មិនលេងសើចទេ ចេញសម្ដែងម្ដងៗ Hwasa ចំណាយលុយលើម៉ូតសក់ក្រាស់ក្រែលដែរ!

កូរ៉េខាងត្បូង ៖ គ្មានអ្វីដែលគួរឲ្យសង្ស័យឡើយដែលថា Hwasa សមាជិកក្រុម MAMAMOO មានសក់ មើលទៅស្រស់ស្អាតបំផុតនៅក្នុងវិស័យKpop ប៉ុន្តែហ្វេនៗដឹងទេថា តើតារាស្រីរូបនេះត្រូវចំណាយលុយអស់ប៉ុន្មានលើស្ទីលម៉ូតសក់របស់នាង?

តាមរយៈវីដេអូចំណងជើងថា Comment Defenders ដែលជាភាគថ្មីរបស់ AYO អ្នកជំនាញខាងម៉ូតសក់ ២រូបគឺ Areumdaraនិង Kang Jeong Mo បានបានពិពណ៌នាអំពីតម្លៃធ្វើសក់របស់Hwasa ដែលស្ដាប់ទៅពិតជាវាពិតជាគួរចាប់អារម្មណ៍ និងកាន់តែភ្ញាក់ផ្អើលពេលដឹងតម្លៃពេលធ្វើសក់ម្ដងៗ គឺតារាស្រីរូបនេះត្រូវចំណាយលុយម្ដងអស់ប្រមាណ ៦៤៩ ដុល្លារ។

ទោះបីជាវាអាចមិនថ្លៃសម្រាប់តារាៗ ដែលរកចំណូលបានខ្ពស់ដូចជា Hwasa ក៏ដោយ តែវាពិតជាស្តាប់ទៅ មានតម្លៃថ្លៃខ្លាំងសម្រាប់មហាជនទូទៅ និងអ្នកគាំទ្រ ប៉ុន្តែបើទោះជាចំណាយច្រើនតែលទ្ធផលវិជ្ជមានក៏មានច្រើន ព្រោះប្ដូរពណ៌សក់ម្ដងអាចរក្សាបានយូរ ដោយមិនចាំបាច់ទៅហាងញឹកញាប់៕

ប្រភព ៖ Koreaboo