ហេតុអ្វីនំនេះបាត់មួយដុំ? ទៅមើលដើម្បីដឹង ពីអ្វីអ្នកចង់បាន នាពេលសព្វថ្ងៃនេះ
កម្សាន្ត៖ បើងាកមកមើល សំណួរបែបចិត្តវិទ្យា ពីប្រទេសជប៉ុនមួយនេះ វាអាចទាយអ្វីដែលចិត្តរបស់អ្នកពិតជាត្រូវការនៅពេលនេះ ដូចជាលុយ ទំនុកចិត្ត ឬបរិយាកាសល្អៗជាដើម។
ជាមួយគ្នានេះ មនុស្សមួយចំនួនក៏ប្រហែលជាដឹងរួចហើយអំពីចិត្តខ្លួនឯងថាចង់បានអ្វី ប៉ុន្តែប្រសិនបើនរណាម្នាក់នៅតែមិនប្រាកដនោះទេ សូមសាកល្បងនូវការទាយនិងរើសចម្លើយជាមួយរូបភាពនំខាងក្រោមនេះដើម្បីដឹងពីខ្លួនឯងឲ្យច្រើនជាងនេះ។ តើនំនេះបាត់មួយដុំទៅណា?
ព្យាយាមជ្រើសរើសចម្លើយពី ក–ឃ ដើម្បីមើល ថាតើមូលហេតុអ្វីដែលបាត់នំនេះមួយដុំ? បន្ទាប់មកសូមមើលការបកស្រាយ។
ក.មាននរណាម្នាក់បានញ៉ាំដោយសម្ងាត់
ខ.ត្រូវបានគេកាត់ជាឧទាហរណ៍ដើម្បីដាក់តាំង
គ.វាជាការរចនាម៉ូតរបស់នំ
ឃ.ផ្នែកដែលបាត់មកពីគេធ្វើមិនទាន់ហើយ
១.ប្រសិនបើអ្នកជ្រើសរើស ចម្លើយ (ក)
សូមជឿជាក់លើអ្នកដទៃបន្ថែមទៀត។ អ្វីដែលអ្នកចង់បានឥឡូវនេះ ជាអារម្មណ៍នៃការជឿទុកចិត្តលើអ្នកដទៃ ព្រោះពេលនេះ ទោះបីជាមិត្តរបស់អ្នក គេជាមនុស្សល្អក៏ដោយ ក៏អ្នកមិនជឿទុកចិត្តប៉ុន្មានដែរ។ ព្រោះអ្នកជឿថា គ្មាននរណាម្នាក់ស្រលាញ់យើង ដោយគ្មានលក្ខខណ្ឌអ្វីទាំងអស់ទេ។ អ្នកគួរនិយាយទៅកាន់ខ្លួនឯងម្តងទៀត កុំទុកចិត្តនរណាម្នាក់ដោយងាយ។ ដរាបណាអ្នករក្សាគំនិតនេះ មនុស្សជុំវិញយើងនឹងមានអាកប្បកិរិយាបែបនេះជាមួយយើងដែរ។ ក្នុងន័យផ្សេងទៀត ចូរផ្លាស់ប្តូរវិធីនៃការគិត មនុស្សនឹងផ្លាស់ប្តូរទៅតាមនោះដែរ។
២.ប្រសិនបើអ្នកជ្រើសរើស ចម្លើយ (ខ)
សូមបន្តតាមការគ្រោងទុក។ អ្វីដែលអ្នកចង់បានឥឡូវនេះ អ្នកចង់ធ្វើឲ្យគំនិតរបស់អ្នកក្លាយជាការពិត។ មានមិត្តខ្លះអាចជាអ្នករៀបចំផែនការ និងជួយអ្នកគិតយ៉ាងល្អ។ ទោះជាយ៉ាងណាក៏ដោយ ភាពប៉ិនប្រសប់របស់យើងគឺគ្មានប្រយោជន៍ទេ។ ព្រោះយើងចូលចិត្តគិតអវិជ្ជមានលើខ្លួនឯងពេលជួបបញ្ហា។ ហេតុអ្វីបានជាវាមិនក្លាយជាអ្វីដែលអ្នកគិត? ឈប់គិតបែបនេះ។ ទោះបីជាស្ថានការណ៍ជំរុញឲ្យយើងជាប់គាំងក៏ដោយ ក៏យើងគួរបន្តធ្វើផែនការ និងធ្វើសកម្មភាពឲ្យបានច្រើន។
៣.ប្រសិនបើអ្នកជ្រើសរើស ចម្លើយ (គ)
អ្នកត្រូវតែមានអ្នកប្រឹក្សាដែលមានជំនាញវិជ្ជាជីវៈល្អ។ អ្វីដែលអ្នកត្រូវការ គឺពាក្យសរសើរ។ ការសរសើរ និងដំបូន្មានល្អៗ ជាអ្វីដែលអ្នកចូលចិត្តស្ដាប់។ ឬប្រសិនបើមិនមានអ្នកណានិយាយពាក្យសរសើរចំពោះយើងទាល់តែសោះទេ នឹងធ្វើឲ្យអ្នកមានអារម្មណ៍ធ្លាក់ទឹកចិត្ត ហើយបន្ទោសខ្លួនឯងដដែលៗថាជាមនុស្សគ្មានប្រយោជន៍។ តាមពិតទៅ ការជឿជាក់លើខ្លួនឯង ឬបន្តទៅមុខ គឺជារឿងសំខាន់សម្រាប់យើង។
៤.ប្រសិនបើអ្នកជ្រើសរើស ចម្លើយ (ឃ)
បរិយាកាសល្អ និងពេលវេលាល្អៗគឺជាអ្វីដែលអ្នកត្រូវការ។ អ្វីដែលអ្នកចង់បានពេលនេះ ជាកន្លែងដែលមានបរិយាកាសអំណោយផល និងពេលវេលាល្អ ព្រោះវាអាចធ្វើឲ្យអ្នកផ្តោតលើអ្វីដែលអ្នកចង់ធ្វើ។ ឥឡូវនេះ អាចនឹងត្រូវប្រឈមមុខនឹងកិច្ចការដ៏ធុញទ្រាន់ជាច្រើន។ នោះធ្វើឲ្យអ្នកមានអារម្មណ៍ធុញទ្រាន់ ហើយមិនបានធ្វើអ្វីដែលអ្នកពិតជាចង់ធ្វើ។ វាមិនសំខាន់ទេ ថាតើវាគ្រាន់តែមួយខែឬមួយសប្តាហ៍។ ការមានពេលវេលានិងបរិយាកាសអំណោយផល នឹងធ្វើឲ្យជីវិតរបស់អ្នក វាបានផ្លាស់ប្តូរច្រើន។
ប្រភព៖ shinri.site