កម្សាន្ត ៖ វត្តមានរបស់ Jungkook ក្រុម BTS នៅ FIFA World Cup ២០២២ ធ្វើឲ្យ ARMYs នៅទូទាំងពិភពលោក ងាកមកចាប់អារម្មណ៍កីឡាបាល់ទាត់យ៉ាងពិសេស ហើយកាន់តែពិសេសទៀតនោះគឺ ពួកគេបានទាក់ភ្នែកនឹង កីឡាករលេខ ៩ រឺ Cho Gue Sung។
ក្នុងនោះ Cho Gue Sung ដែលដើរតួជាខ្សែប្រយុទ្ធ Jeonbuk Hyundai Motors និងក្រុមជម្រើសជាតិកូរ៉េខាងត្បូង ដែលកំពុងជួបប្រទះ នឹងការកើនឡើងនៃប្រជាប្រិយភាពភ្លាមៗ មិនថារូបរាងសង្ហា និងជំនាញកីឡារបស់លោក គឺបានទាក់ទាញចំណាប់អារម្មណ៍ របស់អ្នកគាំទ្រ K-Pop ទូទាំងពិភពលោក។
ហើយខាងក្រោមនេះ ជារឿង ៧ យ៉ាង ដែលអ្នកប្រហែលជាមិនដឹងអំពី កីឡាករលេខ ៩ ៖
១. Cho Gue Sung មកពីគ្រួសារកីឡា
Cho Gue Sung មិនបានបង្ហាញអ្វីច្រើន អំពីក្រុមគ្រួសាររបស់លោកនោះទេ ប៉ុន្តែយោងតាមរបាយការណ៍ព័ត៌មានផ្សេងៗ ទាំងម្តាយនិងឪពុករបស់លោកគឺ ជាអត្តពលិក ដែលម្តាយរបស់ Cho Gue Sung ត្រូវបានគេរាយការណ៍ថា ជាអ្នកលេងបាល់ទះអាជីព ចំណែកឪពុក គឺជាផ្នែកមួយនៃក្លឹបបាល់ទាត់។
២. ប្អូនស្រីរបស់ Cho Gue Sung គឺស្រស់ស្អាតមិនធម្មតា
បន្ទាប់ពី Cho Gue Sung ទទួលការចាប់អារម្មណ៍ វាមិនចំណាយពេលយូរទេ សម្រាប់អ្នកគាំទ្រដែលចង់ដឹង ក្នុងការតាមដានប្អូនស្រីរបស់លោក នៅលើ Instagram។
៣. Cho Gue Sung ជាប់ពាក់ព័ន្ធនឹងពាក្យចចាមអារ៉ាម
ទាក់ទងនឹងតារាម៉ូដែលប៉ុន្តែពាក្យចចាមអារ៉ាមទាំងនោះមិនពិតទេ ក្រោយពេលដែលភ្នាក់ងាររបស់តារាម៉ូដែល Ji Minju បានបញ្ជាក់ពីសេចក្តីថ្លែងការណ៍ដើម របស់ពួកគេយ៉ាងឆាប់រហ័ស និងបិទពាក្យចចាមអារ៉ាមនេះ។
៤. ឪពុករបស់ Cho Gue Sung បានផ្តល់ដំបូន្មានដ៏អស្ចារ្យ
ឪពុករបស់ Cho Gue Sung គឺលោក Cho Chae Hwan បានណែនាំលោក ឲ្យជ្រើសរើសក្រុមដោយផ្អែកលើចំណង់ចំណូលចិត្តផ្ទាល់ខ្លួនរបស់លោក ជាជាងកិត្យានុភាពរបស់ក្រុម ធ្វើឲ្យ Cho Gue Sung មានមោទនភាពយ៉ាងខ្លាំង ចំពោះអ្វីគ្រប់យ៉ាងដែល Cho Gue Sung សម្រេចបាននៅ World Cup។
៥. Cho Gue Sung ដឹង និងស្គាល់អំពី K-Pop ច្រើន
នៅក្នុងបទសម្ភាសន៍មួយ លោក Cho Gue Sung បានបង្ហាញថា អ្នកលេងបាល់ទាត់នៅក្នុងក្រុម តែងតែស្នើសុំឲ្យចាក់បទចម្រៀងរបស់ IVE។
📹 | Os DIVE estão cada vez mais frequentes ❤️ Cho Gue Sung, camisa 9 da seleção de futebol sul-coreana, disse que ele costuma ouvir o IVE no campo de treinamento e que outros jogadores pedem pelas músicas das meninas.#IVE #아이브 @IVEstarshippic.twitter.com/GopSiWNdwG
— IVE BRAZIL 🎉 #IVE3rdDaesang (@IVE_Brazil) December 3, 2022
៦. Cho Gue Sung មិនបានសម្តែងក្នុងរឿង Boys Love K-Drama នោះទេ
បន្ទាប់ពីការប្រកួតនៅ World Cup Cho Gue Sung បានថើបមិត្តរួមក្រុមរបស់លោកគឺ Lee Kang In ក្នុងការអបអរសាទរ ហើយវីដេអូនេះ មានអ្នកចូលមើលរាប់លានដង ក្នុងមួយប៉ព្រិចភ្នែក ដោយមិននឹកស្មានដល់ អ្នកប្រើប្រាស់ Twitter បានសម្រុកចូលផ្នែកបញ្ចេញមតិយោបល់ ព្រមទាំងសួររក Drama ដែលលោកសម្តែងថែមទៀត តែ Cho Gue Sung គឺគ្រាន់តែជាកីឡាករប៉ុណ្ណោះ។
아니 이강인 조규성 뽀뽀하는것도
— 비누 (@ssoap_d) December 4, 2022
있다고 이게 있다고 pic.twitter.com/LupNnbWMO0
៧. មានរឿងអ្វីកើតឡើងរវាង Cho Gue Sung និង Christiano Ronaldo
Cho Gue Sung ទទួលបានភាពល្បីល្បាញ ដោយសាររូបរាងដ៏ល្អរបស់លោក តែយ៉ាងណា Cho Gue Sung ហាក់ដូចជាទាក់សម្តី ជាមួយកីឡាករព័រទុយហ្គាល់ Christiano Ronaldo អំឡុងពេលប្រកួត យ៉ាងណាមិញនៅក្នុងបទសម្ភាសន៍មួយ លោក Cho Gue Sung បានពន្យល់ពីអ្វីដែលពិតជាបានកើតឡើងគឺ លោកមិនបានស្តីបន្ទោស Ronaldo ទេ ប៉ុន្តែខ្លួនបានសម្តែងការខកចិត្តរបស់ខ្លួន តាមរយៈកាយវិការ៕
ប្រភព : Koreaboo