ហ្វេននៅកូរ៉េ និងចិនប្រកាសធ្វើគម្រោងអបអរថ្ងៃកំណើត V ជុំវិញអាគារ HYBE​ តែម្ដង!

កូរ៉េខាងត្បូង៖ អ្នកគាំទ្រកូរ៉េ 'V INSIDE' និងអ្នកគាំទ្រជនជាតិចិន 'China Baidu V Bar' បានប្រកាសគម្រោងធំៗរបស់ពួកគេ ដោយការដាក់ផ្សាយផ្ទាំងរូបភាពរបស់ V ជុំវិញអគារHYBE សម្រាប់ថ្ងៃខួបកំណើតរបស់លោកនាថ្ងៃទី៣០ ខែធ្នូ ខាងមុខនេះ។

ទីតាំងតែមួយគត់ធានាថាការផ្សាយពាណិជ្ជកម្មនិងគម្រោងនឹងត្រូវបានមើលឃើញដោយសមាជិក BTS, បុគ្គលិក HYBE, ប្រព័ន្ធផ្សព្វផ្សាយ,អ្នកគាំទ្រ និងអ្នកដំណើរឆ្លងកាត់ នោះគឺជាគម្រោងមួយចំនួនដែលត្រូវបានប្រកាសដូចខាងក្រោម៖

ការផ្សាយពាណិជ្ជកម្មអគារខាងក្រៅទល់មុខអគារHYBE ដែលវាគឺជាផ្ទាំងប៉ាណូដ៏ធំសម្បើមតែមួយគត់នៅជិតHYBE ដែលអាចមើលឃើញពីគ្រប់ផ្លូវ ឡានក្រុងនិងចំណតដែលកំពុងដំណើរការ។

ការដំឡើងរូបតំណាងសម្រាប់ខួបកំណើតរបស់V និងដាក់ផ្ទាំងរូបថតក្បែរៗអគារHYBE។

តាំងបង្ហាញរូបក្នុងសួនដែលមានបទចម្រៀងទោលដំបូងរបស់ Taehyung បទ 'Scenery' និងចម្រៀង OSTថ្មីបំផុតបទ 'Our Summer' ដោយនេះក៏ជាលើកទី១ ដែលសួនច្បារនៅជិត HYBE នេះផ្តល់ការអនុញ្ញាតឲ្យប្រើប្រាស់កន្លែងរបស់ពួកគេ។

ស្ថានីយ៍រថយន្តក្រុងនៅមុខអគារHYBE នឹងពោរពេញទៅដោយរូប និងវីដេអូ LED របស់ Taehyung។

Fan cafe event ដែលមានទីតាំងនៅជិតអគារ HYBE នៅក្នុងហាង MarineCoffee។

ព្រមទាំងគម្រោងជាច្រើនទៀត៕

ប្រភព ៖ Allkpop