ម៉ូតសក់ខ្លីទាំងនេះ ល្បីខ្លាំងនៅកូរ៉េ សាកកាត់តាម ធានាស្អាតមើលទៅក្មេងជាងវ័យ
កម្សាន្ត៖ ពិតណាស់ មិនមែនឲ្យតែនារីៗដែលជ្រើសរើសការកាត់សក់ខ្លី គឺសុទ្ធសឹងតែមកពីនាងខូចចិត្ត ឬចង់កាត់ចិត្តពីអ្វីមួយនោះឡើយ ប៉ុន្តែមូលហេតុផ្សេងទៀត អាចមកពីនាងចង់ប្ដូរស្ទាយ៍តែងខ្លួនឲ្យមើលទៅប្លែកភ្នែកជាងមុនប៉ុណ្ណោះ ចួនកាលថាមិនត្រូវ នៅពេលដែលជ្រើសរើសកាត់សក់ខ្លី អាចផ្លាស់ប្ដូរទម្រង់មុខរបស់យើងឲ្យស្អាតជាងសក់វែងក៏ថាបាន។
យ៉ាងណាមិញ សម្រាប់អ្នកដែលកំពុងសម្រេចចិត្តចង់កាត់សក់ខ្លី អាចមកមើលម៉ូតសក់ខ្លីទាំងប៉ុន្មានម៉ូតខាងក្រោមនេះបាន ព្រោះជាម៉ូតដែលកំពុងពេញនិយមខ្លាំងនៅក្នុងប្រទេសកូរ៉េបច្ចុប្បន្ន៕
១.ម៉ូតខ្លីស្រទាប់កោង
កាត់សក់ខ្លីប្រវែងស្មាជាមួយនឹងស្រទាប់រាងកោងៗ។ ដែលម៉ូតនេះដែរ ស័ក្ដិសមសម្រាប់នារីៗដែលមានមុខរាងមូល និងរាងការ៉េ។ ចុងសក់គួរ អ៊ុតឲ្យក្ដោបរួញជុំវិញមុខដើម្បីធ្វើឲ្យមុខមើលទៅតូចជាងមុន និងអាចរំលេចសម្រស់បែបស្រទន់បានផងដែរ។
២.ម៉ូតខ្លីស្រទាប់រាងអក្សរ C
សក់ខ្លីរួញអង្កាញ់បែបរាងអក្សរ C នេះ ពេញនិយមជាច្រើនឆ្នាំមកហើយ។ ម៉ូតនេះ អាចជួយលើកសម្រស់សម្រាប់អ្នកដែលមានមុខរាងជ្រុង និងធ្វើឲ្យរូបរាងមនុស្សស្រីមើលទៅគួរឲ្យស្រលាញ់។
៣.ម៉ូតខ្លីត្រង់
សក់ត្រង់ខ្លីមើលទៅបែបធម្មជាតិៗ គឺមានប្រជាប្រិយភាពតាំងពីយូរមកហើយ។
៤.ម៉ូតខ្លីក្ដោបល្មម
ម៉ូតនេះស្រដៀងជាមួយម៉ូតទី១ ដែរ តែវាស័ក្តិសមសម្រាប់អ្នកដែលមានមុខស្រួច ដូចជាថ្ពាល់ប៉ោងៗ ឬចង្កាខ្លី។
៥.ម៉ូតខ្លីកន្ទុយសេះ
ធ្វើឲ្យមើលទៅទន់ភ្លន់ជាងមុន ដោយសារវាមានជាស្រទាប់ៗ និងរួញក្រាស់។ ម៉ូតសក់ខ្លីនេះ មិនសូវរើសមុខទេ លើកលែងតែ អ្នកដែលមានមុខរាងបេះដូងចង្កាតូចចង្អៀត។ ហើយសម្រាប់ម៉ូតសក់នេះ កុំភ្លេចលើកសៀតទៅលើចុងត្រចៀកទាំងសងខាងផង ដើម្បីឲ្យមុខតូចជាងមុន។
ប្រភព៖ kenh14.vn