ក្រោយទម្លាក់អាល់ប៊ុមភាសាជប៉ុនភ្លាម BLACKPINK ប្រមូលកំណត់ត្រាកំពូលលើតារាងទាំងនេះភ្លែត!

កូរ៉េខាងត្បូង ៖ ថ្មីៗនេះបន្ទាប់ពីក្រុមចម្រៀងស្រី BLACKPINK ទម្លាក់អាល់ប៊ុម THE ALBUM ដែលជា JapaneseVersion ភ្លាមឃើញថាសន្ទុះនៃការគាំទ្ររបស់ពួកគេកើនឡើងខ្លាំងគួរឲ្យកត់សម្គាល់ផងដែរ ជាមួយនឹងកំណត់ត្រាកំពូលៗជាច្រើន ជាពិសេសកំណត់ត្រាលើតារាងតន្រ្តីប្រចាំនៅប្រទេសជប៉ុនផ្ទាល់តែម្ដង។

ស្របនឹងនេះដែរ បើយោងតាមរបាយការណ៍របស់ក្រុមហ៊ុន YGEntertainment នៅថ្ងៃទី៤ ខែ សីហា ឆ្នាំ ២០២១ នេះ​បានឲ្យដឹងថាអាល់ប៊ុម «THE ALBUM -JP Ver» របស់ BLACKPINK បច្ចុប្បន្នប្រមូលបានកំណត់ត្រាថ្មីជាបន្តបន្ទាប់ ដោយជាប់ចំណាត់ថ្នាក់លេខ១ នៅលើតារាង Daily Album Chart របស់ Oricon និងជាប់លេខ១ លើតារាង Apple Music's Top Album Chartរបស់ជប៉ុន។

លើសពីនេះទៅទៀត បទ You Like That និង​បទ LovesickGirls​ ដែលជា Japanese Version ក៏បង្ហាញមុខនៅចំណាត់ថ្នាក់កំពូល លើតារាងតន្រ្តីប្រចាំនៅប្រទេសជប៉ុនមួយចំនួនទៀតដូចជា តារាង Major Music Charts រួមមាន LINE Music, AWA និងតារាង iTunes ជាដើម៕

ប្រភព ៖ Allkpop