មកស្ដាប់ TXT ប្រាប់អ្វីដែលអ្នកនឹងទទួលបាន ពេលជាប់ជា Trainee នៅ BIGHIT!

November 16, 2021

កូរ៉េខាងត្បូង៖ ថ្មីៗនេះក្រុម TXT បានចែករំលែកអំពីបទពិសោធន៍ ក៏ដូចរឿងរ៉ាវនានាក្នុងនាមជា Trainee ដែលជាប់នៅក្រោមការមើលថែរបស់ផលិតកម្ម BIGHIT MUSIC ។

តើមានអ្វីកើតឡើងបន្ទាប់ពីអ្នកបានឆ្លងផុតការប្រឡងហើយជាប់ក្លាយជាសិក្ខាកាម?

ស្របនឹងនេះដែរ Yeonjun សមាជិក TXT ត្រូវបានគេដាក់រហស្សនាមថា “LTB” ដែលមានន័យថាLegendary Trainee of BIGHIT ហើយបើតាម Weverse លោកត្រូវបានគេដាក់នៅចំណាត់ថ្នាក់លេខ១ ក្នុងការវាយតម្លៃប្រចាំខែក្នុងអំឡុងពេលហ្វឹកហាត់ជាសិក្ខាកាម ឬហៅជា Trainee។

ខ្ញុំបានលឺថាហេតុផលដែលខ្ញុំបានចំណាត់ថ្នាក់លេខ១ គឺដោយសារតែស្ទីលប្លែកៗរបស់ខ្ញុំ។ ដូច្នេះខ្ញុំជឿថាក្រុមហ៊ុនបានសង្កត់ធ្ងន់យ៉ាងខ្លាំងទៅលើភាពពិសេសរបស់មនុស្សម្នាក់ៗ ក្រៅពីជំនាញរាំ ឬច្រៀងរបស់ពួកគេ។
— Yeonjun

ចំណែកលោក Shin Seonjeong ជាអ្នកគ្រប់គ្រងHYBE T&D ទទួលបន្ទុកបណ្តុះបណ្តាលសិល្បករ បានបង្ហើបថាវាត្រូវចំណាយពេលច្រើនដើម្បីក្លាយជាអ្នកចម្រៀងឬអ្នករាំល្អម្នាក់ដែលអាចជោគជ័យក្នុងវិស័យ Kpop នេះ ដោយឡែកចំពោះមនុស្សជាធម្មតាសន្មត់ថាពូកែខាងច្រៀង និងរាំ គឺជាអ្វីដែលវាត្រូវការដើម្បីក្លាយជាអ្នកចម្រៀង តែខាង BIGHIT MUSIC គិតយ៉ាងខ្លាំងចំពោះអ្នកដែលមានគំនិតផ្ទាល់ខ្លួនរបស់ពួកគេអំពីតន្ត្រី និងអ្នកដែលប្រាថ្នាចង់ធ្វើការជាមួយតន្ត្រី។

នេះជាមូលហេតុដែលសិក្ខាកាមBIGHIT MUSIC គ្រប់គ្នាត្រូវចូលរៀនថ្នាក់តន្ត្រីដែលមានឈ្មោះថា ASAP បន្ទាប់ពីចុះកិច្ចសន្យា ព្រោះវាអនុញ្ញាតឲ្យ Trainee ស្វែងរកតន្ត្រីឲ្យកាន់តែស៊ីជម្រៅហើយនៅពេលដែលពួកគេរកឃើញសក្តានុពលរបស់ពួកគេ និងក្លាយជាសិល្បករតន្ត្រីពិតប្រាកដ លើសពីនេះ Kim Jiyeon ជានាយកដ្ឋាន BIGHITMUSIC Edu បានបន្ថែមថា វាពិបាកសម្រាប់សិល្បករក្នុងការច្នៃប្រឌិតប្រសិនបើពួកគេគ្រាន់តែធ្វើតាមកម្មវិធីសិក្សាដូចមុន។

ក្នុងនោះ Hueningkai បានបង្ហាញពីសេចក្តីស្រលាញ់ពិតប្រាកដចំពោះតន្ត្រីគឺជាមូលដ្ឋានគ្រឹះឲ្យអាជីពជាសិល្បករនេះបានជោគជ័យព្រមគ្នាជាមួយក្រុមហ៊ុនដូច្នេះប្រសិនបើអ្នកមានវា អ្នកកំពុងដើរលើផ្លូវត្រូវហើយ។

BIGHIT MUSIC អនុញ្ញាតឲ្យសិល្បករចូលចិត្ត និងរីករាយជាមួយតន្ត្រីយ៉ាងងាយស្រួល… ខ្ញុំដឹងថាវាអាចធ្វើឲ្យអ្នកមានអារម្មណ៍ភ័យក្នុងវិធីជាច្រើននៅពេលដែលអ្នកចូលរួមជាមួយក្រុមហ៊ុន ប៉ុន្តែខ្ញុំគិតថាអ្វីដែលសំខាន់គឺគ្រាន់តែរីករាយជាមួយតន្ត្រីប៉ុណ្ណោះ។ ខ្ញុំគិតបែបនោះ អ្នកអាចមានពេលវេលាដ៏ល្អនៅទីនេះ។
— Hueningkai

មិនឆ្ងាយពីប្រធានបទ Taehyun បាននិយាយថាផលិតករ BIGHIT MUSIC តែងតែបើកចំហរក្នុងការនិយាយអំពីតន្ត្រីផងដែរសូម្បីតែពេលលោកមិនសូវស្គាល់អ្នកណាក៏ដោយតែធ្វើឲ្យខ្លួនមានអារម្មណ៍ជឿជាក់ពេលឆ្លើយសំណួររបស់ក្រុមការងារ។

មានផលិតករជាច្រើននៅក្នុងក្រុមហ៊ុន ហើយខ្ញុំដឹងគុណចំពោះពួកគេណាស់។ ផលិតករដែលខ្ញុំស្គាល់ស្ទើរទាំងអស់ បានចំណាយពេលវេលារបស់ពួកគេដើម្បីឆ្លើយសំណួររបស់ខ្ញុំ… ចំណុចខ្លាំងមួយក្នុងចំណោមចំណុចខ្លាំងបំផុតរបស់ក្រុមហ៊ុន គឺការប្រាស្រ័យទាក់ទងជាប្រចាំជាមួយតន្ត្រីករផ្សេងៗ។
— Taehyun

បន្ថែមលើនេះHueningkai បានបញ្ជាក់ថានៅមុនពេល Soobin ត្រូវបានជ្រើសរើសជាអ្នកដឹកនាំផ្លូវការរបស់ TXTមនុស្សគ្រប់គ្នាបានផ្លាស់ប្តូរតួនាទីជា Leader មុនពេលសម្រេចចិត្តចុងក្រោយ។

យើងម្នាក់ៗបានប្តូរវេនគ្នាធ្វើជាអ្នកដឹកនាំម្តងក្នុងមួយសប្តាហ៍ ហើយក្រោយមកការបោះឆ្នោតពីសមាជិក និងក្រុមហ៊ុនត្រូវបានបញ្ចូលគ្នា ទីបំផុតបានជ្រើសរើស Soobin ជាអ្នកដឹកនាំក្រុមជាផ្លូវការ។ ខ្ញុំគិតថាដំណើរការនេះឆ្លាត ហើយឃើញថាក្រុមហ៊ុនពិតជាយល់ពីសារៈសំខាន់នៃអ្នកដឹកនាំ។
— Hueningkai

ខណៈពេលដែលមានភាពវិជ្ជមានជាច្រើនហើយទីបំផុតវាជាបទពិសោធន៍ដ៏មានប្រយោជន៍ក្នុងនោះ TXT ក៏បានសង្កត់ធ្ងន់ថាវាគឺជាការសម្រេចចិត្តដ៏ធំមួយក្នុងការចូលទៅ គ្រប់យ៉ាងវាពិតជាមិនងាយស្រួលនោះទេតួយ៉ាងដូចជា Taehyun ផ្ទាល់ត្រូវក្រោកពីព្រលឹមដើម្បីទៅសាលាមុនពេលការអនុវត្តនិងមេរៀនចាំបាច់សម្រាប់អ្នកហ្វឹកហាត់ ជួនកាលត្រូវពេល ១ម៉ោង គ្រាន់តែត្រូវសម្រេចចិត្តថាតើត្រូវរាំ ច្រៀង ធ្វើអ្វីផ្សេងទៀតជាដើម។

គួរបញ្ជាក់ផងដែរថាកាលពីមុន Soobin ធ្លាប់មានគំនិតគិតអំពីការឈប់ពីការងារសិល្បៈនេះ ខណៈពេលលោកនៅជាអ្នកហ្វឹកហាត់ទៀតៀង ប៉ុន្តែអរគុណចំពោះការគាំទ្ររបស់ក្រុមហ៊ុនធ្វើឲ្យលោកមិនបោះបង់ហើយប្រឹងប្រែងរហូតដល់មានថ្ងៃនេះ។

កាលខ្ញុំនៅជាសិក្ខាកាម ខ្ញុំមិនអាចជួយអ្វីបានឡើយ ប៉ុន្តែគិតថាខ្ញុំមិនល្អគ្រប់គ្រាន់ ហើយកំពុងជជែកវែកញែកថា តើខ្ញុំគួរឈប់ឬអត់? រាល់ពេលដែលគំនិតនេះកើតឡើង បុគ្គលិកក្រុមអ្នកបណ្ដុះបណ្ដាលសិល្បករថ្មី បានមកបន្តលើកទឹកចិត្ត លួងចិត្ត និងផ្តល់ទំនុកចិត្តដល់ខ្ញុំ។ នោះហើយជារបៀបដែលខ្ញុំឆ្លងកាត់ពេលវេលាដ៏លំបាកនោះ។
— Soobin

សមាជិកក្រុមនេះថែមទាំងបានបង្ហើបថា BIGHIT MUSIC ពិតជាយកចិត្តទុកដាក់ចំពោះសិល្បកររបស់ពួកគេ គោរពសិទ្ធសិល្បករ ខិតខំមិនត្រឹមតែដើម្បីរកប្រាក់ចំណេញប៉ុណ្ណោះទេប៉ុន្តែសម្រាប់ជីវិត និងក្តីសុបិនរបស់សិស្បកររបស់ខ្លួន ក្រុមហ៊ុនពិតជាអនុញ្ញាតឲ្យសិក្ខាកាមបង្កើតកាលវិភាគផ្ទាល់ខ្លួនរបស់ពួកគេហើយត្រូវបានអនុញ្ញាតសម្រាប់ថ្ងៃឈប់សម្រាក៕

ជ្រាបច្បាស់សូមទស្សនាវីដេអូខាងក្រោម ៖

TXT

ប្រភព ៖ Koreaboo

អានបន្ថែម