យល់ដឹង៖ តើអ្នកជាមនុស្សដែលមានជំនឿ ឬចូលចិត្តកត់សម្គាល់អត្តចរិតរបស់មនុស្ស តាមរយៈថ្ងៃ ខែ ឆ្នាំកំណើតទេ? ហើយតើការសម្គាល់នាពេលកន្លងមក តើវាបានបង្ហាញអត្តចរិតរបស់មនុស្សម្នាក់ បានត្រឹមត្រូវឬអត់?
ដូច្នេះ ខាងក្រោមនេះ ជាខែទាំង ១២ ដែលអាចបង្ហាញអ្នកបានពីអត្តចរិតរបស់អ្នក ថាអ្នកជាមនុស្សបែបណា បើយោងទៅតាមខែនីមួយៗ ដែលអ្នកកើតចំ។ តោះ ទៅមើលការបកស្រាយខាងក្រោម៖
-ខែមករា
ប្រសិនបើអ្នកកើតក្នុងខែមករា អ្នកជាមនុស្សឧស្សាហ៍ព្យាយាម និងពូកែ។ អ្នកមានគោលបំណង ហើយតែងតែដឹងថាអ្នកត្រូវធ្វើអ្វី។ អ្នកអាចរឹងរូសបន្តិច ជាពិសេសនៅពេលអ្នកដទៃប្រាប់អ្នកពីអ្វីដែលត្រូវធ្វើ។ នេះជាមូលហេតុដែលអ្នកតែងតែកាន់តួនាទីជាអ្នកដឹកនាំភាគច្រើន នៅពេលធ្វើការជាក្រុម។ អ្នកពូកែក្នុងការប្ដូរភារកិច្ច ហើយមិនបដិសេដឡើយ។
-ខែកុម្ភៈ
ប្រសិនបើអ្នកកើតក្នុងខែកុម្ភៈ អ្នកគឺជាមនុស្សម្នាក់ក្នុងចំណោមមនុស្សដែលមានគំនិតច្នៃប្រឌិតបំផុតដែលមនុស្សផ្សេងទៀតមិនធ្លាប់ជួប។ មនុស្សតែងតែចាប់អារម្មណ៍នឹងគំនិតគោល និងប្រលោមលោករបស់អ្នក។ អ្នកជាមនុស្សចូលចិត្តសុបិន ចូលចិត្តធ្វើដំណើរ ចូលចិត្តសង្កេត និងស្វែងរកអ្វីថ្មីៗ។ ថ្វីដ្បិតតែអ្នកជាមនុស្សចូលចិត្តជជែកគ្នា ប៉ុន្តែអ្នកពិតជាខ្មាសអៀននៅពេលចាប់ផ្តើមសន្ទនាជាមួយនរណាម្នាក់។
-ខែមីនា
បើអ្នកកើតក្នុងខែមីនា មានន័យថា ការស្រមើស្រមៃរបស់អ្នកគ្មានដែនកំណត់ទេ។ អ្នកកាន់តែមានឆន្ទៈក្នុងការរស់នៅក្នុងពិភពរវើរវាយរបស់អ្នក ជាងការពិត។ អត្ថន័យនៃការធំឡើង ក្នុងនាមមនុស្សពេញវ័យ ធ្វើឲ្យអ្នកភ័យខ្លាច។ អ្នកជាមនុស្សចេះយកចិត្តទុកដាក់មើលថែអ្នកដទៃ ដោយតែងតែដាក់តម្រូវការមនុស្សជាទីស្រលាញ់លើសពីខ្លួនឯង។ អ្នកក៏ជាមនុស្សដែលគួរឲ្យសេពគប់ផងដែរ។ ប៉ុន្តែពេលខ្លះ អ្នកត្រូវការពេលវេលានៅម្នាក់ឯង ក្នុងកន្លែងស្ងាត់ដើម្បីបញ្ចូលថាមពលឲ្យជីវិត។
-ខែមេសា
ប្រសិនបើអ្នកកើតក្នុងខែមេសា ច្បាស់ណាស់ថា អ្នកជាមនុស្សស្វែងរកការរំភើបចិត្ត។ អ្នកតែងតែត្រៀមខ្លួនដើម្បីចូលរួមក្នុងសកម្មភាពណាមួយដែលធ្វើឲ្យអ្នករំភើប។ អ្នកត្រូវប្រើថាមពលដ៏បរិបូររបស់អ្នក តាមមធ្យោបាយណាមួយ។ អ្នកអាចក្លាយជាផ្កាយក្នុងបរិយាកាសណាមួយដែលអ្នកស្ថិតនៅក្នុង។ អ្នកមានទំនោរធ្វើសកម្មភាពមុននឹងគិត ដែលអាចធ្វើឲ្យអ្នកជួបបញ្ហាជាច្រើន ប៉ុន្តែបុគ្គលិកលក្ខណៈគួរឲ្យស្រលាញ់ និងមានមន្តស្នេហ៍របស់អ្នក ធ្វើឲ្យអ្នកដទៃពិបាកនឹងខឹងអ្នកយូរណាស់។
-ខែឧសភា
ប្រសិនបើអ្នកកើតក្នុងខែឧសភា អ្នកគឺជាមនុស្សពូកែប្រើខួរក្បាលខាងឆ្វេង។ អ្នកមានវិធីសាស្រ្តជាក់ស្តែង និងសមហេតុសមផលសម្រាប់ជីវិត។ អ្នកតែងតែគិតអំពីលទ្ធផល មុនពេលធ្វើការសម្រេចចិត្ត។ អ្នកមានទំនោរគិតច្រើន ប៉ុន្តែយ៉ាងហោចណាស់ អ្នកមិនដែលដើរខុសទេ។ ក្រៅពីនេះ អ្នកជាមនុស្សអាថ៌កំបាំង ប៉ុន្តែនៅពេលដែលអ្នករកឃើញមនុស្សត្រឹមត្រូវ អ្នកនឹងបើកចិត្តយ៉ាងងាយស្រួល។
-ខែមិថុនា
ប្រសិនបើអ្នកកើតក្នុងខែមិថុនា អ្នកគឺជាមនុស្សដែលអាចពឹងពាក់បាន។ អ្នកតែងតែព្យាយាមអស់ពីសមត្ថភាពដើម្បីការពារខ្លួនអ្នក ពីរឿងអវិជ្ជមាននៅក្នុងពិភពលោកនេះ។ អ្នកប្រព្រឹត្តចំពោះមនុស្ស តាមរបៀបដែលអ្នកចង់ឲ្យគេប្រព្រឹត្ត ព្រោះអ្នកមានការយល់ចិត្តចំពោះអ្នកជុំវិញខ្លួន។ គ្មាននរណាខ្វល់និងយល់ពីអ្នកដទៃជាងអ្នកឡើយ។ មនុស្សជិតស្និទ្ធនឹងអ្នកតែងតែដឹងថា គេអាចពឹងលើអ្នកសម្រាប់អ្វីៗគ្រប់យ៉ាង ហើយអ្នកក៏ដឹងថាពួកគេនឹងនៅក្បែរអ្នកជានិច្ច។
-ខែកក្កដា
ចំណង់ចំណូលចិត្តរបស់អ្នក ធ្វើឲ្យអ្នកក្លាយជាមនុស្សរីករាយ និងវិជ្ជមាន។ អ្នកជាមនុស្សកំប្លែង រួសរាយរាក់ទាក់ និងបើកចំហចិត្ត។ អ្នកអាចជាមនុស្សពីរប្រភេទ ដែលជា introvert ផង និង extrovert ផង។ អ្នកអាចមានភាពរស់រវើក រំភើប និងពោរពេញដោយថាមពលជុំវិញមនុស្សជុំវិញខ្លួន។ ទោះជាយ៉ាងណាក៏ដោយ អ្នកក៏ត្រូវការពេលវេលាតែម្នាក់ឯងផងដែរ ដើម្បីទទួលបានតុល្យភាពជីវិតរបស់អ្នកឡើងវិញ។
-ខែសីហា
អ្នកគឺជាមនុស្សប្លែកពីគេ និងខុសពីគេ។ បុគ្គលិកលក្ខណៈដ៏កក់ក្តៅរបស់អ្នក ធ្វើឲ្យមនុស្សដទៃចង់នៅក្បែរអ្នក។ អ្នកក៏ត្រូវបានគេនិយាយថា ជាមនុស្សម្នាក់ក្នុងចំណោមមនុស្សដែលសប្បាយចិត្តបំផុត ដែលអ្នកដទៃមិនធ្លាប់ជួប។ អ្នកអាចនាំមកនូវស្នាមញញឹមដល់នរណាម្នាក់បានយ៉ាងងាយស្រួល។ អ្នកមានភាពវិជ្ជមាន សុទិដ្ឋិនិយម និងអាចជំរុញនរណាម្នាក់ក្នុងស្ថានភាពជាប់គាំង។ មនុស្សជាច្រើន ជាធម្មតាស្រលាញ់ និងចង់នៅក្បែរអ្នកណាស់។
-ខែកញ្ញា
ប្រសិនបើអ្នកកើតក្នុងខែកញ្ញា អ្នកគឺជាមនុស្សម្នាក់ដែលកំណត់ការរំពឹងទុកខ្ពស់សម្រាប់ខ្លួនអ្នក។ អ្នកពិតជាទាមទារ និងចង់បានភាពល្អឥតខ្ចោះ។ មិនត្រឹមតែជាមួយខ្លួនអ្នកប៉ុណ្ណោះទេ លក្ខណៈទាំងនេះរបស់អ្នក ក៏បង្ហាញឲ្យឃើញនៅក្នុងទំនាក់ទំនងជុំវិញខ្លួនផងដែរ។ អ្នកតែងតែដឹងថាអ្វីៗអាចដំណើរការបានប្រសើរជាងមុន ដូច្នេះហើយអ្នកតែងតែតឹងរ៉ឹង និងដាក់កំហិតជាមួយខ្លួនឯង និងអ្នកដទៃ។ ថ្វីដ្បិតតែវាអាចធ្វើឲ្យអ្នកខកចិត្ត ប៉ុន្តែអ្នកគ្រាន់តែចង់ឲ្យអ្វីៗ និងមនុស្សកាន់តែប្រសើរឡើងប៉ុណ្ណោះ។
-ខែតុលា
អ្នកជាមនុស្សមានមហិច្ឆតាខ្លាំងណាស់ គ្មានអ្វីអាចរារាំងអ្នកពីការសម្រេចក្តីសុបិនរបស់អ្នកបានឡើយ។ ប្រាកដណាស់អ្នកគឺជាមនុស្សពូកែ អ្នកមិនមែនជាមនុស្សដែលចូលចិត្តការភ្ញាក់ផ្អើលទេ ដូច្នេះអ្នកតែងតែរៀបចំផែនការគ្រប់យ៉ាង។ អ្នកមិនខ្លាចអ្វីទាំងអស់ តែងតែខិតខំ និងឧស្សាហ៍ព្យាយាមដូចសត្វឃ្មុំធ្វើសំបុក នោះក៏ព្រោះតែអ្នកតែងតែចង់មានជីវិតពេញលេញ និងសុខស្រួល។
-ខែវិច្ឆិកា
អ្នកគឺជាមនុស្សអាថ៌កំបាំង។ គ្មានអ្នកណាដឹងច្រើនអំពីអ្នកទេ សូម្បីតែអ្នកជិតស្និទ្ធបំផុតក៏ដោយ។ អ្នកមានបុគ្គលិកលក្ខណៈមិនសូវស៊ីសង្វាក់ ដូច្នេះវាពិបាកសម្រាប់អ្នកក្នុងការទុកចិត្តអ្នកដទៃ។ អ្នកមានទំនោរចង់ដកខ្លួនចេញ ហើយតែងតែរក្សាចម្ងាយរបស់អ្នកពីមនុស្សជុំវិញខ្លួន។ ជាទូទៅអ្នកប្រៀបដូចជាខ្ទឹមបារាំង កាន់តែបកស្រទាប់ នៅតែមិនអស់។
-ខែធ្នូ
ប្រសិនបើអ្នកកើតក្នុងខែធ្នូ អ្នកគឺជាមនុស្សមានចិត្តវិញ្ញាណសេរី។ អ្នកមិនចូលចិត្តចង់ឲ្យគេចងចាំទេ អ្នកគ្រាន់តែចង់រស់នៅតាមផ្លូវរបស់អ្នក។ អ្នកតែងតែមានឥទ្ធិពលវិជ្ជមានលើអ្នកដទៃ អ្នកក៏តែងតែជំរុញមនុស្សឲ្យមានសេរីភាព ដោយចិត្តសប្បុរសរបស់អ្នក។ អ្នកអាចជាមនុស្សស្លូតបូត និងមិនចេះខ្វល់ខ្វាយ ប៉ុន្តែក្នុងពេលជាមួយគ្នានោះ អ្នកក៏ជាមនុស្សដែលគួរឲ្យចាប់អារម្មណ៍ និងឆ្លាតផងដែរ។
ប្រភព៖ kenh14