បង្ហាញខ្លួន ៧ឆ្នាំ ពេលនេះ Momoland ផ្ដាច់កុងត្រា ពីផលិតកម្ម MLD ហើយ!

January 27, 2023

កូរ៉េខាងត្បូង៖ នៅក្នុងថ្ងៃទី ២៧ ខែមករានេះ ផលិតកម្ម MLD Entertainment បានចេញសេចក្តីថ្លែងការណ៍ជាផ្លូវការមួយ ទាក់ទងនឹងការផុតកុងត្រា ផ្តាច់មុខរបស់ក្រុមចម្រៀងស្រីដ៏ល្បី Momoland ដែលធ្វើឲ្យហ្វេនៗមានការភ្ញាក់ផ្អើលជាខ្លាំង។

ក្នុងនោះ ទីភ្នាក់ងាររបស់ផលិតកម្មនេះ បានចេញមកបញ្ជាក់នៅថ្ងៃនេះថា៖

សួស្តី នេះជា MLD Entertainment។ជាដំបូង យើងសូមថ្លែងអំណរគុណយ៉ាងស្មោះស្ម័គ្រ ចំពោះអ្នកគាំទ្រដែលតែងតែស្រលាញ់ និងលើកទឹកចិត្តដល់ Momoland។ បន្ទាប់ពីការពិភាក្សាដ៏យូរជាមួយសមាជិករបស់ Momoland រួមមាន Hyebin , Jane , Nayun , JooE , Ahin និង Nancy បំណងប្រាថ្នារបស់ភាគីទាំងអស់នឹងត្រូវបានគោរព ដូច្នេះកិច្ចសន្យាផ្តាច់មុខរបស់សមាជិកនឹងបញ្ចប់ជាផ្លូវការដោយមិនមានបន្ត។ យើងសូមថ្លែងអំណរគុណយ៉ាងជ្រាលជ្រៅដល់សមាជិកនៃ Momoland ដែលបានធ្វើជាសិល្បកររបស់ក្រុមហ៊ុនយើងខ្ញុំអស់រយៈពេល ៧ ឆ្នាំកន្លងមក ហើយយើងសន្យាថានឹងលើកទឹកចិត្តដល់អនាគតសមាជិកដោយស្មោះ។ សូមផ្ញើក្តីស្រលាញ់ និងការគាំទ្រដែលមិនផ្លាស់ប្តូររបស់អ្នកទៅកាន់សមាជិកទាំងប្រាំមួយរូប ដោយរៀបចំសម្រាប់ការចាប់ផ្តើមថ្មីរបស់ពួកគេ។ សូមអរគុណ។
— MLD Entertainment

គួររំឮកដែរថា Momoland បានបង្ហាញខ្លួនក្នុងខែវិច្ឆិកា ឆ្នាំ ២០១៦ ជាមួយនឹងការចេញអាល់ប៊ុមទី ១ របស់ពួកគេ «Welcome To Momoland»។ វាហាក់បីដូចជាក្រុមនេះ នឹងត្រូវបញ្ឈប់សកម្មភាពរបស់ពួកគេ បន្ទាប់ពី ៧ ឆ្នាំ ដោយស្វែងរកឱកាសថ្មីក្នុងនាមជាអ្នកសិល្បៈទោលរៀងៗខ្លួន។

ប្រភព៖ allkpop

ទាក់ទងជាមួយ:

តារាកូរ៉េ រូបភាព

អានបន្ថែម