ្នាំដ៏លំបាកបំផុត មួយចំនួនសម្រាប់ក្រុម និងរបៀបដែល ពេលវេលាទាំងនោះបានធ្វើឱ្យពួកគេមានសព្វថ្ងៃ។

ខ្ញុំមានអារម្មណ៍ថា យើងអាចនិយាយអំពីរឿងនេះឥឡូវនេះ ហើយនេះជាអ្វីដែលខ្ញុំគិត សម្រាប់រយៈពេល ៣ ឆ្នាំ គឺឆ្នាំ ២០១៥ ២០១៦ និង ២០១៧ វាពិតជាលំបាកណាស់សម្រាប់យើង និងអ្នកគាំទ្ររបស់យើង ហើយមានមនុស្សជាច្រើនដែលស្អប់យើង។ ARMY បានព្យាយាមយ៉ាងខ្លាំង ដើម្បីការពារយើង ហើយយើងក៏បានព្យាយាមខ្លាំងជាងអ្នកដទៃទៀតដែរ នៅពេលកំពុងបង្កើតខ្លឹមសារ និងធ្វើអ្វីផ្សេងទៀត ពេលដែលខ្ញុំក្រឡេកមើលទៅអតីតកាល ៣ ឆ្នាំនោះ វាពិតជាមានន័យជាច្រើនចំពោះខ្ញុំ។
— RM

បទចម្រៀងនេះបានលួងលោមទាំងសមាជិក BTS និងអ្នកគាំទ្រជាច្រើនដងរាប់មិនអស់ ហើយ ARMYsក៏បានទទួលស្គាល់ផងដែរ ថាបទចម្រៀងនេះ ពិតជាស្នាដៃដ៏ល្អមួយ៕

ជ្រាបកាន់តែច្បាស់ សូមទស្សនាវីដែអូខាងក្រោម៖

BTS

ប្រភព : Koreaboo

ទាក់ទងជាមួយ:

តារាកូរ៉េ

អានបន្ថែម